गुरुवार, 12 नोव्हेंबर 2026
सर्जिकल स्ट्राईकनंतरच्या (Surgical Strike) घडामोडींबाबत अमेरिकेचे माजी परराष्ट्र मंत्री माईक पॉम्पीओ (Mike Pompio) यांनी मोठा दावा केला आहे. पोम्पीओ म्हणाले की, तत्कालीन परराष्ट्र व्यवहार मंत्री सुषमा स्वराज (Sushma Swaraj) यांनी त्यांना सांगितले होते की, फेब्रुवारी 2019 मध्ये बालाकोट सर्जिकल स्ट्राइकच्या पार्श्वभूमीवर पाकिस्तान अण्वस्त्र हल्ल्याच्या तयारीत आहे आणि भारत त्याचे उत्तर तयार करत आहे. पॉम्पीओ यांच्या ‘नेव्हर गिव्ह एन इंच: फायटिंग फॉर द अमेरिका आय लव्ह’ या त्यांच्या नवीन पुस्तकातून ही धक्कादायक बाब समोर आली आहे.
[read_also content=”पाच मजली अपार्टमेंट पत्त्याप्रमाणे कोसळलं; ढिगाऱ्याखाली दबलेत अनेक जण, 14 जणांना सुखरुप बाहेर काढण्यात यश! https://www.navarashtra.com/latest-news/a-five-storey-apartment-collapsed-like-in-lucknow-many-people-were-buried-under-the-rubble-364330.html”]
पोम्पीओ त्यांच्या पुस्तकात लिहितात, ‘मला वाटत नाही की फेब्रुवारी 2019 मध्ये भारत-पाकिस्तानमधील शत्रुत्व किती जवळ आले होते ते जगाला माहीत आहे. सत्य हे आहे की मला अचूक उत्तर देखील माहित नाही, मला माहित आहे की ते खूप जवळ होते.’ फेब्रुवारी 2019 मध्ये भारतीय युद्ध विमानांनी पाकिस्तानच्या बालाकोटमध्ये जैश-ए-मोहम्मदचा दहशतवादी प्रशिक्षण तळ उद्ध्वस्त केला होता. पुलवामा दहशतवादी हल्ल्यात केंद्रीय राखीव पोलीस दलाचे (CRPF) ४० जवान शहीद झाल्यानंतर ही कारवाई करण्यात आली.
माईक पोम्पीओ म्हणाले की तो ती रात्र कधीच विसरणार नाही. ‘मी व्हिएतनाममधील हनोईमध्ये असतानाची ती रात्र मी कधीही विसरणार नाही. अण्वस्त्रांवर उत्तर कोरियाशी वाटाघाटी करणे पुरेसे नव्हते. तसंच, उत्तर सीमेवरील काश्मीर प्रदेशावर अनेक दशकांपासून सुरू असलेल्या वादाच्या संदर्भात भारत आणि पाकिस्तान एकमेकांना धमक्या देऊ लागले.
‘हनोईमध्ये माझ्या भारतीय समकक्षांशी बोलण्यासाठी जागे झालो. त्यांचा असा विश्वास होता की पाकिस्तानींनी हल्ल्यासाठी त्यांची अण्वस्त्रे तयार करण्यास सुरुवात केली होती. भारत त्याच्या प्रतिसादावर विचार करत असल्याची माहिती त्यांनी मला दिली. मी त्यांना काहीही करू नका आणि आम्हाला सर्वकाही ठीक करण्यासाठी थोडा वेळ द्या असे सांगितले.
