हरियाणासह जम्मू-कश्मीर विधानसभेचा बिगूल वाजणार; निवडणूक आयोग करणार घोषणा

019 मध्ये कलम 370 रद्द केल्यानंतर, जम्मू-काश्मीर हा केंद्रशासित प्रदेश  म्हणून मान्यता देण्यात आली. तेव्हापासून तेथील राजकीय पक्षांकडून राज्याचा दर्जा परत करण्याची मागणी सातत्याने होत होती. आधी निवडणुका होतील आणि मगच राज्याचा दर्जा बहाल केला जाईल,  असे सरकारकडून वारंवार सांगितले जात होते.

Photo Credit : Team Navrashtra

Follow Us:

Follow Us:

जम्मू-काश्मीरमधून कलम 370 हटवल्यानंतर गेल्या पाच वर्षांत या ठिकाणी कोणत्याही निवडणुका झाल्या नाहीत. अशातच आज केंद्रीय निवडणूक आयोगाकडून हरियाणा आणि  जम्मू-काश्मीरच्या विधानसभा  निवडणुकीचा कार्यक्रम जाहीर केला जाण्याची शक्यता आहे.हरियाणा विधानसभा निवडणुकीच्या तारखाही आज जाहीर होऊ शकतात. जम्मू-काश्मीरमधून 370 हटवल्यानंतर पहिल्यांदाच विधानसभा निवडणुका होणार आहेत. आयोगाने गेल्या आठवड्यातच जम्मू-काश्मीर आणि हरियाणाचा दौरा पूर्ण केला होता.

हरियाणाबद्दल विधानसभेच्या एकूण 90 जागा आहेत. सध्या तीन जागा रिक्त आहेत. भाजपचे 41 आमदार आहेत. काँग्रेसकडे 29, जेजेपीकडे 10 आणि आयएनएलडी आणि एचएलपीकडे प्रत्येकी एक आमदार आहे. सभागृहात पाच अपक्ष आमदार आहेत.

हेदेखील वाचा: महाविकास आघाडीचा मेळावा; उद्धव ठाकरेंना मिळणार मोठी जबाबदारी?

दरम्यान,  2019 मध्ये कलम 370 रद्द केल्यानंतर, जम्मू-काश्मीर हा केंद्रशासित प्रदेश  म्हणून मान्यता देण्यात आली. तेव्हापासून तेथील राजकीय पक्षांकडून राज्याचा दर्जा परत करण्याची मागणी सातत्याने होत होती. आधी निवडणुका होतील आणि मगच राज्याचा दर्जा बहाल केला जाईल,  असे सरकारकडून वारंवार सांगितले जात होते.

जम्मू-काश्मीरमध्ये निवडणूक झाल्यास तीन ते चार टप्प्यांत मतदान होऊ शकते. सप्टेंबरमध्ये मतदान प्रक्रिया पूर्ण केल्यानंतर या महिन्याच्या अखेरीस निवडणुकीचा निकाल जाहीर होऊ शकतो. निवडणूक आयोगाच्या उच्चपदस्थ सूत्रांनी दिलेल्या माहितीनुसार, जम्मू-काश्मीर केंद्रशासित प्रदेशात निवडणुका घेण्याच्या मार्गातील सर्वात मोठे आव्हान म्हणजे सुरक्षा व्यवस्था. अलीकडच्या काळात अचानक वाढलेल्या दहशतवादी घटनांमुळे प्रशासनाची चिंता वाढली आहे. त्याचा परिणाम निवडणूक कार्यक्रमावरही दिसून येऊ शकतो.

हेदेखील वाचा : 2024 मध्ये भारतातील सर्वात धोक्यात असलेल्या प्रजाती कोणत्या? जाणून घ्या 

परिसीमनानंतर प्रथमच निवडणूक

परिसीमनाचे काम पूर्ण न झाल्यामुळे जम्मू-काश्मीरमध्ये दीर्घकाळ विधानसभा निवडणुका होऊ शकल्या नाहीत. मे 2022 च्या परिसीमनानंतर जम्मू-काश्मीर विधानसभेच्या जागांची संख्या आता 90 झाली आहे. अशा प्रकारे जम्मूमधील 43 विधानसभा जागांवर आणि काश्मीरमधील 47 विधानसभा जागांवर निवडणूक होणार आहे. 2014 मध्ये, लडाखमधील 6 जागांसह जम्मूमधील 37 जागा आणि काश्मीर खोऱ्यातील 46 जागांसह 87 विधानसभा जागांवर निवडणुका झाल्या.

Web Title: Election commission haryana and jammu and kashmir assembly elections latest news update

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com