जगातील पहिली ‘शुक्राणू शर्यत’ अमेरिकेत; पुरुषांच्या प्रजनन क्षमतेबाबत जागरूकतेसाठी अनोखा उपक्रम

Sperm race Los Angeles : विज्ञान, तंत्रज्ञान आणि सामाजिक आरोग्य यांचा अद्वितीय संगम असलेला एक आगळावेगळा कार्यक्रम अमेरिकेत प्रथमच पार पडणार आहे.

जगातील पहिली "शुक्राणू शर्यत" अमेरिकेत; पुरुषांच्या प्रजनन क्षमतेबाबत जागरूकतेसाठी अनोखा उपक्रम ( फोटो सौजन्य : सोशल मीडिया)

Follow Us:

Follow Us:

लॉस एंजेलिस : विज्ञान, तंत्रज्ञान आणि सामाजिक आरोग्य यांचा अद्वितीय संगम असलेला एक आगळावेगळा कार्यक्रम अमेरिकेत प्रथमच पार पडणार आहे. २५ एप्रिल २०२५ रोजी लॉस एंजेलिसमधील प्रसिद्ध हॉलिवूड पॅलेडियममध्ये जगातील पहिली ‘शुक्राणू शर्यत’ आयोजित केली जाणार आहे. ही शर्यत केवळ मनोरंजनापुरती मर्यादित नसून, पुरुषांच्या घटत्या प्रजनन क्षमतेबाबत जनजागृती करण्यासाठी आयोजित करण्यात आली आहे. या अभिनव कार्यक्रमात दोन प्रत्यक्ष शुक्राणू पेशी २० सेंटीमीटर लांबीच्या सूक्ष्म ट्रॅकवर धावणार आहेत. स्त्रीच्या प्रजनन प्रणालीची नक्कल करणाऱ्या या ट्रॅकवर शुक्राणूंना सोडले जाईल आणि त्यांची स्पर्धा थेट प्रेक्षकांसमोर दाखवण्यात येईल.

शर्यतीचा उद्देश, विज्ञान, आरोग्य आणि संवाद यांचा संगम

या अद्भुत उपक्रमाचा उद्देश मनोरंजनापेक्षा अधिक खोल आहे. गेल्या ५० वर्षांत पुरुषांमधील शुक्राणूंची संख्या ५० टक्क्यांनी घटली असल्याचे शास्त्रज्ञांचे निरीक्षण आहे. पुरुष प्रजननक्षमतेतील ही घट झपाट्याने वाढत असून, या समस्येबाबत समाजात अजूनही फारसा उघडपणे संवाद होत नाही. या पार्श्वभूमीवर, ‘स्पर्म रेसिंग’ या उपक्रमाचे आयोजक आणि सह-संस्थापक एरिक झू म्हणतात, “जर लोक एखाद्या खेळासाठी आपले शरीर प्रशिक्षित करू शकतात, तर स्वतःच्या आरोग्यासाठी का नाही?”

जागतिक घडामोडी संबंधित बातम्या वाचण्यासाठी येथे क्लिक करा : World Press Photo of 2025: ‘फोटो ऑफ द इयर बॉय’ महमूद आणि छायाचित्रकार समरची कहाणी

शुक्राणूंची शर्यत, क्रीडा स्पर्धेसारखा थरार

या शर्यतीत ०.५ मिमी लांबीचे शुक्राणू २० सेमी लांबीच्या ट्रॅकवर सोडले जातील. तज्ञांच्या मते, एक शुक्राणू सरासरीत दर मिनिटाला ५ मिमी वेगाने पुढे सरकतो, त्यामुळे संपूर्ण शर्यत सुमारे ४० मिनिटांत पूर्ण होईल असा अंदाज आहे. ही शर्यत एचडी कॅमेरे आणि मायक्रोस्कोपद्वारे थेट रेकॉर्ड केली जाणार असून, ४००० प्रेक्षक तिला प्रत्यक्ष पाहू शकणार आहेत. क्रीडा स्पर्धेसारखा थरार अनुभवण्यासाठी थेट कॉमेंट्री, डेटा विश्लेषण, स्लो-मोशन रिप्ले आणि इतर आकर्षक घटक देखील असणार आहेत. विशेष म्हणजे, प्रेक्षक आपल्या पसंतीच्या शुक्राणूवर पैज लावण्याचाही पर्याय निवडू शकतील.

“स्पर्म रेस २०२५”  विज्ञानात रुजलेला समाजप्रबोधनाचा प्रयोग

या उपक्रमाच्या माध्यमातून पुरुषांच्या आरोग्यविषयक मुद्द्यांवर उघडपणे संवाद घडवून आणण्याचा प्रयत्न आहे. शुक्राणूंच्या शर्यतीच्या माध्यमातून ही गंभीर बाब सहजपणे आणि प्रभावीपणे लोकांसमोर मांडली जाईल. ‘स्पर्म रेस २०२५’ हा केवळ विज्ञानाचा प्रयोग नाही, तर समाजशास्त्राचा एक महत्त्वाचा टप्पा आहे, जो मनोरंजनाच्या माध्यमातून लोकांमध्ये प्रजननक्षमतेबाबत जागरूकता निर्माण करतो.

जागतिक घडामोडी संबंधित बातम्या वाचण्यासाठी येथे क्लिक करा : Donald Trump-Georgia Meloni Meeting : युरोप-अमेरिका व्यापार संबंधात मृदूवारा, ट्रम्पकडून ‘100% हमी’

नवीन दृष्टिकोनातून आरोग्याचा विचार

ही शर्यत आरोग्याबाबतचा पारंपरिक दृष्टिकोन मोडत एक नवीन विचारसरणी समोर आणते. आरोग्य हा केवळ वैयक्तिक नाही, तर सामाजिक चर्चेचा विषय असावा. शुक्राणूंच्या गतीवर पैज लावणारे, त्यांच्यावर कॉमेंट्री करणारे आणि विज्ञानाच्या सूक्ष्म दुनियेत थेट डोकावणारे हे आयोजन, एक नवीन संवाद उभा करेल आणि पुरुष प्रजननक्षमतेबाबत समाजात खुला संवाद सुरू करण्यास मदत करेल. ‘स्पर्म रेस २०२५’ हा विज्ञान, आरोग्य आणि जनजागृती यांचा एक विस्मयकारक संगम ठरणार आहे.

Web Title: Worlds first sperm race in the us raises awareness of male fertility nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com