DIG च्या घरातून आढळली 'अफाट' संपत्ती; पाहून व्हाल थक्क! (Photo Creit- X)
चंदीगड/मोहाली: केंद्रीय तपास यंत्रणेने (CBI) पंजाब पोलिसांच्या रोपड रेंजचे डीआयजी (DIG) हरचरण सिंह भुल्लर यांना लाचखोरीच्या आरोपाखाली गुरुवारी अटक केली आहे. मंडी गोबिंदगढ येथील एका भंगार व्यापाऱ्याकडून (Scrap Dealer) एफआयआरवर कारवाई न करण्याच्या बदल्यात एका मध्यस्थामार्फत ८ लाख रुपयांची लाच मागितल्याचा त्यांच्यावर आरोप आहे. डीआयजी हरचरण सिंह भुल्लर हे २००७ बॅचचे आयपीएस अधिकारी असून, त्यांचे वडील महल सिंह भुल्लर हे पंजाबचे डीजीपी (DGP) राहिलेले आहेत.
सीबीआईने ट्रॅप लावून डीआयजी भुल्लर यांना चंदीगडच्या सेक्टर-२१ मधून ८ लाख रुपये लाच घेताना रंगेहाथ पकडले. या प्रकरणात त्यांचा मध्यस्थ (बिचौलिया) कृष्णू यालाही अटक करण्यात आली आहे. हा मध्यस्थ स्क्रॅप डीलरकडून एफआयआरवर कारवाई न करण्यासाठी मासिक खंडणी (Monthly) वसूल करायचा. डीआयजी भुल्लर आणि मध्यस्थ कृष्णू या दोघांनाही शुक्रवारी सीबीआईच्या विशेष न्यायालयात हजर केले जाईल.
सीबीआईच्या आठ पथकांनी या प्रकरणात अंबाला, मोहाली, चंदीगड आणि रोपडसह सात ठिकाणी छापे टाकले. डीआयजी भुल्लर यांचे कार्यालय, घर, फार्म हाऊस आणि इतर ठिकाणांची तपासणी करण्यात आली. डीआयजी हरचरण सिंह भुल्लर यांच्या घरी टाकलेल्या छाप्यात सीबीआईला खालील वस्तू आणि मालमत्ता सापडल्या आहेत.
The Central Bureau of Investigation (CBI) has arrested a senior Indian Police Service officer of the 2009 batch, presently posted as DIG, Ropar Range, Punjab, along with a private individual, in a bribery case involving Rs 8 lakh. The officer was also allegedly seeking recurring… pic.twitter.com/iZmOcwQwz2 — ANI (@ANI) October 16, 2025
| सापडलेल्या वस्तू | प्रमाण/तपशील |
| रोख रक्कम | ५ कोटी रुपये (रोकड मोजण्याचे काम अजूनही सुरू) |
| सोने आणि दागिने | १.५ किलोग्राम सोने (इतर दागिन्यांसह) |
| घड्याळे | २२ महागड्या व मौल्यवान घड्याळे |
| लक्झरी वाहनांच्या चाव्या | मर्सिडीज (Mercedes) आणि ऑडी (Audi) लक्झरी गाड्यांच्या चाव्या |
| दस्तऐवज | पंजाब आणि चंदीगडमधील अफाट संपत्तीचे (Immovable Property) महत्त्वाचे दस्तऐवज |
| दारू | ४० लीटर विदेशी दारू |
| शस्त्रे | एक डबल बॅरल गन, एक पिस्तूल, एक रिव्हॉल्व्हर, एक एअरगन आणि बुलेट्स |
| इतर | लॉकरच्या चाव्या |
डीआयजीच्या मध्यस्थ कृष्णू याच्या घरावरही सीबीआईने छापा टाकून २१ लाख रुपये रोख जप्त केले आहेत.सीबीआईच्या चौकशीत डीआयजी भुल्लर आणि मध्यस्थ कृष्णू यांनी लाच घेतल्याचा आरोप कबूल केला आहे. संपत्तीच्या कागदपत्रांची आणि रोकड मोजण्यासाठी सीबीआईला अनेक मशिन्स मागवाव्या लागल्या.
