गुरुवार, 22 ऑक्टोबर 2026
फोटो सौजन्य - सोशल मिडिया
पाकिस्तान क्रिकेट बोर्ड सध्या सातत्याने चर्चेत आहे, अफगाणिस्तानवर हल्ला केल्यानंतर अफगाणिस्तानने पीसीबीला बाॅयकाॅट करण्यात ठरवले आहे.तीन देशांमध्ये होणाऱ्या ट्राय सिरीजमधून अफगाणिस्तानने नाव मागे घेतले आहे. आता आणखी एक बातमी समोर आली आहे. एका मोठ्या निर्णयात, पाकिस्तान क्रिकेट बोर्डाने मोहम्मद रिझवानला एकदिवसीय संघाच्या कर्णधारपदावरून काढून टाकले आहे. पाकिस्तानकडे आता तिन्ही फॉरमॅटसाठी तीन वेगवेगळे कर्णधार आहेत.
रिझवानपूर्वी बाबर आझम एकदिवसीय कर्णधार होता, परंतु खराब कामगिरीमुळे त्याला कर्णधारपदावरून काढून टाकण्यात आले. टी-२० संघाचेही नेतृत्व करणाऱ्या शाहीन शाह आफ्रिदीला पाकिस्तानच्या एकदिवसीय संघाचा नवा कर्णधार म्हणून नियुक्त करण्यात आले आहे. पाकिस्तान दक्षिण आफ्रिकेविरुद्ध तीन सामन्यांची एकदिवसीय मालिका खेळणार आहे. या मालिकेपासून शाहीन आफ्रिदी पाकिस्तान संघाचे नेतृत्व करणार आहे. पाकिस्तान क्रिकेट बोर्डाने (पीसीबी) काल हा महत्त्वाचा निर्णय घेतला.
आता, सलमान आघा पाकिस्तानच्या टी-२० संघाचा कर्णधार आहे, शाहीन आफ्रिदी एकदिवसीय संघाचा कर्णधार आहे आणि शान मसूद कसोटी संघाचा कर्णधार आहे. २०२३ च्या एकदिवसीय विश्वचषकात बाबर आझम पाकिस्तानच्या एकदिवसीय संघाचा कर्णधार होता. तथापि, संघाच्या खराब कामगिरीमुळे त्याला कर्णधारपदावरून काढून टाकण्यात आले आणि मोहम्मद रिझवानला नवीन एकदिवसीय कर्णधार म्हणून नियुक्त करण्यात आले. तथापि, मोहम्मद रिझवानच्या नेतृत्वाखालीही पाकिस्तानच्या कामगिरीत सुधारणा झाली नाही.
Shaheen Shah Afridi replaces Mohammad Rizwan as ODI captain – set to take charge in the upcoming home series against South Africa pic.twitter.com/jwV8spSRzn — ESPNcricinfo (@ESPNcricinfo) October 20, 2025
आयसीसी चॅम्पियन्स ट्रॉफी २०२५ मध्ये, पाकिस्तानी संघाने खराब कामगिरी केली आणि उपांत्य फेरी गाठण्यात अपयशी ठरला. त्यानंतर, वेस्ट इंडिजविरुद्धच्या एकदिवसीय मालिकेत पाकिस्तानला पराभवाचा सामना करावा लागला. त्यानंतर न्यूझीलंडने तिरंगी मालिकेच्या अंतिम सामन्यात पाकिस्तानला पराभूत केले. परिणामी, पीसीबीने आता रिझवानला कर्णधारपदावरून काढून टाकण्याचा निर्णय घेतला आहे. पाकिस्तान संघ सध्या दक्षिण आफ्रिकेविरुद्ध दोन सामन्यांची घरच्या मैदानावर कसोटी मालिका खेळत आहे.
पहिला सामना पाकिस्तानने जिंकला आणि दुसऱ्या कसोटीच्या दिवशी एकदिवसीय संघाचा नवीन कर्णधार जाहीर करण्यात आला. पीसीबीने एक प्रेस रिलीज जारी केली, ज्यामध्ये शाहीन आफ्रिदीला पाकिस्तानच्या एकदिवसीय संघाचा नवीन कर्णधार म्हणून नियुक्त केले जाईल अशी घोषणा करण्यात आली.
