उन्हाळा होईल सुखकर! अस्सल राजस्थानी पद्धतीमध्ये घरी बनवा ‘मारवाडी कुल्फी’, नोट करून घ्या रेसिपी

उन्हाळा ऋतूला सुरुवात झाल्यानंतर सगळ्यांचं थंडगार पदार्थ खाण्याची इच्छा होते. अशावेळी तुम्ही सोप्या पद्धतीमध्ये मारवाडी कुल्फी बनवू शकता. ही कुल्फी बनवण्यासाठी जास्त वेळ लागत नाही.जाणून घ्या कुल्फी बनवण्याची सोपी रेसिपी.

अस्सल राजस्थानी पद्धतीमध्ये घरी बनवा 'मारवाडी कुल्फी'

Follow Us:

Follow Us:

उन्हाळा ऋतूला सुरुवात झाल्यानंतर घामाच्या धारांमुळे सर्वच नागरिक त्रस्त होतात. वाढत्या उष्णतेमुळे शरीरातील पाण्याची पातळी कमी होऊन जाते, ज्यामुळे सतत थकवा किंवा अशक्तपणा जाणवू लागतो. त्यामुळे उन्हाळ्यात थंड पदार्थांचे जास्त सेवन करावे. शरीरात वाढलेली उष्णता कमी करण्यासाठी नारळ पाणी, थंड पाणी,सरबत, कोकम सरबत इत्यादी पेयांचे सेवन केले जाते. मात्र नेहमीच या पेयांचे सेवन करून कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही राजस्थानी पद्धतीमध्ये मारवाडी कुल्फी बनवू शकता. मारवाडी कुल्फी बाजारात सहज उपलब्ध होते. मारवाडी कुल्फी राजस्थानमध्ये मोठ्या प्रमाणावर प्रसिद्ध आहे. चला तर जाणून घेऊया मारवाडी कुल्फी बनवण्याची सोपी रेसिपी.(फोटो सौजन्य – iStock)

साहित्य:

• दूध
• साखर
• वेलची पावडर
• केशर
• काजू बदामाची पावडर

सकाळच्या नाश्त्यात काकडीपासून बनवा चविष्ट भाकरी! श्रद्धा कपूरला आवडतो पौष्टिक पदार्थ, नोट करून घ्या रेसिपी

कृती:

• मारवाडी कुल्फी बनवण्यासाठी सर्वप्रथम, कढईमध्ये दूध घेऊन उकळण्यासाठी ठेवा. दूध उकळताना त्यात पाणी टाकू नये.
• उकळलेलं दूध रबडी सारखं तयार झाल्यानंतर गॅस मंद आचेवर करून ठेवा. त्यानंतर त्यात आवश्यकतेनुसार साखर टाकून पूर्णपणे वितळवून घ्या.
• साखर पूर्णपणे वितळल्यानंतर त्यात केशरच्या काड्या टाकून मिक्स करा. सगळ्यात शेवटी तयार केलेल्या मिश्रणात काजू बदामाची पावडर टाकून मिक्स करा.
• तयार करून घेतलेले कुल्फीचे मिश्रण थंड करून घ्या. थंड करून घेतलेले कुल्फीचे मिश्रण कुल्फीच्या साच्यामधून भरून फ्रिजमध्ये सेट होण्यासाठी ठेवा.
• सेट झाल्यानंतर कुल्फी खाण्यासाठी तयार होईल. अशा पद्धतीने बनवलेली कुल्फी चवीला अतिशय सुंदर लागते.

Web Title: How to make marwari kulfi at home simple food recipe summer special food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com