रविवार, 25 ऑक्टोबर 2026
फोटो सौजन्य - आयसीसी
भारत विरुद्ध इंग्लड यांच्यामध्ये काल महिला विश्वचषकाचा सामना पार पडला या सामन्यामध्ये भारताच्या संघाला 4 धावांनी पराभवाचा सामना करावा लागला आहे. भारत आणि इंग्लंड यांच्यातील महिला एकदिवसीय विश्वचषक २०२५ सामना १९ ऑक्टोबर रोजी इंदूर येथे खेळवण्यात आला. इंग्लंडने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना इंग्लंडने ५० षटकांत ७ गडी गमावून २८८ धावा केल्या. भारताने २८४ धावा केल्या. इंग्लंडने हा सामना ४ धावांनी जिंकला. या सामन्यानंतर इंग्लंडने गुणतालिकेत दुसरे स्थान पटकावले.
४ धावांनी सामना जिंकल्यानंतर, इंग्लंड आता दुसऱ्या स्थानावर पोहोचला आहे. संघाने खेळलेल्या ५ पैकी ४ सामने जिंकले आहेत. ९ गुणांसह ते दुसऱ्या स्थानावर आहेत. ऑस्ट्रेलिया ९ गुणांसह अव्वल स्थानावर आहे, तर दक्षिण आफ्रिका ८ गुणांसह तिसऱ्या स्थानावर आहे. भारत ४ गुणांसह चौथ्या स्थानावर आहे. न्यूझीलंड ४ गुणांसह पाचव्या स्थानावर आहे.
भारत आणि न्यूझीलंड हे उपांत्य फेरीत स्थान मिळविण्यासाठी स्पर्धा करत आहेत. उर्वरित सामन्यांमध्ये सर्वोत्तम कामगिरी करणारा संघ उपांत्य फेरीत स्थान निश्चित करेल, कारण इंग्लंडविरुद्धच्या पराभवानंतर भारताचा उपांत्य फेरीचा मार्ग अधिकच कठीण झाला आहे.
| संघ | सामना | विजय | पराभव | टाय | निकाल नाही | गुण | रन रेट |
|---|---|---|---|---|---|---|---|
| ऑस्ट्रेलिया | 5 | 4 | 0 | 0 | 1 | 9 | +1.818 |
| इंग्लड | 5 | 4 | 1 | 0 | 0 | 9 | +1.490 |
| दक्षिण आफ्रिका | 5 | 4 | 0 | 0 | 0 | 8 | -0.440 |
| भारत | 5 | 2 | 3 | 0 | 0 | 4 | +0.526 |
| न्यूझीलंड | 5 | 1 | 2 | 0 | 2 | 4 | -0.245 |
| बांग्लादेश | 5 | 1 | 4 | 0 | 2 | 2 | -0.676 |
| श्रीलंका | 5 | 0 | 3 | 0 | 2 | 2 | -1.564 |
| पाकिस्तान | 5 | 0 | 3 | 0 | 2 | 2 | -1.887 |
भारतीय संघाचा पुढील सामना २३ ऑक्टोबर रोजी न्यूझीलंडविरुद्ध असेल. त्यानंतर २६ ऑक्टोबर रोजी टीम इंडियाचा सामना बांगलादेशशी होईल. जर टीम इंडिया त्यांचे पुढील दोन्ही सामने जिंकण्यात यशस्वी झाली तर ते सेमीफायनलमध्ये सहज स्थान मिळवू शकतील. न्यूझीलंडविरुद्ध भारताचा सामना त्यांच्यासाठी निर्णायक ठरू शकतो.
जर भारताला दुसरा सामना जिंकता आला नाही, तर त्यांना इतर निकालांवर अवलंबून राहावे लागेल. जर भारत येथून फक्त न्यूझीलंडविरुद्ध जिंकला, तर त्यांना त्यांचा नेट रन रेट बांगलादेशपेक्षा चांगला असावा याची खात्री करावी लागेल. कारण, जर बांगलादेशने भारत आणि श्रीलंकेला हरवले तर ते देखील सहा गुणांसह गट टप्प्यात पोहोचू शकतात.
न्यूझीलंड, श्रीलंका किंवा पाकिस्तान सहा गुणांसह अंतिम फेरी गाठू शकतात, परंतु जिंकलेल्या सामन्यांच्या संख्येवर भारताचाच वरचष्मा असेल. जर भारत येथून फक्त बांगलादेशविरुद्ध जिंकला तर त्यांना इंग्लंड न्यूझीलंडला हरवेल अशी आशा करावी लागेल. याचा अर्थ असा की भारतासाठी दार अजूनही खुले आहे.
