तो भारताचा पुढचा सुपरस्टार …ऑस्ट्रेलियन दिग्गज अ‍ॅडम गिलख्रिस्टने केली भविष्यवाणी

आता क्रिकेटमधील महान यष्टीरक्षक-फलंदाजांपैकी एक असलेल्या अ‍ॅडम गिलख्रिस्टने तरुण भारतीय फलंदाज यशस्वी जयस्वालचे कौतुक केले आहे. त्याने या तरुणाचे वर्णन भारताचा पुढचा मोठा सुपरस्टार म्हणून केले आहे. 

फोटो सौजन्य - X

Follow Us:

Follow Us:

भारताचा संघ हा इंग्लडविरुद्ध मालिका खेळणार आहे, या मालिकेत भारताच्या संघ कशी कामगिरी करेल हे पाहणे मनोरंजक ठरेल. शुभमन गिल टीम इंडीयाचे नेतृत्व करताना दिसणार आहे, तर रिषभ पंतकडे भारतीय संघाचे उपकर्णधारपद सोपवण्यात आले आहे. भारताचा संघ आता बेन स्टोक्सच्या संघाविरुद्ध कसा लढणार हे पाहणे महत्वाचे ठरणार आहे. आता क्रिकेटमधील महान यष्टीरक्षक-फलंदाजांपैकी एक असलेल्या अ‍ॅडम गिलख्रिस्टने तरुण भारतीय फलंदाज यशस्वी जयस्वालचे कौतुक केले आहे. त्याने या तरुणाचे वर्णन भारताचा पुढचा मोठा सुपरस्टार म्हणून केले आहे. 

ऑस्ट्रेलियाविरुद्ध पर्थ कसोटीत जयस्वालने शतक झळकावल्यानंतर आणि मिशेल स्टार्कशी झालेल्या वादानंतर काही महिन्यांनी, त्याने म्हटले आहे की अशी थट्टा करणे सामान्य आहे. बॉर्डर-गावस्कर ट्रॉफीच्या पहिल्या कसोटीत ती घटना घडली. पर्थमध्ये खेळल्या गेलेल्या त्या सामन्यात जयस्वालने स्टार्कच्या चेंडूवर चौकार मारला आणि त्याच्यावर टिप्पणी केली, ‘तू खूप हळू गोलंदाजी करत आहेस.’ त्या कसोटीत दोघांमध्ये हलकीशी बाचाबाची झाली. त्या डावात जयस्वालने शतक झळकावले आणि भारताने पहिली कसोटी जिंकली. तथापि, पुढच्याच कसोटीत स्टार्कने जयस्वालला शून्यावर बाद केले.

स्पोर्ट्स यारीशी झालेल्या संभाषणात, अॅडम गिलख्रिस्टने पर्थ कसोटी आणि जयस्वाल यांच्याबद्दल एक इंग्रजी म्हण वापरली. तो म्हणाला – प्रत्येक कुत्र्याचा दिवस असतो, हा त्याचा (जयस्वालचा) दिवस होता. गिलख्रिस्टने येथे जयस्वालसाठी शिवीगाळ केली नाही किंवा वांशिक टिप्पणी केली नाही, परंतु या म्हणीचा शब्दशः अर्थ असा आहे. ‘प्रत्येक कुत्र्याचा दिवस असतो’ म्हणजे प्रत्येकाचा एक भाग्यवान दिवस असतो. जसे भारतात म्हटले जाते – प्रत्येक कुत्र्याचा दिवस परत येतो.

ENG vs IND : भारताच्या अडचणी वाढल्या! तिसऱ्या क्रमांकावर खेळणार कोण? जाणून घ्या अशी असू शकते भारतीय संघाची प्लेइंग 11

यशस्वी जयस्वालने ऑस्ट्रेलियाच्या वेगवान आणि उसळत्या खेळपट्ट्यांवर शानदार कामगिरी केली. तो भारताकडून मालिकेत सर्वाधिक धावा करणारा फलंदाज होता. त्याने ५ कसोटी सामन्यांच्या मालिकेत ३९१ धावा केल्या. यादरम्यान, त्याने पर्थमध्ये १६१ धावांचे शानदार शतक झळकावले. त्याने मालिकेत २ अर्धशतकेही झळकावली. तथापि, पहिली कसोटी जिंकूनही, भारताला ऑस्ट्रेलियाकडून ३-१ अशी मालिका गमवावी लागली. गेल्या ४ मालिकांमध्ये जयस्वाल भारताकडून ३ वेळा सर्वाधिक धावा करणारा फलंदाज ठरला आहे. २० जूनपासून इंग्लंडविरुद्ध सुरू होणाऱ्या ५ कसोटी सामन्यांच्या मालिकेत त्याच्याकडून अशाच कामगिरीची अपेक्षा आहे.

Web Title: Australian legend adam gilchrist made a prediction

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com