रोहित शर्मा आणि देवेंद्र फडणवीस(फोटो-सोशल मीडिया)
Rohit Sharma Test Retirement : भारतीय संघाचा कर्णधार रोहित शर्माने नुकतीच कसोटी क्रिकेटमधून निवृत्ती घेऊन सर्वांना आश्चर्याचा धक्का दिला. या निर्णयाने त्याचे चाहते निराश झाले आहेत. इंग्लंड दौऱ्यावर तो टीम इंडियाचे नेतृत्व करेल असे सर्वांना वाटत असताना, त्याने अचानक निवृत्तीची घोषणा केली. दरम्यान, रोहित राजकारणात येण्याच्या बातम्यांनाही सद्या खूप उधाण आले आहे. त्यामागील कारण असे की त्याने महाराष्ट्राचे मुख्यमंत्री देवेंद्र फडणवीस यांची त्यांच्या वर्षा या सरकारी निवासस्थानी जाऊन भेट घेतली आहे.
रोहित शर्मा आणि महाराष्ट्राचे मुख्यमंत्री देवेंद्र फडणवीस यांच्यातील भेटीमुळे अनेत ट्रक वितर्क लावले जात आहेत. या बैठकीनंतर रोहित शर्मा राजकारणात जाण्याची चर्चा होऊ लागली आहे. क्रिकेटनंतर रोहित शर्मा खरोखरच राजकारणात प्रवेश करू शकतो का? असा अंदाज लोक लावताना दिसत आहेत.
निवृत्तीनंतर बरेच क्रिकेटपटू हे आपली दुसरी इनिंग राजकारणात प्रवेश करून सुरू करतात हे अनेकदा दिसून आलं आहे. माजी भारतीय कर्णधार मोहम्मद अझरुद्दीनपासून विनोद कांबळी ते नवजोत सिंग सिद्धूपर्यंत, यांनी क्रिकेटनंतर राजकारणात प्रवेश केला आहे. अशा परिस्थितीत, रोहित शर्मा देखील राजकारणात प्रवेश करू शकतो, खर तर अद्याप अशी कोणतीच बातमी समोर आलेली नाही.
महाराष्ट्राचे मुख्यमंत्री देवेंद्र फडणवीस यांनी त्यांच्या सोशल मीडिया प्लॅटफॉर्मवर रोहित शर्मासोबतच्या बैठकीचे फोटो शेअर केले आहेत. त्याच्या कॅप्शनमध्ये त्यांनी लिहिले आहे की ‘माझ्या अधिकृत निवासस्थानी भारतीय क्रिकेटपटू रोहित शर्माचे स्वागत आहे. त्याला भेटून आणि त्याच्याशी बोलून खूप आनंद झालाया आहे. कसोटी क्रिकेटमधून निवृत्ती घेतल्याबद्दल मी त्याला शुभेच्छा देत असून त्याच्या कारकिर्दीच्या पुढील अध्यायासाठी शुभेच्छा देतो!’
It was great to welcome, meet and interact with Indian cricketer Rohit Sharma at my official residence Varsha. I extended my best wishes to him on his retirement from Test cricket and for continued success in the next chapter of his journey!@ImRo45#Maharashtra #Mumbai… pic.twitter.com/G0pdzj6gQy — Devendra Fadnavis (@Dev_Fadnavis) May 13, 2025
रोहित शर्माने ७ मे रोजी आयपीएल २०२५ दरम्यान कसोटी फॉर्मेटमधून निवृत्तीची घोषणा केली आहे. आता तो फक्त एकदिवसीय क्रिकेट आणि आयपीएल खेळताना दिसेल. ३८ वर्षीय हा त्याच्या कारकिर्दीच्या उत्तरार्धात भारताच्या सर्वात यशस्वी कसोटी फलंदाजांपैकी एक आहे.हिटमनने सोशल मीडियावर एक स्टोरी शेअर करून निवृत्तीची घोषणा केली होती. रोहित शर्मा एकदिवसीय क्रिकेट खेळणार आहे. आता रोहित शर्मानंतर भारतीय कसोटी संघाचा कर्णधार कोण असेल? हा सर्वात मोठा प्रश्न निर्माण झाला आहे.
