फोटो सौजन्य: iStock
भारतीय ऑटो बाजरात बाईक्सच्या विक्रीत झपाट्याने वाढ होताना दिसत आहे. म्हणूनच तर गेल्या महिन्यात म्हणजेच सप्टेंबर 2025 मध्ये दुचाकींच्या विक्रीत मोठी वाढ झाली आहे. सणासुदीच्या हंगामाची सुरुवात, ग्रामीण भागात वाढलेली मागणी आणि नवीन मॉडेल्सच्या लाँचिंगमुळे बाईक आणि स्कूटरच्या विक्रीत मोठी वाढ झाली. या महिन्यात देशात एकूण 24.58 लाख दुचाकी (देशांतर्गत + आयात) विकल्या गेल्या, ज्या ऑगस्ट 2025 च्या तुलनेत 14.37% आणि सप्टेंबर 2024 च्या तुलनेत 7.85% वाढ दर्शवितात. चला जाणून घेऊयात, कोणती दुचाकी उत्पादक कंपनी विक्रीच्या बाबतीत नंबर 1 वर राहिली आहे.
Hero MotoCorp ने पुन्हा एकदा सिद्ध केले आहे की ती भारतातील सर्वात मोठी दोनचाकी वाहन निर्माता कंपनी आहे. सप्टेंबर २०२५ मध्ये हिरोने सर्वाधिक युनिट्सची विक्री करत Honda, TVS, Bajaj आणि Royal Enfield यांसारख्या प्रतिस्पर्धी कंपन्यांना मागे टाकले.
Kawasaki ची ‘ही’ बाईक दमदार इंजिनसह झाली लाँच, मिळाले धमाकेदार फीचर्स
दुसरीकडे, Honda च्या विक्रीत वर्षानुवर्षे (YoY) आधारावर घट नोंदवली गेली असून, सप्टेंबर महिन्यात ती निगेटिव्ह ग्रोथ दाखवणारी एकमेव कंपनी ठरली. जरी Honda Activa सारखे स्कूटर मॉडेल्स अजूनही त्यांच्या विभागात लोकप्रिय आहेत, तरी बाईक सेगमेंटमधील विक्रीतील घसरणीमुळे कंपनीच्या एकूण आकड्यांवर परिणाम झाला आहे.
सप्टेंबर 2025 मध्ये भारताच्या दोनचाकी वाहनांच्या निर्यात बाजारानेही उत्कृष्ट कामगिरी केली आहे. या महिन्यात देशातून एकूण 3.98 लाख युनिट्सची निर्यात झाली असून, यात 16.95 टक्क्यांची वाढ नोंदवली गेली आहे.
Bajaj Auto आणि TVS Motor Company यांनी मिळून भारताच्या दोनचाकी निर्यात बाजारातील सुमारे 67 टक्के वाटा आपल्या नावावर केला आहे. या दोन्ही कंपन्यांनी लॅटिन अमेरिका, आफ्रिका आणि आग्नेय आशिया या प्रमुख बाजारपेठांमध्ये आपली पकड अधिक मजबूत केली आहे.
ही आहे सोन्याची ताकद! 2015 ते 2025 पर्यंत, 1 Kg सोन्याच्या किमतीत येतील एकापेक्षा एक आलिशान कार
10 एअरबॅग्स आणि ADAS ची सेफ्टी! भारतात Skoda Octavia RS लाँच
होंडा मोटरसायकल अँड स्कूटर इंडिया (HMSI) च्या घसरणीमागे अनेक प्रमुख कारणे आहेत. कंपनीने बऱ्याच काळापासून कोणतेही नवीन मॉडेल लाँच केलेले नाही आणि जुन्या मॉडेल्सवर ते अवलंबून आहेत. शिवाय, हिरो, टीव्हीएस आणि बजाज सारख्या कंपन्यांकडून स्पर्धा वाढली आहे. ग्रामीण बाजारपेठेत हिरो आणि टीव्हीएसची मजबूत पकड देखील होंडाच्या विक्रीवर परिणाम करत आहे. मात्र, होंडा आता एक नवीन 125 सीसी स्कूटर लाँच करण्याची आणि इलेक्ट्रिक वाहन (EV) सेगमेंटमध्ये प्रवेश करण्याची तयारी करत आहे. कंपनीला आशा आहे की यामुळे येत्या काही महिन्यांत त्यांची विक्री पुन्हा वाढेल.
