Criminal Justice Season 4 पाहून चाहते संतापले; JioHotstar कडे केली तक्रार, म्हणाले…

पंकज त्रिपाठी यांची 'क्रिमिनल जस्टिस सीझन ४' ही मालिका प्रदर्शित झाली आहे. मात्र, यावेळी पंकज त्रिपाठीचे चाहते खूप निराश झाले आहेत आणि त्यांचा राग जिओहॉटस्टारवर काढत आहे.

(फोटो सौजन्य - Instagram)

Follow Us:

Follow Us:

पंकज त्रिपाठी यांच्या लोकप्रिय मालिकेतील ‘क्रिमिनल जस्टिस’चा चौथा सीझन प्रदर्शित झाला आहे. चाहते बऱ्याच दिवसांपासून या मालिकेची वाट पाहत होते. जेव्हा जेव्हा ही कोर्टरूम ड्रामा मालिका येते तेव्हा पंकज त्रिपाठीचा अभिनय आणि कोर्टातील त्यांचे युक्तिवाद चाहत्यांची मने जिंकतात. यावेळी पंकज त्रिपाठी म्हणजेच वकील माधव मिश्रा एका गुंतागुंतीच्या खून प्रकरणाचा तपास घेताना दिसत आहेत. ‘क्रिमिनल जस्टिस ४’ चा ट्रेलर प्रदर्शित झाला तेव्हा चाहते खूप उत्सुक होते. परंतु आता ही मालिका पहिल्यांनंतर चाहते संतापले आहेत.

‘क्रिमिनल जस्टिस सीझन ४’ पाहिल्यानंतर चाहते निराश झाले
मात्र, ही मालिका प्रदर्शित होताच लोकांचा उत्साह त्यांच्या निराशेत बदलला आहे. आता ही मालिका पाहिल्यानंतर चाहते खूप निराश झाले आहेत आणि सोशल मीडियावर त्यांचा राग काढत आहेत. ‘क्रिमिनल जस्टिस सीझन ४’ पाहिल्यानंतर लोक का संतापले आहेत? त्यांना या मालिकेची कथा आवडली नाही का, की प्रकरण काही वेगळे आहे? लोकांच्या निराशेचे खरे कारण काय आहे? हे आपण जाणून घेणार आहोत.

Rachel Gupta ने परत केला ‘मिस ग्रँड इंटरनॅशनल’चा मुकुट, इतिहास रचल्यानंतर का उचलले ‘हे’ पाऊल?

This is extremely frustrating that it’s only releasing 3 episodes. Why do you always make things difficult for viewers, especially fans of @TripathiiPankaj? You did same with Criminal Justice Season 3. Why do you keep doing this? What’s wrong with you? Isn’t Season 4 fully ready? https://t.co/RpKIkmqJQ6

— Sami Parvez (@SamiParvezQadir) May 29, 2025

फक्त ३ भाग प्रदर्शित झाल्यामुळे चाहते संतप्त
खरं तर, चाहत्यांना या लोकप्रिय मालिकेचे फक्त ३ भाग JioHotstar वर प्रदर्शित झाले आहेत याची समस्या आहे. जेव्हा लोक ‘क्रिमिनल जस्टिस’चा नवीन सीझन पाहण्यासाठी बसले तेव्हा कथा फक्त अर्धी दाखवण्यात आली होती, अशा परिस्थितीत त्यांचा सगळं उत्साह वाया गेला. आता एका X वापरकर्त्याने लिहिले की, ‘फक्त ३ भाग प्रदर्शित झाले आहेत हे खूप निराशाजनक आहे. तुम्ही नेहमीच प्रेक्षकांसाठी, विशेषतः पंकज त्रिपाठीच्या चाहत्यांसाठी गोष्टी का कठीण करता? तुम्ही क्रिमिनल जस्टिस सीझन ३ सोबतही असेच केले. तुम्ही असे का करत राहता? तुमचे काय चुकले आहे? सीझन ४ पूर्णपणे तयार नाही का?’, असे नेटकऱ्याने म्हटले आहे.

प्रसिद्ध गायक Michael Sumler यांचा कार अपघातात मृत्यू, हॉलीवूडमध्ये पसरली शोककळा

JioHotstar कडे चाहत्यांनी केली तक्रार
एकाने लिहिले, ‘क्रिमिनल जस्टिस सीझन ४ चे फक्त ३ एपिसोड, JioHotstar? निराशा.’ कोणीतरी म्हटले, ‘क्रिमिनल जस्टिस सीझन ४ चे फक्त ३ एपिसोड रिलीज झाले आहेत हे खूप त्रासदायक आहे, JioHotstar ची ही पद्धत बिंज-वॉच अनुभवाची मजा नष्ट करेल, कृपया सर्व एपिसोड एकत्र रिलीज करा.’ त्याच वेळी, एका चाहत्याने लिहिले, ‘क्रिमिनल जस्टिस सीझन ४ चे फक्त ३ एपिसोड रिलीज झाले आहेत. मी उत्साहित होतो, पण आता मी ते फक्त तेव्हाच पाहेन जेव्हा सर्व एपिसोड रिलीज होतील.’ असे म्हणून चाहत्यांनी JioHotstar कडे तक्रार केली आहे.

Web Title: Criminal justice season 4 three episode release pankaj tripathi fans disappointed with jiohotstar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com