पालकची भाजी खायला आवडतं नाही? मग सोप्या पद्धतीमध्ये बनवा ताकातील आंबटगोड पालकची भाजी

पालकची भाजी खायला अनेकांना आवडत नाही. अशावेळी तुम्ही सोप्या पद्धतीमध्ये ताकातील आंबटगोड पालकची भाजी बनवू शकता. तुम्ही बनवलेला हा पदार्थ घरातील सगळेजण आवडीने खातील. जाणून घ्या रेसिपी.

सोप्या पद्धतीमध्ये बनवा ताकातील आंबटगोड पालकची भाजी

Follow Us:

Follow Us:

थंडीसह इतर सर्वच ऋतूंमध्ये बाजारात पालेभाज्या उपलब्ध असतात. लाल माठ, मुळा, पालक, मेथी, बारीक मेथी, शेपू इत्यादी पालेभाज्याचा आहारात प्रामुख्याने समावेश केला जातो. पालेभाज्या खाल्यामुळे शरीराला कॅल्शियम आणि इतर विटामिन मिळतात. याशिवाय या भाज्यांच्या सेवनामुळे शरीरातील हिमग्लोबीन आणि रक्ताची कमतरता दूर होते. मात्र अनेकांना पालेभाज्या खायला आवडतं नाही. पालेभाज्या पाहिल्यानंतर अनेक मुलं नाक मुरडतात. त्यातील अनेकांना न आवडणारी भाजी म्हणजे पालक. पालकची भाजी पाहिल्यानंतर जेवण जेवण्याची इच्छा होत नाही. मात्र या भाजीमध्ये भरपूर पोषक घटक आढळून येतात. त्यामुळे आज आम्ही तुम्हाला ताकातील आंबटगोड पालकची भाजी बनवण्याची सोपी रेसिपी सांगणार आहोत. या पद्धतीने पालकची भाजी बनवण्यास पालक न आवडणारे लोकसुद्धा आवडीने खातील. जाणून घ्या रेसिपी.(फोटो सौजन्य – iStock)

डब्यासाठी गावरान पद्धतीमध्ये बनवा चविष्ट भरलेली ढोबळी मिरची, झटपट तयार होईल सोपा पदार्थ

साहित्य:

• पालक
• ताक
• हिंग
• लसूण
• मीठ
• लाल सुकी मिरची
• तूप
• शेंगदाणे
• जिरं
• चणाडाळ
• मेथीचे दाणे
• कढीपत्ता

गोड पदार्थ खाण्याची इच्छा झाली आहे? मग सोप्या पध्तीने बनवा पारंपरिक पाकातल्या पुऱ्या, नोट करा रेसिपी

कृती:

• ताकातील आंबटगोड पालक बनवण्यासाठी सर्वप्रथम, पालक स्वच्छ साफ करून तीन वेळा पाण्याने धुवून नंतर बारीक चिरून घ्या.
• भांड्यात ताक घेऊन बेसन टाकून व्यवस्थित मिक्स करा. त्यात गुठळ्या राहणार नाहीत याची खात्री करून घ्यावी.
• कढई गरम करून त्यात तूप टाका. नंतर जिरं, हिंग आणि कढीपत्ता, लाल सुक्या मिरच्या घालून भाजून घ्या.
• नंतर त्यात चणाडाळ, शेंगदाणे टाकून व्यवस्थित भाजा. सर्व साहित्य मिक्स करून झाल्यानंतर त्यात बारीक चिरून घेतलेला पालक टाकून शिजवून घ्या.
• पालक शिजल्यानंतर त्यात हळूहळू बेसनचे ताक ओतून मिक्स करा. ताक टाकून मिक्स करून झाल्यानंतर भाजीला उकळी येण्यासाठी ठेवा.
• उकळी आल्यानंतर त्यात चवीनुसार मीठ टाकून पुन्हा एकदा मिक्स करा.
• फोडणीच्या भांड्यात तूप गरम करून त्यात लसूण पाकळ्या, लाल मिरची, हळद घालून मिक्स करा आणि तयार केलेली फोडणी भाजीमध्ये टाका.
• तयार आहे सोप्या पद्धतीमध्ये बनवलेले ताकातील आंबटगोड पालक.

Web Title: How to make spinach buttermilk bhaji at home traditional marathi palak recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com