आजच्या न्यूज अपडेट एका क्लिकवर
27 Nov 2025 02:30 PM (IST)
बॉलीवूडचे सुपरस्टार धर्मेंद्र यांचे वयाच्या ८९ व्या वर्षी अल्पशा आजाराने निधन झाले. त्यांच्या निधनामुळे त्यांच्या कुटुंबावर दुःख डोंगर कोसळला आणि चाहते अजूनही या धक्क्याने हादरले आहेत. अभिनेत्याची दुसरी पत्नी आणि बॉलीवूड अभिनेत्री हेमा मालिनी देखील खूप दुःखी आहे. आता, त्यांच्या निधनानंतर तीन दिवसांनी, त्यांनी धरमजींची आठवण काढून त्यांच्यासोबतचे काही सुंदर फोटो शेअर केले आहेत. आणि सोबतच त्यांनी भावुक नोट देखील लिहिली आहे. तिने त्यांच्या एकत्र घालवलेल्या आठवणींना उजाळा देणारे अनेक फोटो देखील शेअर केले आहेत.
27 Nov 2025 02:25 PM (IST)
सोशल मीडियावरील लोकप्रिय इन्फ्लुएन्सर ऑरीच्या चर्चेत आला आहे. याच्या अडचणींत आणखी वाढ होण्याची शक्यता आहे. कारण 252 कोटींच्या ड्रग्ज घोटाळ्या प्रकरणी अँटि नारकोटिक्स सेलनं ऑरीला समन्स जारी केले आहे. त्यानंतर ड्रग्ज प्रकरणात ऑरीची साडे सात चौकशी करण्यात आली आहे. साडेसात तासाच्या चौकशीनंतर घाटकोपरच्या अंमली पदार्थ युनिटमधून ऑरी बाहेर पडला आहे. सूत्रांनी दिलेल्या माहितीनुसार ऑरीकडून चौकशीत असमाधानकारक उत्तर मिळायचे सूत्रांनी सांगितले आहे. ऑरीचे वकिलही त्याच्या सोबत पहायला मिळाले आहेत.
27 Nov 2025 02:15 PM (IST)
मराठी चित्रपट विश्वातील महागुरू सचिन पिळगावकर यांनी मराठी आणि हिंदी चित्रपटसृष्टीत मोठ्या प्रमाणात काम करून प्रसिद्धी मिळवली आहे. बालकलाकार म्हणून इंडस्ट्रीत सचिन पिळगावकर यांनी प्रवेश केला, आणि त्यांच्या पहिल्या चित्रपटानंतर त्यांना भरपूर प्रसिद्धी मिळाली. ते नेहमीच त्यांच्या मुलाखतींमधून त्यांच्या कारकिर्दीतील अनेक किस्से सांगताना दिसले आहेत. अनेक वेळा ते या किस्स्यांमुळे चर्चेत आले आहेत. आता नुकतीच त्यांनी एका मोठ्या कार्यक्रमा दरम्यान सचिन पिळगावकर उर्दू भाषेतबद्दल बोलताना दिसले, त्यांच्या ‘मी उर्दूसोबत झोपतो’ यांच्या या विधानामुळे ते चर्चेत आले, आणि आता या विधानावर नाना पाटेकर बोलताना दिसले आहेत.
27 Nov 2025 02:00 PM (IST)
युट्यूबर एल्विश यादवची लोकप्रियता वाढतच चालली आहे. तो सध्या लाफ्टर शेफ सीझन ३ या नवीन भागात प्रेक्षकांना दिसत आहे. 'औकात से बहार' या नवीन वेब सिरीजमधून तो अभिनयामध्ये पदार्पण करत आहे.
27 Nov 2025 01:55 PM (IST)
पंढरपूर नगरपालिका निवडणुकीचा प्रचार आता जोमात सुरू झाला आहे. फोडाफोडी बैठका भावकी, वाडा, जात-धर्माचे राजकारण सुरू झाले आहे. दरम्यान, प्रचाराच्या निमित्ताने भाजप आणि आघाडीत उमेदवार आणि त्यांचे समर्थक जोरदार शक्तिप्रदर्शन करत आहेत. त्यामुळे ऐन नोव्हेंबरच्या थंडीत पंढरपूर पालिकेचा सत्तासंघर्ष हायव्होल्टेज बनला आहे.
27 Nov 2025 01:45 PM (IST)
टीम इंडियाने दक्षिण आफ्रिकेविरुद्ध दोन सामन्यांची कसोटी मालिका गमावली आहे. भारताच्या या निराशाजनक कामगिरीनंतर सोशल मिडियावर मोठ्या प्रमाणात खेळाडूंवर त्याचबरोबर गौतम गंभीरवर मोठ्या प्रमाणात टीका केली जात आहे. कोलकाता येथे झालेल्या पहिल्या कसोटी सामन्यात भारतीय संघाला आफ्रिकन संघाने ४०८ धावांच्या मोठ्या फरकाने पराभव पत्करावा लागला. या विजयासह दक्षिण आफ्रिकेने त्यांच्या घरच्या मैदानावर टीम इंडियाचा क्लीन स्वीप पूर्ण केला आणि २५ वर्षांनंतर मालिका २-० ने जिंकली.
27 Nov 2025 01:35 PM (IST)
“वसुधैव कुटुंबकम” या तत्वाचे पालन केल्याने आज भारताची अर्थव्यवस्था जगातील सर्वात वेगाने वाढणारी भारताची अर्थव्यवस्था बनली आहे. आता जग देखील भारताच्या वसुधैव कुटुंबकम मंत्राचा अवलंब करत आहे. यामुळे जगासाठी समृद्धीचा मार्ग मोकळा होईल, पंतप्रधान नरेंद्र मोदी यांच्या नेतृत्वाखाली भारताने गेल्या ११ वर्षांत प्रत्येक क्षेत्रात अभूतपूर्व प्रगती केली आहे. ११ वर्षांपूर्वी भारतीय अर्थव्यवस्था ११ व्या क्रमांकावर होती, परंतु आता ती पाचव्या क्रमांकाची अर्थव्यवस्था बनली आहे. लवकरच अमेरिका आणि चीननंतर भारत तिसरी सर्वात मोठी अर्थव्यवस्था बनेल”, असा विश्वास प्रसिद्ध बँकर, गायिका आणि सामाजिक कार्यकर्त्या अमृता देवेंद्र फडणवीस यांनी व्यक्त केला.
27 Nov 2025 01:25 PM (IST)
साऊथ अभिनेत्री कीर्ती सुरेश हे दक्षिण भारतीय चित्रपटसृष्टीतील एक मोठे नाव आहे आणि आता प्रभासच्या कल्की २८९८ एडी मध्ये काम केल्यानंतर, तिने हिंदी प्रेक्षकांचेही लक्ष स्वतःकडे वेधून घेतले आहे. गेल्या वर्षी अभिनेत्री महानती चित्रपटामध्ये दिसली. या चित्रपटाच्या प्रमोशन दरम्यान, तिला थलापती विजय आणि चिरंजीवी यांच्यातील सर्वोत्तम डान्सर कोण हे निवडण्यास सांगितले होते. परंतु, तिच्या उत्तरामुळे वाद आणि निषेध निर्माण झाला. चाहत्यांना तिचे उत्तर फार पसंत पडले नाही.
27 Nov 2025 01:15 PM (IST)
राज्यामध्ये एकीकडे स्थानिक स्वराज्य संस्थांच्या निवडणुकीची रणधुमाळी सुरु आहे. तर दुसरीकडे राजकीय नेत्यांमध्ये वाद-विवाद सुरु आहे. महायुतीमध्ये भाजप आणि शिवसेना शिंदे गटामध्ये नाराजीनाट्य सुरु आहे. तर सामाजिक कार्यकर्त्या यांनी उपमुख्यमंत्री अजित पवार (Ajit Pawar) यांच्या राजीनाम्याची मागणी केली आहे. अजित पवार यांचे पुत्र पार्थ पवार यांच्या कंपनीच्या नावाने जमीन घोटाळा समोर आल्यानंतर दमानियांच्या निशाण्यावर अजित पवार आले आहेत. यानंतर आता अंजली दमानिया (Anjali Damania) यांनी अजित पवारांचे चॅलेंज स्वीकारले.
27 Nov 2025 01:06 PM (IST)
भारतीयांना गाड्यांबद्दल प्रचंड उत्सुकता आहे. दर महिन्याला भारतीय बाजारात असंख्य गाड्या लाँच होतात. पण गाड्या खरेदी करण्यासोबतच, लोकांना कार नंबर प्लेट्सबद्दलही प्रचंड उत्सुकता आहे. हरियाणाच्या ऑनलाइन लिलावात नंबर प्लेट्सचा लिलाव करण्यात आला, ज्यामध्ये “HR88B8888” या नंबर प्लेटला सर्वाधिक बोली लागली आणि ती भारतातील सर्वात महागडी नंबर प्लेट ठरली आहे.
27 Nov 2025 01:00 PM (IST)
चांदवड तालुक्यातील दिघवद रोकडोबा वस्ती येथे बुधवारी (दि. २६) सकाळी एका दुर्दैवी घटनेत वडील आणि त्यांची नऊ वर्षांची मुलगी व पाच वर्षांचा मुलगा यांनी विहिरीत उडी मारून आत्महत्या केल्याची हृदयद्रावक घटना घडली आहे. या घटनेमुळे परिसरात हळहळ व्यक्त होत आहे. दरम्यान, मृत व्यक्तीच्या पत्नीने सासू-सासऱ्यांनी मानसिक छळ करून आत्महत्येसाठी प्रवृत्त केल्याची फिर्याद दिल्याने पोलिसांनी दोघांविरोधात गुन्हा दाखल केला आहे.
27 Nov 2025 12:58 PM (IST)
इंडोनेशियात गुरुवारी सकाळी पुन्हा एकदा शक्तिशाली भूकंपाचा धक्का बसला. सुमात्रा बेटावर रिश्टर स्केलवर 6.6 तीव्रतेचा भूकंप नोंदवण्यात आला, ज्यामुळे आधीच नैसर्गिक संकटाने ग्रस्त असलेल्या या प्रदेशात आणखी भीतीचे वातावरण तयार झाले. काही तासांपूर्वीच 6.3 तीव्रतेचा धक्का बसल्यानंतर पुन्हा वाढलेल्या हालचालींनी स्थानिक प्रशासनालाही सतर्क केले आहे. वाचा सविस्तर
27 Nov 2025 12:55 PM (IST)
अहिल्यानगरजवळ शरद पवार गटाचे नेते राम खाडे यांच्यावर 10-15 जणांनी तलवार, लाठ्या, सत्तूर व पिस्तूलाने जीवघेणा हल्ला केला. ते गंभीर जखमी असून त्यांना पुण्यात हलवले आहे. हल्ला राजकीय द्वेषातून झाला असल्याचा आरोप करण्यात येत आहे.
27 Nov 2025 12:51 PM (IST)
बुधवार, २६ नोव्हेंबर रोजी झालेल्या हरियाणाच्या लिलावात या नंबर प्लेटला ₹१.१७ कोटी (अंदाजे $१.१७ अब्ज) मिळाले. ही किंमत वाचूनच तुम्हाला गाड्यांची आणि त्यांच्या नंबर प्लेट्सची किती क्रेझ आहे याबाबत अंदाज येऊ शकतो. हरयाणामध्ये ही बोली लावण्यात आली असून केवळ नंबर प्लेटसाठी इतके कोटी मोजण्यात आले आहेत, आहे ना कमाल? वाचा सविस्तर
27 Nov 2025 12:50 PM (IST)
मुंबईत तरुणीने मॉर्फ फोटो व्हायरल करण्याच्या धमकीला कंटाळून आत्महत्या केली. आरोपी संजय विश्वकर्मा ब्लॅकमेल, खंडणी व मानसिक छळ करत होता. पोलिसांनी त्याला अटक करून गंभीर गुन्हे दाखल केले.
27 Nov 2025 12:40 PM (IST)
नाशिकच्या हिरावाडीत नवविवाहित नेहा पवारने सासरच्या सततच्या मानसिक छळाला, चारित्र्यावरच्या संशयाला आणि पैशांच्या मागणीला कंटाळून विषप्राशन करून आत्महत्या केली. सहापानांच्या सुसाईड नोटमध्ये गंभीर आरोप.
27 Nov 2025 12:30 PM (IST)
डोंबिवलीतील कोळेगाव परिसरात किरकोळ वादातून पतीने पत्नीची गळा आवळून हत्या केली. ज्योती धाहीजेचा खून करून पती पोपट धाहीजे फरार झाला. तीन अपत्यांसह कुटुंब उद्ध्वस्त; मानपाडा पोलिसांचा तपास सुरू
27 Nov 2025 11:05 AM (IST)
अक्कलकोट तालुक्यातील भाजप लढवत असलेल्या तीन नगरपरिषदेच्या निवडणुकीसाठी मुख्यमंत्री देवेंद्र फडणवीस सभा घेणार आहेत. अक्कलकोट तालुक्यात भाजप विरुद्ध शिवसेना असा तिन्ही नगर परिषदेत होणार आहे सामना, दोन्ही पक्षांना काँग्रेसचा आव्हान असणार आहेत. माजी मंत्री शिवसेना नेते सिद्धाराम म्हात्रे यांच्यावर जोरदार टीका केली आहे. दरम्यान अक्कलकोट तालुक्यातील अक्कलकोट, दुधनी आणि मैंदर्गी नगरपरिषद तिरंगी लढत होणार आहे. तीन वर्षात अक्कलकोट तालुक्यातील विकास कामांचा लेखाजोखा मांडून विकासाच्या मुद्द्यावर आम्ही निवडणूक लढवणार असल्याची माहिती अक्कलकोट भाजप आमदार सचिन कल्याणशेट्टी यांनी दिली.
27 Nov 2025 10:59 AM (IST)
भारत विरुद्ध दक्षिण आफ्रिका यांच्यामध्ये कसोटी मालिकेनंतर आता तीन सामन्यांची एकदिवसीय मालिका खेळवली जाणार आहे. ही मालिका 30 नोव्हेंबरपासून सुरु होणार आहे. या मालिकेमध्ये भारताच्या संघात रोहित शर्मा आणि विराट कोहली यांचे संघामध्ये पुनरागमन होणार आहे. बऱ्याच प्रतीक्षेनंतर, रोहित शर्मा ऑस्ट्रेलियाविरुद्धच्या एकदिवसीय मालिकेत भारतीय संघाच्या जर्सीवर परतला. मालिकेतील त्याची कामगिरी प्रभावी होती, त्याने तीन सामन्यांमध्ये २०२ धावा केल्या. त्याने एक अर्धशतक आणि एक शतकही झळकावले. या दमदार कामगिरीमुळे तो आयसीसी एकदिवसीय क्रमवारीत नंबर १ वर पोहोचला.
27 Nov 2025 10:52 AM (IST)
सोन्याच्या गुंतवणूकदारांसाठी एक आनंदाची बातमी आहे. सॉवरेन गोल्ड बाँड (SGB) २०१७-१८ सिरीज IX २७ नोव्हेंबर २०२५ रोजी परिपक्व होणार आहे. या सिरीजमधील गुंतवणूकदारांना आता प्रति ग्रॅम ₹१२,४८४ परतावा मिळेल, जो प्रति ग्रॅम ₹२,९६४ वरून वाढून सुमारे २८८% इतका वाढला आहे. रिझर्व्ह बँकेने या टप्प्यासाठी अंतिम रिडेम्पशन किंमत प्रति युनिट ₹१२,४८४ निश्चित केली आहे. ही किंमत इंडिया बुलियन अँड ज्वेलर्स असोसिएशन (IBJA) ने प्रकाशित केलेल्या गेल्या तीन दिवसांत (२४, २५ आणि २६ नोव्हेंबर २०२५) ९९९ शुद्धतेच्या सोन्याच्या सरासरी किमतीवर आधारित आहे. ज्या गुंतवणुकदारांनी यामध्ये गुंतवणूक केली आहे, त्यांच्यासाठी हा बाँड कमालीचा ठरणार आहे.
27 Nov 2025 10:44 AM (IST)
दहशतवादाला आश्रय देणारा पाकिस्तान (Pakistan) स्वत:च दहशतवादाचा सामना करावा लागत आहे. दररोज पाकिस्तानच्या अनेक भागांमध्ये दहशतवादी हल्ले होत आहे. पेशावरमध्ये चार दिवसांपूर्वी झालेल्या हल्ल्यानंतर पुन्हा एकदा खैबरपख्तुनख्वामध्ये हल्ला करण्यात आला आहे. या हल्ल्यात तीन सुरक्षा कर्मचारी ठार झाले असल्याचे वृत्त समोर आले आहे. या हल्ल्याने मोठी खळबळ उडाली आहे.
27 Nov 2025 10:38 AM (IST)
बॉलीवूड स्टार रणवीर सिंगचा आगामी चित्रपट “धुरंधर” ने प्रचंड लोकप्रियता मिळवली आहे. त्याचा ट्रेलर नुकताच प्रदर्शित झाला आणि त्याला व्यापक प्रशंसा मिळाली. संजय दत्त, अक्षय खन्ना आणि आर. माधवन हे देखील महत्त्वाच्या भूमिकांमध्ये आहेत. हा चित्रपट येत्या काही दिवसांत चित्रपटगृहात प्रदर्शित होणार आहे. त्याची कथा पाकिस्तानातील लियारी शहरात घडते, जे एकेकाळी गुन्हेगारीचे केंद्र होते. यासगळ्यावर आधारित हा चित्रपट असणार आहे.
27 Nov 2025 10:26 AM (IST)
रशिया–युक्रेन (Russia Ukraine War)युद्धाच्या पार्श्वभूमीवर अमेरिकेच्या २८ कलमी शांतता योजनेबाबत नवा आणि गंभीर दावा समोर आला आहे. ऑक्टोबर २०२५ मध्ये वॉशिंग्टनमध्ये अमेरिकेचे अध्यक्ष डोनाल्ड ट्रम्प (Donald Trump) आणि युक्रेनचे अध्यक्ष व्होलोडिमिर झेलेन्स्की यांच्या बैठकीनंतर रशियाने जाहीर केलेल्या या योजनेत “मॉस्कोच्या स्पष्ट अटी” असल्याचा आरोप आता चर्चेत आहे. या आराखड्यामुळे रशियालाच हवा तसा फायदा मिळाल्याचा मोठा राजकीय वाद निर्माण झाला आहे.
27 Nov 2025 10:19 AM (IST)
भारताच्या कसोटी क्रिकेटमध्ये दक्षिण आफ्रिकेविरुद्ध झालेल्या मालिकेनंतर टीम इंडिया आता दक्षिण आफ्रिकेच्या विरुद्ध एकदिवसीय मालिका खेळताना दिसणार आहे. या मालिकेमध्ये भारतीय संघाचे दिग्गज विराट कोहली आणि रोहित शर्मा यांचे पुनरागमन होणार आहे. भारतीय संघाचा सलामीवीर रोहित शर्मा तीन सामन्यांच्या एकदिवसीय आंतरराष्ट्रीय मालिकेसाठी रांची येथे पोहोचला आहे. बुधवार, २६ नोव्हेंबर रोजी रोहित शर्मा त्याच्या फार्महाऊसवरील कामाची देखरेख करण्यासाठी मुंबईहून अलिबागला गेला. त्यानंतर तो एकदिवसीय मालिकेच्या पहिल्या सामन्यापूर्वी मुंबईहून रांचीला विमानाने गेला.
27 Nov 2025 10:11 AM (IST)
हॉंगकॉंगमध्ये बुधवारी (२६ नोव्हेंबर) ताई पो भागाता एका रहिवाशी इमारतील भीषण आग लागली होती. एका वांग फुक कोर्ट गुहनिर्माण इमारती बाहेर अनेक टॉवर्समध्ये ही आग पसरली असून यामध्ये मोठ्या प्रमाणात जीवितहानी झाली आहे. मीडिया रिपोर्टनुसार, आतापर्यंत या आगीत ४४ जणांच्या मृत्यूची नोंद झाली असून शेकडो लोक बेपत्ता आहेत. सध्या आग विझवण्याचे आणि बचाव कार्य सुरु आहे. या घटनेमुळे सुरक्षा व्यवस्थेवर प्रश्नउपस्थित केले जात आहेत.
27 Nov 2025 10:03 AM (IST)
: स्मृती मानधना आणि पलाश मुच्छल यांच्या लग्नामध्ये झालेल्या अपवादानंतर सोशल मिडियावर यांची मोठी चर्चा पाहायला मिळाली आहे. सोशल मिडियावर अनेक आरोप प्रत्यारोप लावले जात आहेत. पण आता याचदरम्यान स्मृती मानधना हिला थोडा दिलासा मिळाला आहे. स्मृती मानधना हिचे वडील श्रीनिवास मानधना यांना रुग्णालयातून डिस्चार्ज देण्यात आला आहे, जो कुटुंबासाठी मोठा दिलासा आहे. श्रीनिवास यांना हृदयविकाराचा झटका आल्यानंतर रविवारी, २३ नोव्हेंबर रोजी सकाळी रुग्णालयात दाखल करण्यात आले होते.
27 Nov 2025 09:57 AM (IST)
बॉलीवूडमधील कॉमेडियन अभिनेता कपिल शर्मा सध्या त्याच्या “किस किस को प्यार करूं २” या चित्रपटामुळे चर्चेत आहे, जो १२ डिसेंबर रोजी प्रदर्शित होत आहे. त्याच्या आगामी चित्रपटाचा ट्रेलरही आज प्रदर्शित झाला. ट्रेलर लाँच कार्यक्रमात, कॉमेडी किंगने कॅप्स कॅफेमधील गोळीबाराच्या घटनेबाबतचे पहिले विधान शेअर केले. अभिनेत्याने पहिल्यांदाच स्वतःच्या कॅफेवर झालेल्या गोळीबाराबद्दल स्पष्ट बोलला आहे.
27 Nov 2025 09:49 AM (IST)
दक्षिण आफ्रिकेने दोन सामन्यांच्या कसोटी मालिकेत भारताला व्हाईटवॉश केले. मालिका ०-२ अशी गमावल्यानंतर एकता आणि दृढनिश्चय दाखवत शुभमन गिल म्हणाला की या पराभवानंतरही संघ अधिक मजबूत होईल. दोन कसोटी सामन्यांची ही मालिका भारतासाठी लाजिरवाणी होती. दक्षिण आफ्रिकेने कोलकाता येथील पहिल्या कसोटी सामन्यात ३० धावांनी आणि गुवाहाटी येथील दुसऱ्या कसोटी सामन्यात ४०८ धावांनी पराभव करून यजमान संघाला क्लीन स्वीप केले.
27 Nov 2025 09:41 AM (IST)
२००० ते २०२३ दरम्यान, चीनने जगातील ८०% पेक्षा जास्त देशांना आणि प्रदेशांना २ ट्रिलियन डॉलर्सपेक्षा जास्त कर्जे आणि अनुदाने दिली. या काळात अमेरिका सर्वांत मोठा लाभार्थी होता. व्हर्जिनियातील विल्यम्सवर्ग येथील कॉलेज ऑफ विल्यम अँड मेरी येथील संशोधन संस्थेच्या एंडडेटाने जारी केलेल्या डेटावरून असे दिसून येते की, या काळात चिनी सार्वजनिक क्षेत्रातील संस्थांनी जवळजवळ २,५०० प्रकल्प आणि उपक्रमांसाठी अमेरिकन कंपन्यांना २०० अब्ज डॉलर्स कर्ज दिले. हे चीनच्या एकूण कर्जाच्या ९% पेक्षा जास्त आहे. या रकमेपैकी ९५% पेक्षा जास्त रक्कम चिनी सरकारी मालकोच्या बँका, उपक्रम आणि मध्यवर्ती बँकेने दिली होती, तर उर्वरित रक्कम गैर-सरकारी संस्थांनी दिली होती.
27 Nov 2025 09:35 AM (IST)
राज्यात वाळू तस्करी रोखण्यासाठी सरकारने पावले उचलली आहेत. तस्करीत वापरल्या जाणाऱ्या वाहनांविरोधात राज्य परिवहन प्राधिकरणाने कठोर कारवाई करण्याचे ठरविले आहे. त्यानुसार तस्करी करणारे वाहन पहिल्यांदा पकडले गेल्यास, परवाना ३० दिवस निलंबित ठेवून वाहन अडकवले जाईल. दुसरा गुन्हा झाल्यास ६० दिवस परवाना निलंबित व वाहन अडकवले जाईल. तिसरा गुन्हा झाल्यास संबंधित प्रादेशिक परिवहन प्राधिकरणाने परवाना रद्द करण्याची कार्यवाही करण्याचे राज्य परिवहन प्राधीकरणाचे निर्देश आहेत. महसूल व वन विभागाने याबाबतचे शासन परिपत्रक काढले आहे.
27 Nov 2025 09:28 AM (IST)
वरिष्ठ अधिकाऱ्याच्या छळाला कंटाळून ग्रामसेवकाने आत्महत्येचा प्रयत्न केला होता, त्याचा बुधवारी रुग्णालयात मृत्यू झाला. या घटनेमुळे प्रशासकीय वर्तुळात खळबळ उडाली असून, पीडित कुटुंबीयांनी न्यायासाठी पोलिसांत धाव घेतली. मात्र, पोलिसांनी गुन्हा दाखल करता येत नसल्याचे सांगितले.
27 Nov 2025 09:18 AM (IST)
अहिल्यानगर येथून एक धक्कादायक घटना समोर आली आहे. शरद पवार गटाच्या नेत्यावर जीवघेणा हल्ला झाल्याची बातमी समोर आली आहे. दहा ते पंधरा जणांच्या टोळक्याने त्यांच्यावर धारदार शस्त्रांनी हल्ला केला. ही घटना अहिल्यानगर- बीड जिल्ह्याच्या सीमेलगत मांदगाव जवळ रस्त्यावर झाल्याचे समोर आले आहे. हल्ला झालेल्या नेत्याचे नाव राम खाडे असे आहे. या हल्ल्यात ते गंभीर जखमी झाले. त्यांच्यावर पुण्यात उपचार सुरु आहे. त्यांची प्रकृती चिंताजनक असल्याचे समोर आले आहे.
27 Nov 2025 09:10 AM (IST)
अमेरिकेतील व्हाईट हाऊसजवळ गोळीबाराची घटना घडली. यात दोन नॅशनल गार्ड सैनिकांचा मृत्यू झाल्याची माहिती दिली जात आहे. वेस्ट व्हर्जिनियाचे गव्हर्नर पॅट्रिक मॉरीसी यांनी गोळीबाराच्या या घटनेत दोन सैनिकांचा मृत्यू झाल्याचे सांगितले. यामध्ये पोलिसांनी एका संशयिताला ताब्यात घेतले असून, पोलिसांकडून याप्रकरणाचा तपास केला जात आहे.
Marathi Breaking News Updates : हॉंगकॉंगमध्ये बुधवारी (२६ नोव्हेंबर) ताई पो भागाता एका रहिवाशी इमारतील भीषण आग लागली होती. एका वांग फुक कोर्ट गुहनिर्माण इमारती बाहेर अनेक टॉवर्समध्ये ही आग पसरली असून यामध्ये मोठ्या प्रमाणात जीवितहानी झाली आहे.
मीडिया रिपोर्टनुसार, आतापर्यंत या आगीत ४४ जणांच्या मृत्यूची नोंद झाली असून शेकडो लोक बेपत्ता आहेत. सध्या आग विझवण्याचे आणि बचावकार्य सुरु आहे. या घटनेमुळे सुरक्षा व्यवस्थेवर प्रश्नउपस्थित केले जात आहेत.
हॉंगकॉंगच्या ताई पो परिसरातील वांग कुफ कोर्ट रहिवाशी इमारतीमध्ये दुपारी ३ वाजता ही घटना घडली आहे. या इमारतींमध्ये सुमारे ४००० लोक राहतात. एका ३२ मजली इमारतील लागलेली आगे आसपासच्या इमारतींमध्ये पसरली आहे. आग इतकी भीषण होती की, संपूर्ण परिसक काही क्षणांतच धुराने आणि आगीच्या ज्वाळांनी वेढला गेला आहे.
दुसरी महत्त्वाची बातमी म्हणजे राजकारणातील. अजित पवार यांचे पुत्र पार्थ पवार यांच्या कंपनीच्या नावाने जमीन घोटाळा समोर आल्यानंतर दमानियांच्या निशाण्यावर अजित पवार आले आहेत. यानंतर आता अंजली दमानिया (Anjali Damania) यांनी अजित पवारांचे चॅलेंज स्वीकारले आहे. अजित पवार यांच्या राजीनाम्याची मागणी सातत्याने करण्यात येत आहे.
.png "Videos"){kind=small}
