Top Marathi News Today: अंजली दमानिया आणि अजित पवार यांच्या जुंपली, पुणे जमीन घोटाळा अंगाशी

27 Nov 2025 07:09 PM (IST)

Ladki Bahin Yojana: श्रीकांत शिंदेंचे मोठे विधान; म्हणाले, “लाडक्या बहिणींनी विरोधकांचे…”

परतूर/जालना:  परतूर आणि अंबडमध्ये मागील अनेक वर्ष वेगवेगळ्या पक्षांची सत्ता होती, मात्र येथे अनेक समस्या आहेत. राज्यात विकास कामे होत आहेत मात्र परतूर विकासापासून दूर आहे. परतूर आणि अंबडमध्ये शिवसेनेला सत्ता दिल्यास येथे विकासासाठी निधी कमी पडू देणार नाही, असे आश्वासन शिवसेना खासदार डॉ. श्रीकांत शिंदे यांनी दिले.

27 Nov 2025 07:05 PM (IST)

वसमतची ‘विकास’ फसवणूक; कोट्यवधी खर्च, ठेकेदारांचे वैभव वाढले, शहर मात्र खड्ड्यात

वसमत : नगरपालिका निवडणुकीच्या तोंडावर वसमत शहरात विकासाचे फुगवलेले दावे धुळीस मिळत आहेत. नवराष्ट्रच्या विशेष तपासातून समोर आलेली तथ्ये गंभीर आहेत. लोकप्रतिनिधींच्या भाषणात विकासाचा हल्ला असला, तरी प्रत्यक्षात शहराचा “विकास” हा फक्त कागदावर आणि कंत्राटदारांच्या आर्थिक वाढीत दिसून येतो. वसमत शहराची स्थिती विकासाच्या नावाखालील आर्थिक लुटीचे जिवंत उदाहरण असल्याचे नागरिक म्हणत आहेत.

27 Nov 2025 06:47 PM (IST)

Ladki Bahin Yojana: श्रीकांत शिंदेंचे मोठे विधान; म्हणाले, "* लाडक्या बहिणींनी विरोधकांचे...

परतूर आणि अंबडमध्ये मागील अनेक वर्ष वेगवेगळ्या पक्षांची सत्ता होती, मात्र येथे अनेक समस्या आहेत. राज्यात विकास कामे होत आहेत मात्र परतूर विकासापासून दूर आहे. परतूर आणि अंबडमध्ये शिवसेनेला सत्ता दिल्यास येथे विकासासाठी निधी कमी पडू देणार नाही, असे आश्वासन शिवसेना खासदार डॉ. श्रीकांत शिंदे यांनी दिले.

27 Nov 2025 06:32 PM (IST)

Maharashtra Politics: "हे सर्वसामान्यांचे नेतृत्व, भ्रष्टाचाऱ्यांना..."; श्रीकांत शिंदेंचा विरोधकांवर घणाघात

पाथरी/परभणी:  हिंदुह्रदयसम्राट बाळासाहेब ठाकरे यांनी कधीही जाती धर्माचे राजकारण केले नाही. तोच विचार घेऊन एकनाथ शिंदे साहेब पुढे जात आहेत. अडीच वर्ष मुख्यमंत्री असताना शिंदे साहेबांनी जाती धर्मात भेदभाव केला नाही. त्यांनी सर्वच जाती धर्मांसाठी मोठे निर्णय घेतले. पाथरीत धर्माचे राजकारण करणाऱ्यांना येत्या निवडणुकीत थारा देऊ नका व नगर परिषदेवर शिवसेनेचा भगवा फडकवा, असे आवाहन शिवसेना खासदार डॉ. श्रीकांत शिंदे यांनी आज येथील मतदारांना केले. पाथरी नगर परिषदेच्या निवडणुकीसाठी आयोजित प्रचार सभेत ते बोलत होते. या सभेला शिवसेनेचे मंत्री संजय शिरसाट, अल्पसंख्याक प्रदेशाध्यक्ष सईद खान आणि प्रमुख पदाधिकारी उपस्थित होते.

27 Nov 2025 06:15 PM (IST)

Ind vs Sa 2nd Test : “सातत्याचा अभाव अन् अष्टपैलू खेळाडूंवर…” माजी दिग्गज खेळाडूंची भारतीय संघातील सततच्या बदलांवर टीका

Ind vs Sa 2nd Test : दक्षिण आफ्रिकेविरुद्ध भारतीय संघाला दुसऱ्या कसोटीत ४०८ धावांनी पराभूत झाल्याने मालिकाही गमवावी लागली. त्यानंतर भारतीय संघ आणि संघ व्यवस्थापनावर टीका होऊ लागली. भारताला ०-२ अशी कसोटी मालिकेत पराभव स्वीकारावा लागला . यानंतर अनिल कुंबळे आणि वेंकटेश प्रसाद यांनी भारतीय संघाच्या वृत्ती, सातत्याचा अभाव आणि अष्टपैलू खेळाडूंवर जास्त अवलंबून राहणे यावर टीका केली आहे. दक्षिण आफ्रिकेने दुसऱ्या कसोटीत भारताचा ४०८ धावांनी पराभव केला, जो भारताचा धावांच्या फरकाने सर्वात मोठा पराभव होता. कुंबळेने मुख्य प्रशिक्षक गौतम गंभीर यांच्या संघात सतत बदल करण्याच्या धोरणावरही प्रश्नचिन्ह उपस्थित केले, ज्यांच्या मार्गदर्शनाखाली भारताला गेल्या वर्षी न्यूझीलंडविरुद्ध ०-३ असा पराभव पत्करावा लागला.

27 Nov 2025 06:02 PM (IST)

प्रवास सुखकर होणार! पुण्याच्या 'या' भागातील वाहतूक कोंडी सोडवण्यासाठी PMRDA चा मोठा निर्णय

पुणे: अहिल्यानगर महामार्गावरील शिक्रापूर व वाघोली येथील वाहतूक कोंडी टाळण्यासाठीच्या उपाययोजना व नियोजना पीएमआरडीए'च्या बुधवारी झालेल्या बैठकीत महत्वपूर्ण चर्चा झाली. वाघोली ते शिक्रापूर रस्त्यावरील वाहतूक कोंडी कमी करायच्या दृष्टीने पुणे - अहिल्यानगर मार्गास समांतर ३० मीटर रस्ते प्रादेशिक आराखड्यानुसार तयार करण्यात येईल. त्यानुसार, खराडी जकात नाका ते केसनंद ते बकोरी रस्ता हा वाघोली बायपास रस्ता असून, रस्त्याचे सीमांकनाचे काम पीएमआरडीएकडून पूर्ण केले आहे. पुणे महानगरपालिकेमार्फत रस्ता विकसित करण्यात येईल. या  रस्त्याच्या प्रत्यक्ष केलेल्या आखणीमध्ये व आरपी रस्त्याच्या मार्गामध्ये तफावत असल्याचे दिसते.

27 Nov 2025 06:00 PM (IST)

Crime News: ऐकावे ते नवलचं! टेम्पोतून कपडे चोरणाऱ्या महिलेला अटक

पुणे: रस्त्याच्या कडेला लावलेल्या टेम्पोतून कपडे चोरणाऱ्या महिलेला येरवडा पोलिसांनी अटक केली. कपडे चोरून पसार झालेल्या महिलेचा सीसीटीव्ही चित्रीकरणावरुन माग काढण्यात आला. नंदा विकास काळे (वय ४५, रा. पाण्याच्या टाकीजवळ, चंद्रमानगर, येरवडा) असे अटक करण्यात आलेल्या महिलेचे नाव आहे. याबाबत एका टेम्पो चालकाने येरवडा पोलिस ठाण्यात तक्रार दिली आहे.

वाटा सविस्तर

27 Nov 2025 05:50 PM (IST)

WPL 2026 Auction : WPL इतिहासात दीप्ती शर्मा दुसरी सर्वात महागडी खेळाडू बनली!

Deepti Sharma bought by UP Warriors :  स्टार अष्टपैलू दीप्ती शर्माला यूपीने ₹३.२ कोटी (US$१.२ दशलक्ष) मध्ये खरेदी केली आहे.  डीसीने दीप्तीमध्ये रस दाखवला होता, मात्र, यूपीने जिंकण्यासाठी आरटीएम कार्डचा वापर केला. दिल्लीकडून पहिली बोली लावली होती. दिल्लीने तिला ₹५० लाख (US$१.२ दशलक्ष) बोली लावून विकत घेतले, परंतु त्यात एक ट्विस्ट पुढे आला. यूपी वॉरियर्सने आरटीएम (राईट टू मॅच) कार्डचा वापर केल्यानंतर दिल्लीने त्यांची बोली ₹३.२० कोटी (US$१.२ दशलक्ष) पर्यंत वाढवण्यात आली आणि यूपीने ऑफर स्वीकारली, ज्यामुळे दीप्ती शर्मा ही खेळाडू महिला प्रीमियर लीग लिलावाच्या इतिहासातील दुसरी सर्वात महागडी खेळाडू बनली आहे.

वाचा सविस्तर

27 Nov 2025 05:40 PM (IST)

दिसायला रणगाडा! hyundai ची क्रेटर सादर, मजबूत डिझाईन…

Hyundai त्यांच्या ग्राहकांना कधी उदास करत नाही. प्रत्येक सेगमेंटमध्ये विशेष अशी गाडी त्यांच्याकडे असते. दिसायला हलकी असणारी किंवा रणगाड्यासारखी जाड! प्रत्येक गाडीमध्ये ते जीव टाकतात आणि एक उत्कृष्ट असा नमुना ग्राहकांना आणून देतात. असाच एक नमुना Hyundai कडून सादर करण्यात आला आहे. याचे अजून अनावरण झाले नाही फक्त Look चे अनावरण झाले आहे. ग्राहकांसमोर Hyundai Crater चा फक्त नमुना सादर करण्यात आला आहे.

वाचा सविस्तर 

27 Nov 2025 05:30 PM (IST)

Akola: प्रशासनाचा मनमानी कारभार! अकोला तहसील अंतर्गत १५ गावांचे तलाठी कार्यालय स्थलांतर

अकोला: अकोला तहसील अंतर्गत येणाऱ्या भौरद, डाबकी, वाकापूर, मलकापूर, अकोला सांजा क्र. १, शहनाजपूर, तपलाबाद, अक्कलकोट, निजामपूर, सुकापूर, शिलोडा, नायगाव, अकोली खु., कळंबेश्वर, खरप खु. व लोणी या १५ गावांच्या तलाठी कार्यालयाचे कोणतीही पूर्वसूचना न देता जुन्या डी.एड. कॉलेज, संतोषी माता मंदिराजवळ अकोला शहरात स्थलांतरण करण्यात आले आहे. या अचानक घेतलेल्या निर्णयामुळे ग्रामीण जनतेकडून तीव्र नाराजी व्यक्त केली जात आहे.

वाचा सविस्तर 

27 Nov 2025 05:20 PM (IST)

Fazilnagar : उत्तर प्रदेशच्या आणखी एका धार्मिक शहराचे झाले नामांतर

Fazilnagar Name Change : उत्तर प्रदेश : नुकतेच श्रीराम जन्मभूमी असलेल्या अयोध्या राम मंदिरामध्ये धर्मध्वज रोहणाचा कार्यक्रम पार पडला आहे. हा एक ऐतिहासिका क्षण मानला जात आहे. त्याचबरोबर मुख्यमंत्री योगी आदित्यनाथ (Yogi adityanath) यांनी आणखी एक मोठी घोषणा केली आहे. यामुळे उत्तर प्रदेश सांस्कृतिक आणि ऐतिहासिक भूतकाळाला आकार मिळाला आहे. उत्तर प्रदेशमधील (Uttar Pradesh) आणखी एका शहराचे नाव बदलण्यात येणार आहे. याबाबत योगी सरकारकडून निर्णय घेण्यात आला आहे.

वाचा सविस्तर 

27 Nov 2025 05:15 PM (IST)

Baba Vanga Death Cause: भविष्य सांगणाऱ्या बाबा वेंगाचा मृत्यू होण्यामागे ‘हा’ आजार

वांगेलिया पांडेवा गुश्तेरोवा (Vangeliya Pandeva Gushterova) ही जगात बाबा वेंगा म्हणून ओळखली जाते. बल्गेरियाचे बाबा वेंगा हे एक गूढवादी, उपचार करणारे आणि भविष्यवेत्ता होती जिने भविष्याबद्दल अनेक दावे केले होते, जे लोक खरे ठरल्याचे मानतात. तुम्ही सोशल मीडियावर बाबा वेंगा यांची अनेक भाकिते ऐकली असतील. पण बाबा वेंगा कशी मरण पावली हे तुम्हाला माहिती आहे का? बाबा वेंगा यांच्या मृत्यूचे कारण एक आजार ठरला होता आणि हा आजार नक्की कोणता होता हे आपण आज जाणून घेऊया. 

वाचा सविस्तर 

27 Nov 2025 05:07 PM (IST)

श्रीलंकेत ११ दिवसांपासून मुसळधार पाऊस

Sri Lanka Flood News in Marathi : सध्या जगभरात अनेक देशांमध्ये नैसर्गिक आपत्तींचा कहर सुरु आहे. व्हिएतनाम, इंडोनेशिया, इथिओपियामध्ये नैसर्गिक आपत्तींचा कहर सुरु आहे. तसेच चीनमध्ये गेल्या महिन्यात पावसाने आणि पूराने कहर माजवला होता. आता भारताचा शेजारी देश श्रीलंकेत (Sri Lanka) गेल्या ११ दिवसांपासून मुसळधार पाऊस पडत आहे. यामुळे पूर आणि भूस्खलनाची स्थिती निर्माण झाली आहे.

वाचा सविस्तर

27 Nov 2025 04:55 PM (IST)

कंटेनर बाजूला करतांना हायड्रा पलटी झाल्याने गायमुख घाटात वाहतूक खोळंबली

आज दुपारी २ वा. च्या सुमारास गायमुख घाटामध्ये घोडबंदर वाहिनीवर एक मल्टी एक्सेल कंटेनर तिरपा व बंद झालेला होता. त्यामुळे वाहतुकीचा खोळंबा होऊ नये यासाठी वाहतूक विभागाचे कर्मचारी हायड्रा घेऊन घटनास्थळी पोहोचले व नमुद वाहन क्रेन द्वारे साईडला करण्याच्या प्रयत्न सुरु केला असता हायड्राच पलटी झाल्याची विचित्र घटना घडली. दोन्ही वाहने एकदम आडवी झाल्याने या ठिकाणाहून सिंगल लाईन मध्ये गाड्या पास होत आहेत. सुदैवाने सदर घटनेत कोणीही जखमी झाले नाही. कंटेनर बाजूला करण्यास वेळ लागत असल्याने वाहनांचा रांगा भाईंदरपाडा पर्यंत आल्याची माहिती मिळत आहे. वाहतूक पूर्ववत सुरु होईपर्यंत कोणीही रॉंग साईड प्रवास करू नये, व आवश्यक असेल तरच या मार्गाचा वापर करावा अन्यथा अन्य मार्गांचा वापर करावा असे आवाहन वाहतूक विभागाकडून करण्यात आले आहे.

27 Nov 2025 04:45 PM (IST)

डोळ्यावरचा गॉगल भरेल पैसे आणि काढेल सेलिब्रेटींचे आवाज! फीचर्समध्ये बरच काही…

१ डिसेंबरपासून भारतात उपलब्ध होणारी Oakley Meta HSTN AI Glasses ही कार्यक्षमता-केंद्रित स्मार्ट आयवेअरची नवी पिढी घेऊन येत आहे. अॅथलीट्स, क्रीडाप्रेमी आणि दैनंदिन जीवनात सक्रिय राहणाऱ्यांसाठी खास डिझाइन केलेल्या या एआय ग्लासेसची किंमत ४१,८०० रुपयांपासून सुरू होते. हे कलेक्शन सध्या सनग्लास हटवर प्री-सेलमध्ये उपलब्ध असून १ डिसेंबरपासून देशभरातील ऑप्टिकल आणि आयवेअर स्टोअर्समध्ये विक्रीस येईल. Oakley Meta HSTN मध्ये हँड्स-फ्री कॅप्चरिंगसाठी इंटिग्रेटेड कॅमेरा, ओपन-इअर स्पीकर्स आणि IPX4 जलरोधक तंत्रज्ञान देण्यात आले आहे, ज्यामुळे धावणे, सायकलिंग किंवा आउटडोअर अॅक्टिव्हिटीदरम्यान याचा वापर सहज होतो. जवळपास ८ तासांची बॅटरी लाइफ, १९ तास स्टँडबाय आणि ४८ तास एक्स्ट्रा पॉवर देणारा चार्जिंग केस हे या ग्लासेसचे मोठे आकर्षण आहे.

27 Nov 2025 04:25 PM (IST)

प्रारूप मतदार यादीतील गोंधळावर मनसेचा संताप

मीरा-भाईंदर महापालिका सार्वत्रिक निवडणुकीच्या पार्श्वभूमीवर प्रारूप मतदार यादी जाहीर करण्यात आली आहे. या प्रारूप मतदार याद्यांमध्ये मोठ्या प्रमाणावर गोंधळ समोर आल्याने महाराष्ट्र नवनिर्माण सेनेने प्रशासनाविरोधात आक्रमक भूमिका घेतली आहे. मनसेचे जिल्हाध्यक्ष अविनाश जाधव यांनी आज मीरा भाईंदर महापालिका आयुक्त राधाविनोद शर्मा यांची भेट घेऊन संपूर्ण प्रकरणावर तातडीने सुधारणा करण्याची मागणी केली.

27 Nov 2025 04:15 PM (IST)

शिक्षकाची घाणेरडी हरकत; १७ वर्षीय विद्यार्थिनीला अश्लील मेसेज पाठवत त्रास

काशी मीरा परिसरातील एका नामांकित महाविद्यालयातील प्राध्यापकाने १७ वर्षीय विद्यार्थिनीला मोबाईलवरून अश्लील मेसेज पाठवत तिचा छळ केल्याची धक्कादायक घटना समोर आली आहे. शिक्षण देणारा शिक्षकच भक्षक ठरत असल्याने विद्यार्थी-पालकांमध्ये संतापाची भावना निर्माण झाली आहे.या प्रकरणाची माहिती मिळताच महाराष्ट्र नवनिर्माण सेनेचे पदाधिकारी काशीमीरा पोलिस स्टेशनमध्ये धाव घेऊन वरिष्ठ पोलिस निरीक्षक राजेंद्र कांबळे यांची भेट घेतली. संबंधित प्राध्यापकाविरोधात तात्काळ गुन्हा दाखल करून त्याला अटक करण्याची मागणी मनसेकडून करण्यात आली.

27 Nov 2025 04:15 PM (IST)

केडीएमसीत ठाणे, नवीमुंबई आणि पंचायत समितीमधील मतदारांची नावे

कल्याण ग्रामीणमधील काटई गावात १४०० मतदारांची नावे दुबार आहेत. जेव्हा या नावांचा पत्ता शोधण्यात आला. मतदारांचा ज्या चाळीचा पत्ता दिला गेला. त्या चाळीच अस्तीत्वात नाहीत. हे उघडकीस आले आहे. हे सगळे मतदार ठाणे महापालिकेच्या हद्दीत राहतात. इतकेच नाही तर कल्याण डोंबिवली महापालिकेच्या मतदार यादीत नवी मुंबई , ठाणे आणि पाच गावातील मतदारांची नावे देखील आढळून आली आहे. या संदर्भात मनसेकडून केडीएमसी च्या निवडणूक अधिकाऱ्यांकडे रितसर हरकत घेण्यात आहे. ही नावे मतदार यादीतून काढण्याची मागणी केली आहे.

27 Nov 2025 04:05 PM (IST)

बंद दाराआड सापडलेल्या पैशांच्या खचाखच भरलेल्या बॅगा; निलेश राणेंनी भाजप नेत्याच्या घरी टाकली धाड

राज्यामध्ये स्थानिक स्वराज्य संस्थांच्या निवडणुकांची रणधुमाळी रंगली आहे. अनेक मतदारसंघामध्ये महायुतीमध्ये मैत्रीपूर्ण लढत होत आहेत. मात्र प्रचारामध्ये नेते एकमेकांची उणीधुणी काढताना दिसत आहे. एकीकडे शिंदे गटाचे नेते भाजपमध्ये प्रवेश करत असल्यामुळे एकनाथ शिंदे हे नाराज असल्याच्या चर्चा आहेत. तर एकनाथ शिंदे यांच्या शिवसेनेमध्ये असलेल्या निलेश राणे यांनी भाजपचे भांडाफोड करणारे स्टिंग ऑपरेशन केले. थेट भाजप कार्यकर्त्यांच्या घरी धाड टाकत पैशांची बॅग जप्त केली. यामुळे राजकीय वर्तुळामध्ये एकच गोंधळ उडाला आहे.येत्या 2 डिसेंबर रोजी नगर परिषदा आणि नगर पंचायतीसाठी मतदान प्रक्रिया पार पडणार आहे. मात्र त्यापूर्वी मालवणमध्ये मोठी राजकीय घडामोड घडली आहे. शिवसेना शिंदे गटाचे नेते निलेश राणे यांनी भाजप कार्यकर्त्याच्या घरी अचानक धाड टाकली. त्यांनी दारं बंद करुन घेत या भाजप कार्यकर्त्याला कोंडीत पकडले. या भाजप कार्यकर्त्याच्या घरी चक्क पैशांचं गबाड सापडलं आहे. याचा व्हिडिओ सोशल मीडियावर तुफान व्हायरल झाल्यानंतर महायुतीमध्ये अंतर्गत वाद देखील चव्हाट्यावर येत आहेत.

27 Nov 2025 03:55 PM (IST)

ऐश्वर्या रायचा धर्म अन् नाव बदलून करणार लग्न; पाकिस्तानच्या मौलवीने ओकली गरळ,

हशतवादाला पाठिंबा देणार पाकिस्तान सतत कोणत्या ना कोणत्या कारणावरुन अपमानित होत असतो. सध्या पुन्हा एकदा पाकिस्तानचे एक घृणास्पद चेहरा समोर आला आहे. पाकिस्तानचे मौलवी मुफ्ती अब्दुल कावी यांनी भारतीय अभिनेत्री ऐश्वर्या रायशी लग्न करण्याची इच्छा व्यक्त केली आहे. याचा एक व्हिडिओ सोशल मीडियावर तुफान व्हायरल होत  आहे. व्हायरल होत असलेला व्हिडिओ पाहिल्यानंतर ऐश्वर्या रायच्या भारतीय चाहत्यांनी तीव्र संताप व्यक्त केला आहे. हा व्हिडिओ अनेक सोशल मीडिया प्लॅटफॉर्मवर व्हायरल होत आहे. राखी सावंत हिच्याबद्दल देखील मौलवीने धक्कादायक वक्तव्य केले आहे. या व्हिडिओमुळे मोठी खळबळ उडाली आहे.

27 Nov 2025 03:50 PM (IST)

कचऱ्यात गेलेले दागिने पुन्हा मिळाले

कल्याणमध्ये घंटा गाडीत कचरा देण्याकरीता गेलेल्या महिलेचे दागिने घंडा गाडीतील कचऱ्यात गेले. महिलेने संबंधित कचरा कंपनीला संपर्क साधला. अखेर घंटा गाडीच्या कामगारांनी कचरा भरलेली गाडी शोधली. त्यात महिलेचे दागिने मिळून आले. महिलेने घंटागाडी कामगारांचे आभार मानले आहेत.

27 Nov 2025 03:40 PM (IST)

राष्ट्रवादीच्या नेत्यावर प्राणघातक हल्ला; पोलिसांकडून घटनास्थळाची पाहणी

बीड जिल्ह्यातील शरद पवारांच्या राष्ट्रवादी काँग्रेसचे नेते आणि सामाजिक कार्यकर्ते राम खाडे यांच्यावर काल रात्री नगर - सोलापूर महामार्गावरील मांदळी गावाजवळ अज्ञात हल्लेखोरांनी जीवघेणा हल्ला केला होता. या हल्ल्यात राम खाडे यांच्यासह त्यांचे सहकारी गंभीर जखमी झाले होते. सर्व जखमींना तत्काळ नगरमधील एका खाजगी रुग्णालयात दाखल करण्यात आले होते. मात्र खाडे यांची प्रकृती अधिक बिघडत असल्याने त्यांना पुढील उपचारांसाठी पुण्यात हलविण्यात आले. या प्रकरणात अद्याप कुठलीही तक्रार किंवा फिर्याद दाखल झालेली नाही. दरम्यान राम खाडे यांच्यावर हल्ला झालेला घटनास्थळाची पोलिसांनी पाहणी केली आहे. उपविभागीय पोलीस अधीक्षक प्रवीण लोखंडे आणि पोलीस उपनिरीक्षक विजय झंजाड यांनी घटनास्थळाची पाहणी करून माहिती घेतली आहे. या संदर्भात आम्ही पाहणी केली असून जखमींचा जबाब घेण्यासाठी रुग्णालयात देखील गेलो होतो. मात्र संबंधित जखमींना पुण्याला हलवण्यात आले आहे. त्यामुळे अद्याप या संदर्भात कोणतीही फिर्याद आलेली नाही तशी फिर्याद आल्यानंतर योग्य ती कारवाई करू असं उपविभागीय पोलीस अधीक्षक प्रवीण लोखंडे यांनी म्हटल आहे.

27 Nov 2025 03:35 PM (IST)

केडीएमसीत ठाणे, नवीमुंबई आणि पंचायत समितीमधील मतदारांची नावे

कल्याण ग्रामीणमधील काटई गावात १४०० मतदारांची नावे दुबार आहेत. जेव्हा या नावांचा पत्ता शोधण्यात आला. मतदारांचा ज्या चाळीचा पत्ता दिला गेला. त्या चाळीच अस्तीत्वात नाहीत. हे उघडकीस आले आहे. हे सगळे मतदार ठाणे महापालिकेच्या हद्दीत राहतात. इतकेच नाही तर कल्याण डोंबिवली महापालिकेच्या मतदार यादीत नवी मुंबई , ठाणे आणि पाच गावातील मतदारांची नावे देखील आढळून आली आहे. या संदर्भात मनसेकडून केडीएमसी च्या निवडणूक अधिकाऱ्यांकडे रितसर हरकत घेण्यात आहे. ही नावे मतदार यादीतून काढण्याची मागणी केली आहे.

27 Nov 2025 03:34 PM (IST)

कल्याण डोंबिवलीत काँग्रेस मधील धुसफुस चव्हाट्यावर

काँग्रेस कार्यकर्त्यांनी राहुल गांधी आणि मल्लिका अर्जुन खडगे यांना पत्र पाठवले आहे. काँग्रेस जिल्हाध्यक्षपदी राजाभाऊ पातकर यांची वर्णी लागल्यानंतर काँग्रेस पदाधिकाऱ्यांचे राजीनामा सत्र सुरु आहे.  जिल्हाध्यक्ष पद आयारामांना न देता निष्ठावंताना द्या ,काँग्रेस कार्यकर्ते पदाधिकाऱ्यांची मागणी केली आहे.

27 Nov 2025 03:18 PM (IST)

Tesla ने भारतात उघडले सर्वात पहिले All-In-One सेंटर

टेस्ला कंपनी म्हटलं की फक्त Elon Musk आणि भारी गाड्या हेच चित्र डोळ्यासमोर उभं राहतं आणि आता ही कंपनी भारतातही आपलं साम्राज्य पसरविण्यासाठी सज्ज झाली आहे. टेस्लाने हरियाणातील गुरुग्राम येथे पहिले ऑल-इन-वन सेंटर उघडून भारतात आपले अस्तित्व बळकट केले आहे. ही सुविधा आज, २७ नोव्हेंबर २०२५ पासून ग्राहकांसाठी खुली होईल आणि कार खरेदीपासून ते सर्व्हिसिंग, चार्जिंग आणि डिलिव्हरीपर्यंत सर्व आवश्यक सेवा एकाच छताखाली प्रदान करण्याचे उद्दिष्ट ठेवते.

27 Nov 2025 03:10 PM (IST)

व्यापाऱ्याला अडवून अडीच लाखांची रोकड आणि दुचाकी लंपास

कॅश कलेक्शन घेवून दुचाकीवर जाणाऱ्या व्यापाऱ्याला एका दुचाकीवर आलेल्या तीन दरोडेखोरांनी अडवून बेदम मारहाण, चाकू हल्ला करीत व्यापाऱ्याकडील अडीच लाखांच्या रोख रक्कमेसह दुचाकी पळवून नेली.

27 Nov 2025 02:50 PM (IST)

शरमन जोशीचं खऱ्या आयुष्यात करिना कपूरसोबत खास नातं

थ्री इडीयट्समधील रँचोचा जिवलग मित्र राजू रस्तोगी आठवतोय? आणि दुसऱ्या बाजूला रँचोची गर्लफ्रेंड म्हणजेच पिया. राजू रस्तोगीची भूमिका अभिनेता शर्मन जोशी यांनी तर पियाची भूमिका करीना कपूरने साकारली होती.या दोघांच्याही भूमिका आजही प्रेक्षकांच्या मनात आहेत.  थ्री इडियट्स या सिनेमात राजू रस्तोगी आणि पिया हे मित्र म्हणून दिसले असले तरी खऱ्या आयुष्यात शरमन जोशी आणि करीना कपूर यांचं खास नातं आहे. हे दोघे प्रत्यक्षात एकमेकांचे नातेवाईक आहेत हे अनेकांना ठाऊक नाही.

27 Nov 2025 02:45 PM (IST)

काचिन प्रदेश नव्या भू-राजकीय रणभूमीत

म्यानमारच्या (Myanmar) उत्तरेकडील काचिन राज्यात दडलेल्या अमूल्य दुर्मिळ पृथ्वी खनिजांनी(Rare Element’s) आता संपूर्ण जगाचे लक्ष वेधून घेतले आहे. चिपवी आणि पांगवा या पर्वतीय भागात मिळणारे डिस्प्रोसियम, टर्बियम आणि इतर जड दुर्मिळ पृथ्वी घटक आधुनिक जगातील सर्वात अत्यावश्यक तंत्रज्ञानाचे केंद्रबिंदू मानले जातात. पवनचक्की, प्रगत इलेक्ट्रिक वाहनांचे मोटर्स, हाय-टेक संरक्षण प्रणाली आणि अत्याधुनिक चुंबकांशिवाय या खनिजांशिवाय विकसित करणे अशक्य आहे. परिणामी, या प्रदेशातील संसाधने तिन्ही महासत्तांसाठी आता प्रचंड रणनीतिक महत्त्वाची ठरत आहेत.

27 Nov 2025 02:40 PM (IST)

कीर्ती सुरेशने चिरंजीवीच्या चाहत्यांची मागितली माफी

साऊथ अभिनेत्री कीर्ती सुरेश हे दक्षिण भारतीय चित्रपटसृष्टीतील एक मोठे नाव आहे आणि आता प्रभासच्या कल्की २८९८ एडी मध्ये काम केल्यानंतर, तिने हिंदी प्रेक्षकांचेही लक्ष स्वतःकडे वेधून घेतले आहे. गेल्या वर्षी अभिनेत्री महानती चित्रपटामध्ये दिसली. या चित्रपटाच्या प्रमोशन दरम्यान, तिला थलापती विजय आणि चिरंजीवी यांच्यातील सर्वोत्तम डान्सर कोण हे निवडण्यास सांगितले होते. परंतु, तिच्या उत्तरामुळे वाद आणि निषेध निर्माण झाला. चाहत्यांना तिचे उत्तर फार पसंत पडले नाही.

27 Nov 2025 02:30 PM (IST)

‘ते माझ्यासाठी सर्वस्व होते…’ धरमजींच्या जाण्याने पत्नीवर दुःखाचा डोंगर!

बॉलीवूडचे सुपरस्टार धर्मेंद्र यांचे वयाच्या ८९ व्या वर्षी अल्पशा आजाराने निधन झाले. त्यांच्या निधनामुळे त्यांच्या कुटुंबावर दुःख डोंगर कोसळला आणि चाहते अजूनही या धक्क्याने हादरले आहेत. अभिनेत्याची दुसरी पत्नी आणि बॉलीवूड अभिनेत्री हेमा मालिनी देखील खूप दुःखी आहे. आता, त्यांच्या निधनानंतर तीन दिवसांनी, त्यांनी धरमजींची आठवण काढून त्यांच्यासोबतचे काही सुंदर फोटो शेअर केले आहेत. आणि सोबतच त्यांनी भावुक नोट देखील लिहिली आहे. तिने त्यांच्या एकत्र घालवलेल्या आठवणींना उजाळा देणारे अनेक फोटो देखील शेअर केले आहेत.

27 Nov 2025 02:25 PM (IST)

Orry ची साडे सात तास चौकशी, 252 कोटींचा ड्रग्ज घोटाळा प्रकरण

सोशल मीडियावरील लोकप्रिय इन्फ्लुएन्सर ऑरीच्या चर्चेत आला आहे. याच्या अडचणींत आणखी वाढ होण्याची शक्यता आहे. कारण 252 कोटींच्या ड्रग्ज घोटाळ्या प्रकरणी अँटि नारकोटिक्स सेलनं ऑरीला समन्स जारी केले आहे. त्यानंतर ड्रग्ज प्रकरणात ऑरीची साडे सात चौकशी करण्यात आली आहे. साडेसात तासाच्या चौकशीनंतर घाटकोपरच्या अंमली पदार्थ युनिटमधून ऑरी बाहेर पडला आहे. सूत्रांनी दिलेल्या माहितीनुसार ऑरीकडून चौकशीत असमाधानकारक उत्तर मिळायचे सूत्रांनी सांगितले आहे. ऑरीचे वकिलही त्याच्या सोबत पहायला मिळाले आहेत.

27 Nov 2025 02:15 PM (IST)

‘मी उर्दूसोबत झोपतो’ महागुरुंच्या वक्तव्यावरुन नाना पाटेकरांचा टोला?

मराठी चित्रपट विश्वातील महागुरू सचिन पिळगावकर यांनी मराठी आणि हिंदी चित्रपटसृष्टीत मोठ्या प्रमाणात काम करून प्रसिद्धी मिळवली आहे. बालकलाकार म्हणून इंडस्ट्रीत सचिन पिळगावकर यांनी प्रवेश केला, आणि त्यांच्या पहिल्या चित्रपटानंतर त्यांना भरपूर प्रसिद्धी मिळाली. ते नेहमीच त्यांच्या मुलाखतींमधून त्यांच्या कारकिर्दीतील अनेक किस्से सांगताना दिसले आहेत. अनेक वेळा ते या किस्स्यांमुळे चर्चेत आले आहेत. आता नुकतीच त्यांनी एका मोठ्या कार्यक्रमा दरम्यान सचिन पिळगावकर उर्दू भाषेतबद्दल बोलताना दिसले, त्यांच्या ‘मी उर्दूसोबत झोपतो’ यांच्या या विधानामुळे ते चर्चेत आले, आणि आता या विधानावर नाना पाटेकर बोलताना दिसले आहेत.

27 Nov 2025 02:00 PM (IST)

एल्विश यादव 'औकात से बहार' वेब सिरीजमधून करणार अभिनयात पदार्पण, टीझर लाँच

युट्यूबर एल्विश यादवची लोकप्रियता वाढतच चालली आहे. तो सध्या लाफ्टर शेफ सीझन ३ या नवीन भागात प्रेक्षकांना दिसत आहे. 'औकात से बहार' या नवीन वेब सिरीजमधून तो अभिनयामध्ये पदार्पण करत आहे.

27 Nov 2025 01:55 PM (IST)

पंढरपूर नगरपालिकेचा सत्तासंघर्ष ऐन थंडीत ‘हाय व्होल्टेज’; भावकीचे राजकारण सुरू

पंढरपूर नगरपालिका निवडणुकीचा प्रचार आता जोमात सुरू झाला आहे. फोडाफोडी बैठका भावकी, वाडा, जात-धर्माचे राजकारण सुरू झाले आहे. दरम्यान, प्रचाराच्या निमित्ताने भाजप आणि आघाडीत उमेदवार आणि त्यांचे समर्थक जोरदार शक्तिप्रदर्शन करत आहेत. त्यामुळे ऐन नोव्हेंबरच्या थंडीत पंढरपूर पालिकेचा सत्तासंघर्ष हायव्होल्टेज बनला आहे.

27 Nov 2025 01:45 PM (IST)

दुसऱ्या अपमानास्पद पराभवानंतर आर. अश्विनने का केले असे विधान?

टीम इंडियाने दक्षिण आफ्रिकेविरुद्ध दोन सामन्यांची कसोटी मालिका गमावली आहे. भारताच्या या निराशाजनक कामगिरीनंतर सोशल मिडियावर मोठ्या प्रमाणात खेळाडूंवर त्याचबरोबर गौतम गंभीरवर मोठ्या प्रमाणात टीका केली जात आहे. कोलकाता येथे झालेल्या पहिल्या कसोटी सामन्यात भारतीय संघाला आफ्रिकन संघाने ४०८ धावांच्या मोठ्या फरकाने पराभव पत्करावा लागला. या विजयासह दक्षिण आफ्रिकेने त्यांच्या घरच्या मैदानावर टीम इंडियाचा क्लीन स्वीप पूर्ण केला आणि २५ वर्षांनंतर मालिका २-० ने जिंकली.

27 Nov 2025 01:35 PM (IST)

‘नवभारत’ शिखर परिषदेत भारत–कजाकिस्तान व्यापार संबंधांना नवे बळ!

“वसुधैव कुटुंबकम” या तत्वाचे पालन केल्याने आज भारताची अर्थव्यवस्था जगातील सर्वात वेगाने वाढणारी भारताची अर्थव्यवस्था बनली आहे. आता जग देखील भारताच्या वसुधैव कुटुंबकम मंत्राचा अवलंब करत आहे. यामुळे जगासाठी समृद्धीचा मार्ग मोकळा होईल, पंतप्रधान नरेंद्र मोदी यांच्या नेतृत्वाखाली भारताने गेल्या ११ वर्षांत प्रत्येक क्षेत्रात अभूतपूर्व प्रगती केली आहे. ११ वर्षांपूर्वी भारतीय अर्थव्यवस्था ११ व्या क्रमांकावर होती, परंतु आता ती पाचव्या क्रमांकाची अर्थव्यवस्था बनली आहे. लवकरच अमेरिका आणि चीननंतर भारत तिसरी सर्वात मोठी अर्थव्यवस्था बनेल”, असा विश्वास प्रसिद्ध बँकर, गायिका आणि सामाजिक कार्यकर्त्या अमृता देवेंद्र फडणवीस यांनी व्यक्त केला.

27 Nov 2025 01:25 PM (IST)

कीर्ती सुरेशने चिरंजीवीच्या चाहत्यांची मागितली माफी, एक वर्षाआधीचे प्रकरण आता का चिघळले?

साऊथ अभिनेत्री कीर्ती सुरेश हे दक्षिण भारतीय चित्रपटसृष्टीतील एक मोठे नाव आहे आणि आता प्रभासच्या कल्की २८९८ एडी मध्ये काम केल्यानंतर, तिने हिंदी प्रेक्षकांचेही लक्ष स्वतःकडे वेधून घेतले आहे. गेल्या वर्षी अभिनेत्री महानती चित्रपटामध्ये दिसली. या चित्रपटाच्या प्रमोशन दरम्यान, तिला थलापती विजय आणि चिरंजीवी यांच्यातील सर्वोत्तम डान्सर कोण हे निवडण्यास सांगितले होते. परंतु, तिच्या उत्तरामुळे वाद आणि निषेध निर्माण झाला. चाहत्यांना तिचे उत्तर फार पसंत पडले नाही.

27 Nov 2025 01:15 PM (IST)

अंजली दमानिया आणि अजित पवारांमध्ये पेटलं वाकयुद्ध? पुणे जमीन घोटाळा थेट जाणार हायकोर्टात

राज्यामध्ये एकीकडे स्थानिक स्वराज्य संस्थांच्या निवडणुकीची रणधुमाळी सुरु आहे. तर दुसरीकडे राजकीय नेत्यांमध्ये वाद-विवाद सुरु आहे. महायुतीमध्ये भाजप आणि शिवसेना शिंदे गटामध्ये नाराजीनाट्य सुरु आहे. तर सामाजिक कार्यकर्त्या यांनी उपमुख्यमंत्री अजित पवार (Ajit Pawar) यांच्या राजीनाम्याची मागणी केली आहे. अजित पवार यांचे पुत्र पार्थ पवार यांच्या कंपनीच्या नावाने जमीन घोटाळा समोर आल्यानंतर दमानियांच्या निशाण्यावर अजित पवार आले आहेत. यानंतर आता अंजली दमानिया (Anjali Damania) यांनी अजित पवारांचे चॅलेंज स्वीकारले.

27 Nov 2025 01:06 PM (IST)

भारतातील ‘HR88B8888’ सर्वात महाग नंबर प्लेट

भारतीयांना गाड्यांबद्दल प्रचंड उत्सुकता आहे. दर महिन्याला भारतीय बाजारात असंख्य गाड्या लाँच होतात. पण गाड्या खरेदी करण्यासोबतच, लोकांना कार नंबर प्लेट्सबद्दलही प्रचंड उत्सुकता आहे. हरियाणाच्या ऑनलाइन लिलावात नंबर प्लेट्सचा लिलाव करण्यात आला, ज्यामध्ये “HR88B8888” या नंबर प्लेटला सर्वाधिक बोली लागली आणि ती भारतातील सर्वात महागडी नंबर प्लेट ठरली आहे.

27 Nov 2025 01:00 PM (IST)

दोन मुलांसह वडिलाची आत्महत्या; चांदवड तालुक्यातील धक्कादायक घटना

चांदवड तालुक्यातील दिघवद रोकडोबा वस्ती येथे बुधवारी (दि. २६) सकाळी एका दुर्दैवी घटनेत वडील आणि त्यांची नऊ वर्षांची मुलगी व पाच वर्षांचा मुलगा यांनी विहिरीत उडी मारून आत्महत्या केल्याची हृदयद्रावक घटना घडली आहे. या घटनेमुळे परिसरात हळहळ व्यक्त होत आहे. दरम्यान, मृत व्यक्तीच्या पत्नीने सासू-सासऱ्यांनी मानसिक छळ करून आत्महत्येसाठी प्रवृत्त केल्याची फिर्याद दिल्याने पोलिसांनी दोघांविरोधात गुन्हा दाखल केला आहे.

27 Nov 2025 12:58 PM (IST)

सुमात्राला पुन्हा भूकंपाचा तडाखा!

इंडोनेशियात गुरुवारी सकाळी पुन्हा एकदा शक्तिशाली भूकंपाचा धक्का बसला. सुमात्रा बेटावर रिश्टर स्केलवर 6.6 तीव्रतेचा भूकंप नोंदवण्यात आला, ज्यामुळे आधीच नैसर्गिक संकटाने ग्रस्त असलेल्या या प्रदेशात आणखी भीतीचे वातावरण तयार झाले. काही तासांपूर्वीच 6.3 तीव्रतेचा धक्का बसल्यानंतर पुन्हा वाढलेल्या हालचालींनी स्थानिक प्रशासनालाही सतर्क केले आहे.  वाचा सविस्तर

27 Nov 2025 12:55 PM (IST)

शरद पवार गटाच्या नेत्यावर सत्तूर–तलवारीने हल्ला, 15 जणांचा गँग-अटॅक

अहिल्यानगरजवळ शरद पवार गटाचे नेते राम खाडे यांच्यावर 10-15 जणांनी तलवार, लाठ्या, सत्तूर व पिस्तूलाने जीवघेणा हल्ला केला. ते गंभीर जखमी असून त्यांना पुण्यात हलवले आहे. हल्ला राजकीय द्वेषातून झाला असल्याचा आरोप करण्यात येत आहे.

27 Nov 2025 12:51 PM (IST)

भारतातील सर्वात महाग नंबर प्लेट, किंमत वाचून व्हाल अवाक्

बुधवार, २६ नोव्हेंबर रोजी झालेल्या हरियाणाच्या लिलावात या नंबर प्लेटला ₹१.१७ कोटी (अंदाजे $१.१७ अब्ज) मिळाले. ही किंमत वाचूनच तुम्हाला गाड्यांची आणि त्यांच्या नंबर प्लेट्सची किती क्रेझ आहे याबाबत अंदाज येऊ शकतो. हरयाणामध्ये ही बोली लावण्यात आली असून केवळ नंबर प्लेटसाठी इतके कोटी मोजण्यात आले आहेत, आहे ना कमाल? वाचा सविस्तर 

27 Nov 2025 12:50 PM (IST)

मॉर्फ फोटोची धमकी, सततची ब्लॅकमेलिंग…; मानसिक छळाला कंटाळून तरुणीने उचलले टोकाचे पाऊल

मुंबईत तरुणीने मॉर्फ फोटो व्हायरल करण्याच्या धमकीला कंटाळून आत्महत्या केली. आरोपी संजय विश्वकर्मा ब्लॅकमेल, खंडणी व मानसिक छळ करत होता. पोलिसांनी त्याला अटक करून गंभीर गुन्हे दाखल केले.

27 Nov 2025 12:40 PM (IST)

नवविवाहितेने संपवलं आयुष्य; सहा पानी सुसाईड नोटमध्ये धक्कादायक आरोप

नाशिकच्या हिरावाडीत नवविवाहित नेहा पवारने सासरच्या सततच्या मानसिक छळाला, चारित्र्यावरच्या संशयाला आणि पैशांच्या मागणीला कंटाळून विषप्राशन करून आत्महत्या केली. सहापानांच्या सुसाईड नोटमध्ये गंभीर आरोप.

27 Nov 2025 12:30 PM (IST)

किरकोळ वादाचं भीषण शेवट! पतीने पत्नीचा घेतला जीव

डोंबिवलीतील कोळेगाव परिसरात किरकोळ वादातून पतीने पत्नीची गळा आवळून हत्या केली. ज्योती धाहीजेचा खून करून पती पोपट धाहीजे फरार झाला. तीन अपत्यांसह कुटुंब उद्ध्वस्त; मानपाडा पोलिसांचा तपास सुरू

27 Nov 2025 11:05 AM (IST)

Solapur Breaking: मुख्यमंत्री देवेंद्र फडणवीस यांची 30 नोव्हेंबर रोजी अक्कलकोट येथे होणार सभा

अक्कलकोट तालुक्यातील भाजप लढवत असलेल्या तीन नगरपरिषदेच्या निवडणुकीसाठी मुख्यमंत्री देवेंद्र फडणवीस सभा घेणार आहेत. अक्कलकोट तालुक्यात भाजप विरुद्ध शिवसेना असा तिन्ही नगर परिषदेत होणार आहे सामना, दोन्ही पक्षांना काँग्रेसचा आव्हान असणार आहेत. माजी मंत्री शिवसेना नेते सिद्धाराम म्हात्रे यांच्यावर जोरदार टीका केली आहे. दरम्यान अक्कलकोट तालुक्यातील अक्कलकोट, दुधनी आणि मैंदर्गी नगरपरिषद तिरंगी लढत होणार आहे. तीन वर्षात अक्कलकोट तालुक्यातील विकास कामांचा लेखाजोखा मांडून विकासाच्या मुद्द्यावर आम्ही निवडणूक लढवणार असल्याची माहिती अक्कलकोट भाजप आमदार सचिन कल्याणशेट्टी यांनी दिली.

27 Nov 2025 10:59 AM (IST)

रोहित शर्मा एकही सामना न खेळता बनला नंबर 1!

भारत विरुद्ध दक्षिण आफ्रिका यांच्यामध्ये कसोटी मालिकेनंतर आता तीन सामन्यांची एकदिवसीय मालिका खेळवली जाणार आहे. ही मालिका 30 नोव्हेंबरपासून सुरु होणार आहे. या मालिकेमध्ये भारताच्या संघात रोहित शर्मा आणि विराट कोहली यांचे संघामध्ये पुनरागमन होणार आहे. बऱ्याच प्रतीक्षेनंतर, रोहित शर्मा ऑस्ट्रेलियाविरुद्धच्या एकदिवसीय मालिकेत भारतीय संघाच्या जर्सीवर परतला. मालिकेतील त्याची कामगिरी प्रभावी होती, त्याने तीन सामन्यांमध्ये २०२ धावा केल्या. त्याने एक अर्धशतक आणि एक शतकही झळकावले. या दमदार कामगिरीमुळे तो आयसीसी एकदिवसीय क्रमवारीत नंबर १ वर पोहोचला.

27 Nov 2025 10:52 AM (IST)

सॉवरेन गोल्ड बाँड झालेय पैसे छापण्याचे मशीन

सोन्याच्या गुंतवणूकदारांसाठी एक आनंदाची बातमी आहे. सॉवरेन गोल्ड बाँड (SGB) २०१७-१८ सिरीज IX २७ नोव्हेंबर २०२५ रोजी परिपक्व होणार आहे. या सिरीजमधील गुंतवणूकदारांना आता प्रति ग्रॅम ₹१२,४८४ परतावा मिळेल, जो प्रति ग्रॅम ₹२,९६४ वरून वाढून सुमारे २८८% इतका वाढला आहे. रिझर्व्ह बँकेने या टप्प्यासाठी अंतिम रिडेम्पशन किंमत प्रति युनिट ₹१२,४८४ निश्चित केली आहे. ही किंमत इंडिया बुलियन अँड ज्वेलर्स असोसिएशन (IBJA) ने प्रकाशित केलेल्या गेल्या तीन दिवसांत (२४, २५ आणि २६ नोव्हेंबर २०२५) ९९९ शुद्धतेच्या सोन्याच्या सरासरी किमतीवर आधारित आहे. ज्या गुंतवणुकदारांनी यामध्ये गुंतवणूक केली आहे, त्यांच्यासाठी हा बाँड कमालीचा ठरणार आहे.

27 Nov 2025 10:44 AM (IST)

पुन्हा एकदा दहशतवादी हल्ल्याने हादरला पाकिस्तान

दहशतवादाला आश्रय देणारा पाकिस्तान (Pakistan) स्वत:च दहशतवादाचा सामना करावा लागत आहे. दररोज पाकिस्तानच्या अनेक भागांमध्ये दहशतवादी हल्ले होत आहे. पेशावरमध्ये चार दिवसांपूर्वी झालेल्या हल्ल्यानंतर पुन्हा एकदा खैबरपख्तुनख्वामध्ये हल्ला करण्यात आला आहे. या हल्ल्यात तीन सुरक्षा कर्मचारी ठार झाले असल्याचे वृत्त समोर आले आहे. या हल्ल्याने मोठी खळबळ उडाली आहे.