मानसी घोष बनली ‘इंडियन आयडल १५’ ची विनर, चमकदार ट्रॉफीसह पटकावले ‘हे’ बक्षीस!

मानसी घोष 'इंडियन आयडल सीझन १५' ची विजेती ठरली आहे. जिंकल्यावर तिला ट्रॉफीसोबत एक चमकदार कार आणि लाखो रुपयांची रोख रक्कम देखील मिळाली आहे. वयाच्या २४ वर्षात मानसीने ही कामगिरी केली आहे.

(फोटो सौजन्य - अकाउंट)

Follow Us:

Follow Us:

मानसी घोषने ‘इंडियन आयडल सीझन १५’ ची ट्रॉफी स्वतःच्या नावावर केली आहे. या शोचा अंतिम सामना रविवार ६ एप्रिल रोजी झाला. स्पर्धकांनी त्यांचा शेवटचा परफॉर्मन्स दिला. इंडियन आयडॉलच्या अधिकृत सोशल मीडिया अकाउंटवरही मानसीच्या विजयाची घोषणा करण्यात आली आहे. आता या बातमीने तिच्या चाहत्यांना चांगलाच आनंद झाला आहे. मानसीने वयाच्या २४ व्या वर्षी ही कामगिरी करून दाखवली आहे. आण तिच्या आवाजाने चाहत्यांना प्रेमात पाडले आहे.

इंडियन आयडॉलने शेअर केली पोस्ट
इंडियन आयडॉलने त्यांच्या अधिकृत सोशल मीडिया अकाउंटवर विजेत्याची घोषणा केली आणि तिचे अभिनंदन केले आहे. ट्विटमध्ये लिहिले होते, ‘इंडियन आयडल सीझन १५ जिंकल्याबद्दल मानसी घोषला खूप खूप अभिनंदन!’ काय आवाज, काय प्रवास! खरोखरच कौतुकास्पद, तुम्ही प्रत्येक कामगिरी संस्मरणीय बनवली आहे.’ असे लिहून त्यांनी ही पोस्ट शेअर केली आहे.

गौतमी पाटीलची पहिली गवळण ‘कृष्ण मुरारी’प्रेक्षकांच्या भेटीला, नव्या गाण्याची जोरदार चर्चा, पाहा खास झलक

सुभाजीत आणि स्नेहा शंकर या स्पर्धकांना दिली टक्कर
मानसीने तिच्या भावनिक आणि प्रभावी गायनाने सहकारी अंतिम फेरीतील स्पर्धक सुभाजित चक्रवर्ती आणि स्नेहा शंकर यांना हरवले आहे. मानसीच्या सातत्यपूर्ण कामगिरीमुळे आणि प्रेक्षकांशी जोडण्याची क्षमतेने तिला अव्वल स्थान मिळविण्यात मदत केली आहे. शो जिंकल्यानंतर तिला एक नवीन कारही मिळाली आहे. सोबतच तिला २५ लाख रुपयांची रोख रक्कम आणि एक गिफ्ट हॅम्पर देखील मिळाले आहे.

Huge congratulations to Manasi Ghosh on winning Indian Idol Season 15! What a voice, what a journey! Truly well deserved — you made every performance count.#indianidol #indianidol15 #vishaldadlani #shreyaghoshal #badshah #adityanarayan #manasighosh pic.twitter.com/DtsIhUo5dE

— Indian Idol Season 15 (@Indian__Idol) April 6, 2025

‘इंडियन आयडल सीझन १५’ चा प्रवास
‘इंडियन आयडल सीझन १५’ ऑक्टोबर २०२४ मध्ये सुरू झाला आणि पाच महिने हा शो चालला. या काळात, अनेक स्पर्धकांनी शोमध्ये त्यांच्या आवाजाची जादू पसरवली. शेवटी तीन स्पर्धक अंतिम फेरीत पोहोचले. मानसी घोषने तिच्या उत्कृष्ट अभिनयाने हा शो जिंकला. आणि चाहत्यांच्या मनात घर केले. आता तिच्या आवाजाची जादू त्यांच्या मनावर चढली आहे.

Ramayana: रामनवमीच्या निमित्ताने चाहत्यांनी ‘रामायण’चे पोस्टर केले रिलीज, चाहत्यांना दिल्या शुभेच्छा!

सोशल मीडिया वापरकर्त्यांनी काय म्हटले?
मानसीच्या विजयावर सोशल मीडिया वापरकर्त्यांनीही प्रतिक्रिया देण्यास सुरुवात केली आहे. एका वापरकर्त्याने लिहिले, “मानसी घोष किती अद्भुत गायिका आहे, ती एक खरी भारतीय रॉक स्टार आहे, तिने तिच्याच शैलीत त्यांच्यासमोर जिवंत दिग्गज सुखविंदर जी यांचे गाणे गायले आणि त्यांना तिच्यासोबत गाण्यास सांगितले, व्वा ती एक विजेती आहे.” तसेच अनेक चाहत्यांनी मानसीचे कौतुक करून तिचे अभिनंदन केले आहे.

Web Title: Manasi ghosh lifts trophy of indian idol season 15 wins brand new car social media reaction

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com