मंगळवार, 20 ऑक्टोबर 2026
(फोटो सौजन्य - इन्स्टाग्राम)
अलिकडेच आमिर खानचा भाऊ फैसल खानने आमिर खानच्या वैयक्तिक आयुष्याबद्दल अनेक दावे केले आहेत. यानंतर आमिरच्या वैयक्तिक आयुष्याशी संबंधित एक जुनावाद पुन्हा एकदा समोर आला आहे. जाणून घ्या कोण होती ती ब्रिटिश पत्रकार ज्याचे नाव आमिरशी जोडले गेले होते? आमिर खानचा भाऊ फैसल खानने याबद्दल काय म्हटले आहे हे जाणून घेऊयात.
भाऊ फैसलने केले धक्कादायक खुलासे
बॉलीवूडचा मिस्टर परफेक्शनिस्ट आमिर खानला त्याचे वैयक्तिक आयुष्य खाजगी ठेवायला आवडते. पण, अलीकडेच त्याचा भाऊ फैसल खानने अभिनेता आणि त्याच्या कुटुंबाबद्दल अनेक धक्कादायक खुलासे केले आहेत. त्याने आमिर खानच्या वैयक्तिक आयुष्याबद्दलही सांगितले आहे. फैसलच्या दाव्यांमुळे आमिर खानच्या ब्रिटीश पत्रकार जेसिका हाइन्ससोबतच्या कथित संबंधांच्या बातम्यांना पुन्हा एकदा उधाण आले आहे. इतकेच नाही तर फैसलने खुलासा केला आहे की आमिरला जेसिकासोबत जान नावाचे एक मूल देखील आहे. जेसिका एक ब्रिटिश पत्रकार आहे. ती १९९८ मध्ये अमिताभ बच्चनवर पुस्तक लिहिण्यासाठी भारतात आली होती.
Thama Teaser: ‘थामा’ चित्रपटाचा ट्रेलर रिलीज; प्रेक्षकांना भयपटासह प्रेमकथेची मिळणार झलक
‘गुलाम’ चित्रपटाच्या शूटिंग दरम्यान जेसिका-आमिरची भेट झाली
२००५ मध्ये आमिर खानच्या वैयक्तिक आयुष्यावरून खूप वाद झाला होता. टाईम्स ऑफ इंडियामधील एका वृत्तानुसार, स्टारडस्ट मासिकात असे म्हटले होते की आमिर खान आणि जेसिका यांच्यात नातेसंबंध होते. या वृत्तात असाही दावा करण्यात आला आहे की आमिर खान यांना जेसिकासोबत जान नावाचे एक मूल आहे. ‘गुलाम’ चित्रपटाच्या शूटिंग दरम्यान आमिर आणि जेसिका यांची भेट झाली होती.
आमिर खानने मुलाची जबाबदारी घेण्यास दिला नकार
लेखात असाही दावा करण्यात आला आहे की जेव्हा जेसिका गर्भवती असल्याचे कळले तेव्हा आमिर खानने मुलाची जबाबदारी घेण्यास नकार दिला. त्याने जेसिकाला गर्भपात करण्यास सांगितले. तसेच, जेसिकाने मुलाला जन्म देण्याचा आणि स्वतःच त्याचे संगोपन करण्याचा निर्णय घेतला. २००० च्या दशकाच्या सुरुवातीला तिने एका मुलाला जन्म दिला आणि त्याचे नाव जान ठेवले. टाईम्स ऑफ इंडियाच्या वृत्तानुसार, २००७ मध्ये जेसिकाने लंडनमधील व्यावसायिक विल्यम टॅलबोटशी लग्न केले. विल्यमने त्याचा मुलगा जानच्या संगोपनात आणि काळजी घेण्यात खूप मदत केली.
आमिरचा भाऊ फैसल काय म्हणाला?
फैसल खानने अलीकडेच त्याच्या कुटुंबावर आणि भाऊ आमिरवर अनेक गंभीर आरोप केले आहेत. फैसल म्हणाला, ‘माझी बहीण निखतने तीन वेळा लग्न केले आहे. आमिरने लग्न केले, नंतर रीनाला घटस्फोट दिला, त्यानंतर तो जेसिका हाइन्ससोबत रिलेशनशिपमध्ये आला आणि त्यांना एक मूल देखील आहे. जेव्हा तो रीनासोबत होता तेव्हा तो किरणसोबत लिव्ह-इन रिलेशनशिपमध्ये होता. माझ्या वडिलांनी दोनदा लग्न केले, माझ्या चुलत भावानेही दोनदा लग्न केले आणि घटस्फोट घेतला. जेव्हा मला लग्न करण्यास भाग पाडले जात होते, तेव्हा मी म्हणायचो, ‘तुम्ही मला काय सल्ला देत आहात? मग मी स्वतःला घरापासून दूर केले आणि त्यांच्याशी बोलणे बंद केले’.
