Sangli Crime: ‘तुला मुलगा होत नाही’ म्हणत टोमणे, मारहाण आणि छळ, तब्ब्ल ११ वर्ष विवाहितेने केलं सहन; तामिळनाडूत संशयास्पद मृत्यू

सांगली जिल्ह्यातील आरती जाधव या विवाहितेचा सासरच्या छळामुळे मृत्यू झाल्याचा आरोप करण्यात आला आहे. ‘मुलगा होत नाही’ आणि माहेरहून ५० तोळे सोने आणण्याच्या कारणावरून तिचा अकरा वर्षांपासून मानसिक व शारीरिक छळ होत होता. याप्रकरणी पतीसह सहाजणांविरोधात गुन्हा दाखल झाला आहे.

Follow Us:

Follow Us:

• विवाहितेचा अकरा वर्षांपासून मानसिक आणि शारीरिक छळ झाल्याचा आरोप.
• ‘मुलगा होत नाही’ आणि सोने आणण्यावरून सासरच्यांकडून त्रास.
• पती, सासूसह सहाजणांविरोधात पोलिसांत गुन्हा दाखल.

काय नेमकं प्रकरण?

पोलिसांनी दिलेल्या माहितीनुसार, मृत महिलेचे नाव आरती जाधव (वय ३७) असे आहे. ती मूळची पलूस येथील रहिवासी आहे. आरती हिचा प्रशांत आनंदराव जाधव याच्याशी विवाह झाला होता.विवाहानंतर आरती ही पतीसह तामिळनाडू राज्यातील नागपट्टीनम येथे वास्तव्यास होती. या प्रकरणी आरतीच्या 74 वर्षीय वडील सुभाष कदम यांनी याबाबत फिर्याद दिली आहे.

प्रपोजच्या बहाण्याने बोलावलं अन् रचला हत्येचा कट, बंगळूरुत प्रेयसीने प्रियकराला जिवंत जाळल्याने खळबळ

तब्ब्ल ११ वर्ष सहन केला छळ

फिर्यादीनुसार, फेब्रुवारी 2015 पासून ते 23 मे 2026 पर्यंत आरोपींकडून आरतीचा सातत्याने मानसिक व शारीरिक छळ करण्यात येत होता. ‘तुला मुलगा होत नाही’ तसेच ‘माहेरहून सोने आण’ या कारणांवरून तिला वारंवार टोमणे मारणे, शिवीगाळ करणे, दमदाटी करणे तसेच मारहाण करणे असे प्रकार सुरू होते. विशेषतः पती प्रशांत जाधव व सासू रूपा जाधव यांनी मारहाण करून छळ केल्याचा गंभीर आरोप फिर्यादीत करण्यात आला आहे. तसेच या फिर्यादीत आरतीच्या मृत्यूचे कारण हे तिला दिला जाणारा सततचा मानसिक व शारीरिक त्रास असे नमूद करण्यात आले आहे.

गुन्हा दाखल

तक्रारीनुसार प्रशांत आनंदराव जाधव, रूपा आनंदराव जाधव (दोघे रा. मंगरूळ ता. खानापूर, जि. सांगली) संध्या प्रकाश साळुंखे, प्रकाश जोतिराम साळुंखे, प्रतिक प्रकाश साळुंखे व शेजल प्रकाश साळुंखे (चौघे रा. येळावी ता. तासगांव जि. सांगली) यांच्याविरोधात गुन्हा दाखल करण्यात आला आहे. आरोपी सध्या नागपट्टीनम येथे वास्तव्यास आहेत.

ई-साक्ष तंत्रज्ञानाचा वापर

हा गुन्हा 26 मे 2026 रोजी पलूस पोलीस ठाण्यात नोंदविण्यात आला. फिर्यादी हे पलूस येथील रहिवासी असून तामिळनाडूमध्ये भाषेची अडचण व इतर कारणांमुळे तक्रार नोंदविण्यात अडचणी येत असल्याने वरिष्ठांच्या आदेशानुसार पलूस पोलीस ठाण्यात गुन्हा दाखल करून पुढील कायदेशीर कार्यवाहीसाठी तो नागपट्टीनम सिटी पोलिसांकडे पाठविण्याची प्रक्रिया सुरू करण्यात आली आहे. या गुन्ह्यात पोलिसांनी ‘ई-साक्ष’ तंत्रज्ञानाचा वापर केला आहे.

Pune Crime: त्याने वापर करून सोडलं’…, मेसेजनंतर आयटी तरुणीची मुठा नदीत उडी मारून आत्महत्या

Web Title: Sangli crime taunts beatings and harassmentyou cannot bear a sona married woman endured this ordeal for a staggering 11 years suspicious death reported in tamil nadu

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com