गुजराती लोकांबाबत वादग्रस्त वक्तव्य केल्यानंतर मल्लिकार्जुन खरगे यांनी माफी मागितली (फोटो - सोशल मीडिया)
Mallikarjun Kharge Apologizes to Gujarati People : नवी दिल्ली : काँग्रेस अध्यक्ष मल्लिकार्जुन खरगे हे सध्या जोरदार चर्चेत आले आहेत. खरगे हे केरळ विधानसभा निवडणुकीच्या प्रचारासाठी मैदानात उतरले आहेत. त्यांनी निवडणुकीच्या प्रचारादरम्यान गुजराती समाजाबद्दल केलेल्या वक्तव्याबद्दल माफी मागितली आहे. काँग्रेस (Congress News) अध्यक्ष मल्लिकार्जुन खरगे हे मोदी सरकारसमोर झुकले असल्याची टीका आता राजकीय वर्तुळातून केली जात आहे.
मल्लिकार्जुन खरगे यांनी म्हटले आहे की, माझ्या वक्तव्याचा हेतुपुरस्सर विपर्यास केला जात आहे, परंतु त्यांना त्याबद्दल खेद वाटतो. ‘एक्स’ या सोशल मीडिया प्लॅटफॉर्मवर पोस्ट करत काँग्रेस अध्यक्षांनी लिहिले, “माझ्या निवडणूक भाषणातील काही वक्तव्यांचा हेतुपुरस्सर विपर्यास केला जात आहे. तरीही, मी जबाबदारी स्वीकारून माझ्या वतीने खेद व्यक्त करतो.”
हे देखील वाचा : निवडणूक आयोगाचा मतता दीदींना दणका; तृणमूल कॉंग्रेसला दिला अंतिम इशारा
आपल्या सोशल मीडियावर मल्लिकार्जुन खर्गे यांनी लिहिले की, “केरळमध्ये मी नुकत्याच दिलेल्या एका निवडणूक भाषणातील काही वक्तव्ये हेतुपुरस्सर चुकीच्या पद्धतीने मांडली जात आहेत. तरीही, मी मनापासून खेद व्यक्त करतो. गुजरातच्या लोकांबद्दल माझ्या मनात नेहमीच सर्वोच्च आदर होता आणि तो नेहमीच राहील. त्यांच्या भावना दुखावण्याचा माझा हेतू कधीच नव्हता, अशा शब्दांत मल्लिकार्जुन खरगे यांनी दिलगिरी व्यक्त केली आहे.
हे देखील वाचा : काँग्रेसच्या ज्येष्ठ नेत्या मोहसिना किदवाई यांचे निधन; इंदिरा गांधींशी होता खास स्नेह
केरळमध्ये काँग्रेस पक्षाचा प्रचार करत असताना मल्लिरकार्जुन खरगे यांनी एका सभेला संबोधित केले, ज्यात त्यांनी पंतप्रधान मोदींवर निशाणा साधला. मात्र, यावेळी त्यांनी गुजरातच्या लोकांचा उल्लेख केल्याने मोठा वाद निर्माण झाला. खरगे म्हणाले की, “मोदीजी, तुम्ही गुजरातच्या निरक्षर लोकांना फसवू शकता, पण केरळच्या लोकांना फसवू शकत नाही. असे वक्तव्य खरगे यांनी केले.
Some remarks of mine in a recent election speech in Kerala are being deliberately misinterpreted. Even so, I express my sincere regret. It was never my intention to hurt the sentiments of the people of Gujarat for whom I have always had and will continue to have the highest of… — Mallikarjun Kharge (@kharge) April 8, 2026
भाजप नेत्यांकडून खर्गेंच्या
काँग्रेस अध्यक्षांच्या वक्तव्याचा भाजप नेत्यांनी तीव्र शब्दांत निषेध केला असून, गुजरातविरोधी द्वेष विरोधी पक्षाच्या डीएनएमध्येच आहे असा आरोप करत त्यांनी माफीची मागणी केली. खर्गे यांच्या वक्तव्याचा निषेध करणाऱ्या भाजप नेत्यांमध्ये गुजरातचे मुख्यमंत्री भूपेंद्र पटेल यांचाही समावेश होता. गांधीनगर येथे आयोजित पत्रकार परिषदेत मुख्यमंत्री पटेल म्हणाले की, खर्गे यांनी केवळ गुजरातच्या लोकांचाच अपमान केला नाही, तर महात्मा गांधी आणि सरदार वल्लभभाई पटेल यांच्या पवित्र भूमीच्या प्रतिष्ठेलाही धक्का पोहोचवला आहे.
‘६५ दशलक्ष गुजराती लोकांचा अपमान’
पटेल पुढे म्हणाले की, अशी वक्तव्ये आक्षेपार्ह आणि दुर्दैवी आहेत. त्यांनी (खर्गे) केवळ ६५ दशलक्ष गुजराती लोकांचाच अपमान केला नाही, तर महात्मा गांधी आणि सरदार वल्लभभाई पटेल यांच्या पवित्र भूमीच्या प्रतिष्ठेलाही धक्का पोहोचवला आहे. अशा वक्तव्यांमुळे राज्यातील लोकांचा अपमान झाला असून त्यांच्या प्रतिष्ठेला धक्का पोहोचला आहे.
