शुक्रवार, 16 ऑक्टोबर 2026
(फोटो सौजन्य: Instagram)
काय आहे प्रकरण?
कोलकातामध्ये राहणाऱ्या या तरुणाने आपली अनोखी क्रिएटिव्हिटी दाखवत बाईकला असे माॅडिफाय केले की लोक पाहून दंग झाली. या बाईकची रचना एका सांगाड्यासारखी करण्यात आली होती. हिला पाहून असं वाटलं जणू ही खरोखरची ‘घोस्ट राइडर’ बाईक आहे. या बाईकला जीत नावाच्या तरुणाने तयार केले होते. आपल्या इंस्टाग्राम अकाऊंटवर त्याने याचा व्हिडिओ शूट केला आणि बाईकला चालवून देखील दाखवले. बाईक इतकी अनोखी होती की रस्त्यावरची लोक याचा व्हिडिओ आपल्या फोनमध्ये कैद करताना दिसली.
जीतने सांगितले की, ही बाईक करोडो रुपये खर्च करुन तयार करण्यात आली नाही तर भंगार आणि तात्पुरत्या साधनांचा वापर करून त्याने स्वतः हे माॅडेल तयार केले आहे. बाईकचा हँडल आणि ब्रेक कोणत्या महागड्या गाडीचा नसून सामान्य सायकलचा वापरण्यात आलाय. बाईकची सीट सांगाड्याच्या शरीरासारखी आहे तर पुढची बाजूस कवटी बसवण्यात आली आहे. एकूणच बाईकचे रुप कुणालाही घाबरवण्यासाठी पुरेसे आहे. विचार करा, रात्रीच्या वेळी जर हिला रस्त्यावरुन पळवले तर नक्कीच कुणी भूत बाईकला चालवत आहे असा भास लोकांना होईल.
View this post on Instagram
काय म्हणावं याला…! पोस्टरवरही मुली सुरक्षित नाहीत, वृद्धाचा अश्लिल Video Viral, पाहून यूजर्स संतापले
हा व्हिडिओ @wbjit64 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओवर कमेंट्स करत अनेकांनी या बाईकवर आपले मत व्यक्त केले. यात एका यूजरने म्हटले की, “खूप छान भावा”, दुसऱ्या युजरने लिहिले आहे, “हा तर भारताचा घोस्ट रायडर” आणखीन एका युजरने लिहिले आहे, “ही बाईक तर भूतालाही घाबरवायला पुरेशी आहे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
