फोटो सौजन्य: @MoreMotorcycles (X.com)
भारतात टू व्हीलर सेगमेंटमध्ये अनेक दुचाकी उत्पादक कंपन्यांचा समावेश आहे. त्यातही आता अनेक जणांना हाय परफॉर्मन्स आणि उत्तम लूक असणारी बाईक खरेदी करण्यास कल वाढत आहे. अशावेळी अनेक जण रॉयल एन्फिल्डच्या बाईक्स खरेदी करण्यास जास्त प्राधान्य देत असतात.
Royal Enfield च्या बाईक्सची ग्राहकांमध्ये एक वेगळीच क्रेझ पाहायला मिळते. अशातच आता कंपनी उद्या म्हणजेच 26 एप्रिल 2025 रोजी आपली नवीन बाईक नवीन अपडेटसह लाँच करण्याच्या तयारीत आहे. कंपनीचा हंटरहूड फेस्टिव्हल उद्या म्हणजेच 26 एप्रिल 2025 रोजी होणार आहे. हा फेस्टिव्हल मुंबई आणि दिल्ली येथे आयोजित केला जात आहे. विशेषतः हंटर या थीमसह.
या फेस्टिव्हलमध्ये कंपनी 2025 ची रॉयल एनफील्ड हंटर 350 लाँच करणार आहे. नवीन हंटर 350 मध्ये अनेक अपडेट दिसू शकतात, ज्याबद्दल आज आपण जाणून घेणार आहोत.
अलिकडेच, अपडेटेड रॉयल एनफील्ड हंटर 350 चे काही फोटो लीक झाले आहेत. लीक झालेल्या फोटोनुसार, या बाईकला पांढरा आणि लाल रंग दिला जाऊ शकतो. यात फक्त त्याच्या इंधन टाकीचा रंग वेगळा आहे, तर इंजिन, अंडरपिनिंग, साइड पॅनेल आणि पुढचे आणि मागचे मडगार्ड सर्व काळ्या रंगाचे आहेत.
2025 रॉयल एनफील्ड हंटर 350 ला नवीन एलईडी हेडलाइट दिला जाऊ शकतो. या नवीन हेडलाइटच्या मदतीने, याला निओ-रेट्रो बाईकसारखे लूक दिले जाऊ शकते.
लीक झालेल्या फोटोजवरून हे उघड झाले आहे की अपडेटेड रॉयल एनफील्ड हंटर 350 मध्ये नवीन सस्पेंशन दिले जाऊ शकते. त्यात एक नवीन रियर शॉक अ‍ॅब्सॉर्बर दिसला आहे. त्याच वेळी, सध्याच्या जनरेशनमधील Royal Enfield Hunter 350 मध्ये बसवलेला शॉक अ‍ॅब्सॉर्बर थोडा हार्ड राइड क्वालिटी देतो, जो अनेक रायडर्सना आवडला नाही.
Hero, KTM आणि Royal Enfield टेन्शनमध्ये ! येत्या 15 तारखेला लाँच होणार ‘ही’ पॉवरफुल बाईक
नवीन शॉक अ‍ॅब्सॉर्बर जोडल्याने, या बाईकमधील ही समस्या दूर झाली आहे अशी अपेक्षा आहे, ज्यामुळे रायडर्सना पूर्वीपेक्षा अधिक आरामदायी राइड क्वालिटी मिळेल. हे अपडेट बाईकसाठी खूप महत्वाचे आहे.
रॉयल एनफील्ड हंटर 350 ही कंपनीच्या लाइनअपमधील सर्वात स्वस्त बाईकपैकी एक आहे. बेस रेट्रो व्हेरियंटसाठी त्याची किंमत 1,49,990 रुपयांपासून सुरू होते आणि टॉप मॉडेलसाठी 1,79,990 रुपयांपर्यंत जाते. हे अपडेट मिळाल्यानंतर बाईकची किंमत वाढू शकते.
नवीन हंटर 350 मध्ये जुनेच इंजिन वापरले जाईल, जे 349cc, एअर-कूल्ड, सिंगल-सिलेंडर इंजिनसह येते. हे इंजिन 20.48PS पॉवर आणि 27 Nm टॉर्क जनरेट करते. ते OBD-2D इंजिनसह अपडेट केले जाऊ शकते.
