AUS vs SA: ऑस्ट्रेलियाने दोन पराभवांचा वचपा काढला, अखेरच्या सामन्यात दक्षिण आफ्रिकेचा 276 धावांनी धुव्वा

ऑस्ट्रेलियाने तिसऱ्या वनडेत दक्षिण आफ्रिकेचा 276 धावांनी दारुण पराभव केला. कॅमरून ग्रीन, ट्रॅव्हिस हेड आणि मिचेल मार्श यांच्या शतकांमुळे ऑस्ट्रेलियाने 431 धावांचा डोंगर उभारला.

AUS vs SA (Photo Credit -X)

Follow Us:

Follow Us:

AUS vs SA 3rd ODI: ऑस्टेलिया आणि दक्षिण आफ्रिका याच्यांत तीन सामन्याची एकदिवसीय मालिका (AUS vs SA) संपुष्टात आली आहे. तिसऱ्या एकदिवसीय सामन्यात कांगारुने दक्षिण आफिकेचा २७६ धावांनी पराभव केला आहे. वनडे मालिकेतील पहिले दोन सामने गमावल्यानंतरही ऑस्ट्रेलियन क्रिकेट संघाने शेवटच्या सामन्यात जबरदस्त कामगिरी करत मालिका विजयाचा वचपा काढला. तिसऱ्या आणि शेवटच्या वनडे सामन्यात ऑस्ट्रेलियाने प्रथम फलंदाजी करताना ४३१ धावांचा विशाल स्कोर उभा केला आणि त्यानंतर अचूक गोलंदाजी व उत्कृष्ट क्षेत्ररक्षण करत दक्षिण आफ्रिकेला २७६ धावांनी पराभूत केले.

With the series already won, South Africa will look to shrug this off More stats: https://t.co/4l5slvXIKq | #AUSvSA pic.twitter.com/20nCO4TXKR — ESPNcricinfo (@ESPNcricinfo) August 24, 2025

हे देखील वाचा: ६ चौकार आणि ८ षटकार, Cameron Green चे वादळी शतक; पहिल्यांदाच घडला असा पराक्रम

ऑस्ट्रेलियाची आक्रमक फलंदाजी

मॅककेच्या ग्रेट बॅरिअर रीफ एरिनामध्ये रविवारी (24 ऑगस्ट) खेळल्या गेलेल्या या सामन्यात ऑस्ट्रेलियाने नाणेफेक जिंकून प्रथम फलंदाजीचा निर्णय घेतला. याआधीच्या दोन सामन्यांमध्ये अनुक्रमे १९८ आणि १९३ धावांवर गारद झालेल्या ऑस्ट्रेलियाने यावेळी मात्र दमदार कमबॅक केले. ऑस्ट्रेलियाने केवळ २ गडी गमावून ४३१ धावांचा डोंगर उभारला. ऑस्ट्रेलियाच्या सुरुवातीच्या तीन फलंदाजांनी धमाकेदार शतके ठोकली, ज्यातील प्रत्येक शतक खास होते.

• ट्रॅव्हिस हेडचे शानदार शतक: गेल्या दोन सामन्यांत अपयशी ठरलेल्या ट्रॅव्हिस हेडने यावेळी दक्षिण आफ्रिकेच्या गोलंदाजांना अक्षरशः चोपले. त्याने फक्त ३२ चेंडूत अर्धशतक आणि ८० चेंडूत शतक पूर्ण केले. १०३ चेंडूत १४२ धावांची खेळी करून त्याने यावर्षीचे पहिले आंतरराष्ट्रीय शतक झळकावले.
• मिचेल मार्शचे नेतृत्वक्षम शतक: ऑस्ट्रेलियाचा कर्णधार मिचेल मार्शनेही कर्णधार म्हणून आपले पहिले वनडे शतक झळकावले. त्याने हेडसोबत २५० धावांची सलामी भागीदारी केली.
• कॅमरून ग्रीनचे वादळी शतक: तिसऱ्या क्रमांकावर फलंदाजीसाठी आलेल्या कॅमरून ग्रीनने टी-२० मालिकेतील आपली आक्रमक फॉर्म कायम राखत तुफानी शतक ठोकले. २८ चेंडूत अर्धशतक आणि केवळ ४७ चेंडूत त्याने आपले पहिले वनडे शतक पूर्ण केले. हे ऑस्ट्रेलियाच्या वनडे इतिहासातील दुसरे सर्वात जलद शतक आहे. ग्रीन ५५ चेंडूत ११८ धावा करून नाबाद राहिला, ज्यात ८ षटकार आणि ७ चौकारांचा समावेश होता. याव्यतिरिक्त, अॅलेक्स कॅरीने ३७ चेंडूत नाबाद ५० धावांचे योगदान दिले.

दक्षिण आफ्रिकेचा संघ १५५ धावांवर गारद

Web Title: Australia beats south africa 276 runs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com