तिकिटांसाठी रांगेत उभे राहण्याची गरज नाही! 'उबर ॲप'वर मुंबई मेट्रोचे तिकीट (Photo Credit - X)
मुंबई: मुंबईतील मेट्रो प्रवाशांसाठी एक मोठी आणि दिलासादायक बातमी आहे! आता वर्सोवा-अंधेरी-घाटकोपर मेट्रो मार्गावरील प्रवाशांना ‘Uber ॲप’मध्येच तिकीट शोधणे आणि थेट खरेदी करणे शक्य होणार आहे. यामुळे प्रवाशांना तिकीट काऊंटरवरील लांब रांगा आणि तिकिटिंगचा त्रास पूर्णपणे टाळता येणार आहे. दिल्ली आणि चेन्नईमध्ये ही सेवा यशस्वी झाल्यानंतर, Uber, मुंबई मेट्रो वन (Mumbai Metro One) आणि ओएनडीसी नेटवर्क (ONDC Network) यांच्या सहकार्याने हा महत्त्वपूर्ण उपक्रम आता मुंबईत राबवण्यात आला आहे.
Uber ॲपवर मेट्रो तिकीटिंग उपलब्ध झाल्यामुळे प्रवाशांना कमी प्रतीक्षा, कमी त्रास आणि अधिक सोयीस्कर प्रवास करणे शक्य होणार आहे. Uber इंडिया आणि दक्षिण आशियाचे (कन्झ्युमर ग्रोथ डायरेक्टर) शिवा शैलेन्द्रन यांनी सांगितले की, शहरी प्रवास पूर्णपणे ‘एंड-टू-एंड’ प्लॅनिंगपासून पेमेंट आणि प्रत्यक्ष प्रवासापर्यंत करण्याच्या आमच्या ध्येयातील हे एक महत्त्वाचे पाऊल आहे. लक्षात ठेवा: मेट्रो तिकिटांसाठी पेमेंट फक्त यूपीआय (UPI) मार्फतच स्वीकारले जाणार आहे.
तिकिटिंग व्यतिरिक्त, Uber ॲपवर लवकरच प्रवाशांना खालील सुविधा उपलब्ध होणार आहेत:
यामुळे प्रवाशांना आपला प्रवास अधिक सुटसुटीत आणि कार्यक्षमपणे नियोजित करता येईल.
ओएनडीसी नेटवर्कचे (Open Network for Digital Commerce) वरिष्ठ कार्यकारी संचालक नितीन नायर यांनी सांगितले की, ONDC नेटवर्कद्वारे Uber ॲपवर मेट्रो तिकीटिंग इंटिग्रेशन हे भारताच्या डिजिटल सार्वजनिक पायाभूत सुविधांची (Digital Public Infrastructure) क्षमता दर्शवते. “दिल्ली आणि चेन्नईनंतर, आता मुंबईकरांसाठी Uber वर इन-ॲप मेट्रो तिकीटिंग उपलब्ध करून देताना आनंद होत आहे. यामुळे सार्वजनिक वाहतुकीसाठी ओपन डिजिटल इकोसिस्टम आणखी मजबूत होईल,” असेही ते म्हणाले.
