‘हिंदी लादली जात आहे…’, कन्नड वादादरम्यान आता कमल हसन यांचे भाषेविषयी आणखी एक विधान चर्चेत!

कमल हसन हे त्यांच्या "ठग लाईफ" चित्रपटाच्या प्रमोशन दरम्यान कन्नड भाषेवर केलेल्या टिप्पणीमुळे वादात सापडले आहे. आता त्यांनी दक्षिणेकडील राज्यांमध्ये हिंदी भाषा लादण्याबाबत आपले मत व्यक्त केले आहे.

(फोटो सौजन्य - Instagram)

Follow Us:

Follow Us:

आपल्या भाषेतील टिप्पण्यांमुळे वादात सापडलेले कमल हसन आता दक्षिणेत हिंदी लादण्यावर भाष्य करत आहेत. त्यांनी त्यांच्या नवीन चित्रपट “ठग लाईफ” च्या प्रमोशन दरम्यान हिंदी लादण्याच्या मुद्द्यावर भाष्य केले. अभिनेता नुकताच कन्नड वादादरम्यान चर्चेत आला होता. जो वाद अजून संपला नसून कन्नड समुदायात सुरूच आहे. आता याचदरम्यान कमल हसन यांचे आणखी एक विधान समोर आले आहे जे दक्षिणेकडील राज्यांमध्ये हिंदी भाषा लादण्याबाबत आहे.

कमल हसन यांचे विधान
पॅन-इंडिया सुपरस्टार कमल हसन यांचा नवीन चित्रपट “ठग लाईफ” या आठवड्यात थिएटरमध्ये दाखल झाला. परंतु त्यांनी कन्नड भाषा तमिळ भाषेतून आली आहे असे सांगून वाद निर्माण केला आहे. त्यांनी कन्नड समुदाय यांची माफी मागण्यास नकार दिल्याने हा चित्रपट कर्नाटकात प्रदर्शित होऊ शकला नाही. “माझे काही चुकले असे तर मी माफी मागायला तयार आहे’ असे कमल हसन यांनी कन्नड उच्च न्यायालयात सांगितले.

Shilpa Shetty Birthday: सौंदर्यावर संपूर्ण ‘यूपी-बिहार’ फिदा; उत्कृष्ट अभिनेत्रीसह एक यशस्वी उद्योजिका पर्यंत जाणून घ्या प्रवास!

दक्षिणेकडील राज्यांमध्ये हिंदी भाषा लादण्याबाबत अभिनेता म्हणाले, “जबरदस्ती करू नका, कारण आपण बळजबरीशिवाय शिकू. शिकणे हे एक शिक्षण आहे आणि आपण ते सोप्या पद्धतीने शिकले पाहिजे, मार्गात अडथळे आणू नये.” त्यांच्या राज्य तामिळनाडूतील सत्ताधारी पक्ष, द्रमुकने राष्ट्रीय शिक्षण धोरणांतर्गत त्रिभाषा धोरणाला विरोध केला आहे. कमल हसन म्हणाले की, जबरदस्तीने भाषा लादल्याने शिकण्याच्या प्रक्रियेत अडथळा येतो. ते म्हणाले, “मी पंजाबसोबत आहे, मी कर्नाटकसोबत आहे, मी आंध्रसोबत आहे. हिंदी लादण्यास विरोध फक्त एकाच ठिकाणी नाही.”

ते म्हणाले, “जर तुम्हाला खरोखरच आंतरराष्ट्रीय स्तरावर यशस्वी व्हायचे असेल, तर तुम्हाला एक भाषा शिकावी लागेल आणि इंग्रजी ही सर्वोत्तम भाषा असल्याचे दिसते. तुम्ही स्पॅनिश किंवा चिनी भाषा देखील शिकू शकता, परंतु आपल्याकडे इंग्रजी शिक्षणाचा ३५० वर्षांचा इतिहास आहे. त्यामुळे ती अचानक बदलणे कठीण आहे. असे केल्याने, बरेच लोक वाचायला आणि लिहायला शिकू शकणार नाहीत, विशेषतः तामिळनाडूमध्ये. जर तुम्ही हिंदी लादली आणि तुम्हाला इतरत्र नोकरी मिळणार नाही असे होईल तर लोक विचार करतील की माझ्या भाषेचे काय होईल? भारताच्या २२ अधिकृत भाषांपैकी माझी भाषा एक नाही का?”

फिटनेस फ्रिक शिल्पा शेट्टीला ‘या’ गोष्टीची वाटते प्रचंड भिती, कारण वाचून व्हाल थक्क

जाणून घ्या ‘ठग लाईफ’ बद्दल
कर्नाटक फिल्म चेंबर ऑफ कॉमर्सने म्हटले होते की जोपर्यंत कमल हसन त्यांच्या कन्नड-तमिळ टिप्पणीबद्दल माफी मागत नाहीत तोपर्यंत ते कर्नाटकात ठग लाईफ प्रदर्शित होऊ देणार नाहीत. त्यांच्या प्रॉडक्शन हाऊस राजकमल फिल्म्सने कर्नाटक उच्च न्यायालयात संरक्षण याचिका दाखल केली होती. न्यायालयाने त्यांना कडक शब्दांत फटकारले आणि निर्मात्याने सांगितले की हा चित्रपट कर्नाटकात प्रदर्शित होणार नाही. या वादामुळे आणि नकारात्मक पुनरावलोकनांमुळे “ठग लाईफ” ची कमाई मंदावली आहे. या चित्रपटाने भारतात पहिल्या तीन दिवसांत फक्त ₹३० कोटींची कमाई केली आहे.

Web Title: Kamal haasan thug life kannada controversy hindi imposition language issue south india tamil pan india actor rajkamal films karnataka release ban

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com