पुन्हा सुरु झालं ट्रम्पच टॅरिफ नाटक; आयफोनसह सर्व परदेशी स्मार्टफोनवरही आकारला पुन्हा नवा कर

Global market impact : अमेरिकेचे राष्ट्राध्यक्ष डोनाल्ड ट्रम्प यांनी युरोपियन युनियनमधून येणाऱ्या सर्व वस्तूवर ५० टक्के कर लादण्याचा आणि आयफोनसह सर्व परदेशी स्मार्टफोनवर २५ टक्के टॅरिफ लावण्याचा इशारा दिला आहे.

ट्रम्पच्या टॅरिफ धमक्या पुन्हा जागतिक बाजारपेठेत तणाव वाढविणाऱ्या; युरोपियन युनियनवर ५०%, परदेशी स्मार्टफोनवर २५% कराचा इशारा ( फोटो सौजन्य : सोशल मीडिया)

Follow Us:

Follow Us:

Global market impact : अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा जागतिक व्यापारसंधीत धक्कादायक निर्णय घेतला आहे. त्यांनी युरोपियन युनियनमधून येणाऱ्या सर्व वस्तूवर ५० टक्के कर लादण्याचा आणि आयफोनसह सर्व परदेशी स्मार्टफोनवर २५ टक्के टॅरिफ लावण्याचा इशारा दिला आहे. या निर्णयाने जागतिक आर्थिक बाजारपेठेत आणि राजकीय कूटनीतीत नव्याने तणाव निर्माण झाला असून, अनेक देश आणि उद्योगधंद्यांमध्ये चिंता वाढली आहे.

ट्रम्पची टॅरिफ धोरणे आणि जागतिक बाजारपेठेवरील परिणाम

डोनाल्ड ट्रम्प यांनी १ जूनपासून या टॅरिफची अंमलबजावणी करण्याचा इशारा दिला आहे. यामुळे युरोपियन युनियनवरून अमेरिकेत येणाऱ्या आयात वस्तू महाग होणार आहेत, तसेच विदेशी स्मार्टफोन, विशेषतः अॅपलचे आयफोन महागडे होण्याची शक्यता आहे. या घोषणेनंतर जागतिक शेअर बाजारात घसरण झाली आहे आणि सोन्याच्या किमतीत वाढ दिसून आली आहे, जी आर्थिक अस्थिरतेची स्पष्ट चिन्हे आहेत.

ट्रम्पने त्यांच्या सोशल मिडिया पोस्टद्वारे युरोपियन युनियनच्या धोरणांवर टीका केली आहे आणि म्हटले आहे की “आमच्या चर्चांना यश येत नाही, आणि ते आमच्या देशाच्या उत्पादनांशी अन्याय करत आहेत.” याचा अर्थ असा की, ते अमेरिकन उद्योगांचे संरक्षण करण्यासाठी कठोर धोरण राबवत आहेत आणि परकीय देशांना कडक टॅरिफ लादण्यास तयार आहेत.

जागतिक घडामोडी संबंधित बातम्या वाचण्यासाठी येथे क्लिक करा : डोनाल्ड ट्रम्पचे ‘Air Force One’ जगात भारी; राजेशाही थाट पाहून तुमचेही डोळे दीपतील

ॲपल कंपनीचा टार्गेट, भारतात उत्पादन वाढवण्याचा दबाव

चीनमधील शुल्क टाळण्यासाठी ॲपल काही उत्पादन भारतात हलवत आहे. मात्र, ट्रम्प यांनी ॲपलच्या सीईओ टिम कुक यांना स्पष्ट इशारा दिला आहे की, त्यांनी अमेरिकेत उत्पादन करावे किंवा २५ टक्के कर भरावा लागेल. त्यामुळे, ॲपलच्या आयफोनची किंमत अमेरिकेत वाढण्याची शक्यता आहे, ज्यामुळे ग्राहकांची मागणी कमी होण्याची भीती आहे. या निर्णयामुळे ॲपलचे शेअर्सही बाजारात ३ टक्क्यांनी घसरले आहेत.

युरोपियन युनियनचा संतुलित प्रतिसाद

ट्रम्पच्या टॅरिफ धमक्यांनंतर युरोपियन युनियनचे व्यापार प्रमुख मारोस सेफकोविक यांनी शांतता राखण्याचे आवाहन केले आहे. त्यांचा आग्रह आहे की, परस्पर आदर आणि संवादानेच व्यापारात समाधान मिळू शकते. याचबरोबर, डच पंतप्रधान डिक शूफ यांनी या निर्णयाला जुनी रणनीती म्हणून वर्णन केले असून, ट्रम्प धोरणे धमकी देऊन सौदे करणे यावर आधारित असल्याचे सांगितले. जर युरोपियन युनियनवर ५० टक्के कर लादला गेला, तर त्याचा परिणाम अमेरिकेतही जाणार आहे. महागड्या वस्तूंसह कार, औषधे, विमाने आणि विमाने तयार करण्यासाठी लागणारे भाग महाग होऊ शकतात. त्यामुळे अमेरिकन ग्राहकांनाही याचा तग धरावा लागणार आहे.

आंतरराष्ट्रीय व्यापारावर होणारा मोठा परिणाम

ब्लूमबर्गचे आर्थिक विश्लेषक सांगतात की, जागतिक बाजारपेठेची स्थिती काही काळ स्थिर होती, पण आता ट्रम्पच्या या टॅरिफ धोरणामुळे पुन्हा एकदा अस्थिरता वाढली आहे. जागतिक शेअर बाजारातील घसरण, सोन्याच्या किमतीतील वाढ, आणि व्यापारातील अनिश्चिततेमुळे अनेक गुंतवणूकदारांना भीती वाटू लागली आहे.

जागतिक घडामोडी संबंधित बातम्या वाचण्यासाठी येथे क्लिक करा : FATF पुन्हा पाकिस्तानवर बरसणार; भारताने तयार केला ‘टेररिस्तान’विरोधात मजबूत खटला

जागतिक व्यापारसंधीत नव्याने तणाव

डोनाल्ड ट्रम्पच्या टॅरिफ निर्णयाने जागतिक व्यापारसंधीत नव्याने तणाव निर्माण केला आहे. युरोपियन युनियन आणि अमेरिकेत परस्पर शुल्क लादण्याची तयारी सुरू झाली असून, या वादाचा थेट परिणाम जागतिक अर्थव्यवस्थेवर होण्याची शक्यता आहे. आर्थिक तज्ज्ञ आणि राजकीय विश्लेषक या परिस्थितीवर लक्ष ठेवून आहेत, कारण पुढील काळात या टॅरिफ युद्धाचा परिणाम सामान्य ग्राहकांवर आणि जागतिक व्यापारावर दीर्घकाळ टिकू शकतो. ट्रम्पच्या या टॅरिफ नाटकामुळे पुन्हा एकदा जागतिक अर्थव्यवस्थेत अस्थिरतेचा सत्र सुरू झाला आहे.

Web Title: Trumps tariff threats risk 50 eu tax and 25 smartphone tax shaking global markets

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com