लहान मुलांसाठी सकाळच्या नाश्त्यात बनवा पिंक सॉस नूडल्स, मुलांसह मोठ्यांना नक्की आवडेल पदार्थ

लहान मुलांना बीट खायला आवडत नाही. अशावेळी तुम्ही मुलांसाठी सोप्या पद्धतीमध्ये बीटरूट पिंक सॉस नुडल्स बनवू शकता. हे नुडल्स लहान मुलं खूप आवडीने खातील. याशिवाय हा पदार्थ बनवण्यासाठी जास्त वेळ लागत नाही.

लहान मुलांसाठी सकाळच्या नाश्त्यात बनवा पिंक सॉस नूडल्स

Follow Us:

Follow Us:

लहान मुलांसाठी नेहमी नेहमी सकाळच्या नाश्त्यात काय बनवावं? हे अनेकदा पालकांना सुचत नाही. लहान मुलांना सतत बाहेरचे तेलकट किंवा चटपटीत पदार्थ खायला खूप आवडतात. मात्र दैनंदिन आहारात सतत या पदार्थांचे सेवन केल्यामुळे आरोग्याला हानी पोहचण्याची शक्यता असते. त्यामुळे लहान मुलांना शक्यतो घरी बनवलेले पौष्टिक आणि हेल्दी पदार्थ खाण्यास द्यावे. त्यामुळे आज आम्ही तुम्हाला आज आम्ही तुम्हाला सोप्या पद्धतीमध्ये बीटचा वापर करून पिंक सॉस नूडल्स बनवण्याची सोपी रेसिपी सांगणार आहोत. बीटचे सेवन करणे आरोग्यासाठी अतिशय फायदेशीर आहे. यामध्ये मॅग्नेशियम, लोह, तांबे, फायबर आणि विटामिन सी भरपूर प्रमाणात आढळून येते. त्यामुळे रोजच्या आहारात तुम्ही बीटचे सेवन करू शकता. चला तर जाणून घेऊया पिंक सॉस नूडल्स बनवण्याची सोपी रेसिपी.(फोटो सौजन्य – iStock)

हिवाळ्यात संध्याकाळच्या नाश्त्याला बनवा हुरडा भेळ; चव अशी की पाहता क्षणी तोंडाला पाणी सुटेल

साहित्य:

• गव्हाचे नुडल्स
• बीट
• काजू
• लसूण पाकळ्या
• काळीमिरी पावडर
• आलं
• तूप
• दूध
• ऑरिगॅनो
• चिली फ्लेक्स
• चीज स्लाइस
• दूध

वजन कमी करण्यासाठी घरी बनवा मसूर डाळीचे पौष्टिक सूप; प्रत्येक घोटात मिळेल चव आणि आरोग्याचा उत्तम मेळ

कृती:

• पिंक सॉस नुडल्स बनवण्यासाठी सर्वप्रथम, गव्हाचे नुडल्स पाण्यात टाकून उकळवून घ्या. ५ मिनिटं उकळल्यानंतर लगेच गॅस बंद करून नुडल्समधील पाणी काढून घ्या.
• कढईमध्ये तूप घालून त्यात लसूण घालून परतवून घ्या. त्यानंतर त्यात बीटचे तुकडे, काजू, आलं टाकून भाजा आणि मिक्सरच्या भांड्यात टाकून बारीक पेस्ट तयार करा.
• तयार केलेली पेस्ट त्याच कढईमध्ये टाकून पुन्हा एकदा भाजा. त्यानंतर त्यात दूध टाकून उकळवण्यासाठी ठेवा. सॉसला उकळी आल्यानंतर त्यात काळीमिरी पावडर, ऑरिगॅनो, चिली फ्लेक्स आणि चीज स्लाइस टाकून सॉस तयार करा.
• तयार करून घेतलेल्या सॉसमध्ये शिजवून घेतलेले नूडल्स टाकून मिक्स करा. तयार आहे सोप्या पद्धतीमध्ये बनवलेले पिंक सॉस नुडल्स.
• हे नुडल्स लहान मुलांसह मोठ्यांना नक्कीच आवडतील.

Web Title: How to make beetroot pink sauce noodles at home cooking tips beetroot recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com