लहान मुलांसाठी सोप्या पद्धतीमध्ये बनवा आंबटगोड चिंचेच्या गोळ्या, पदार्थ पाहून लहान मुलं होतील खुश

चवीला आंबटगोड असलेली चिंच खायला सगळ्यांचं खूप आवडते. म्हणूनच आज आम्ही तुम्हाला सोप्या पद्धतीमध्ये चिंच गोळ्या बनवण्याची सोपी रेसिपी सांगणार आहोत. या गोळ्या लगेच तयार होतील.

लहान मुलांसाठी सोप्या पद्धतीमध्ये बनवा आंबटगोड चिंचेच्या गोळ्या

Follow Us:

Follow Us:

लहान मुलांसह मोठ्यांना आंबटगोड चिंच खायला खूप आवडतात. चिंचेचे नाव ऐकल्यानंतर अनेकांच्या तोंडाला पाणी सुटते. लहानपणी शाळेच्या बाहेर किंवा छोट्या मोठ्या दुकानांमध्ये चिंच किंवा चिंचेचे गोळ्या विकत मिळायच्या. या गोळ्या चवीला अतिशय सुंदर आणि आंबटगोड होत्या. मात्र हल्ली बदलेल्या जीवनशैलीमुळे आणि आहारातील पद्धतींमुळे अनेक गोष्टींबद्दल झाले आहेत. पूर्वीच्या कोणत्याही वस्तू दुकानांमध्ये पाहायला मिळत नाही. म्हणूनच आज आम्ही तुम्हाला लहान मुलांसाठी आंबटगोड चिंचेच्या गोळ्या कशा बनवाव्या याची सोपी रेसिपी सांगणार आहोत. या गोळ्या लहान मुलं आवडीने खातील. चिंच थेट खाल्यास घसा किंवा आरोग्यासंबंधित समस्या उद्भवण्याची शक्यता असते. त्यामुळे कोणत्याही वेळी चिंच खाण्याची इच्छा झाल्यास तुम्ही या पद्धतीमध्ये आंबटगोड चिंच गोळ्या बनवू शकता. चला तर जाणून घेऊया चिंच गोळ्या बनवण्याची सोपी रेसिपी.(फोटो सौजन्य – iStock)

संध्याकाळच्या वेळी भूक लागल्यानंतर काय खावं सुचत नाही? सोप्या पद्धतीमध्ये घरी बनवा फळांची चवदार भेळ

साहित्य:

• चिंच
• जिऱ्याची पावडर
• मीठ
• पिठीसाखर
• तूप
• लाल तिखट
• पाणी

कृती:

• चिंच गोळ्या बनवण्यासाठी सर्वप्रथम, चिंचेमधील बिया काढून घ्या. त्यानंतर मोठ्या वाटीमध्ये चिंच घेऊन त्यात गरम पाणी घालून भिजत ठेवा.
• त्यानंतर मिक्सरच्या भांड्यात भिजवलेली चिंच टाकून बारीक पेस्ट तयार करा. तयार केलेली पेस्ट गाळून घ्या.
• मोठ्या पॅनमध्ये तूप गरम करून त्यात किसून घेतलेला गूळ टाकून पूर्णपणे वितळवून घ्या.
• गूळ व्यवस्थित शिजल्यानंतर त्यात चिंच पेस्ट टाकून मिक्स करा. चिंच घट्टसर झाल्यानंतर त्यात जिऱ्याची पावडर, लाल तिखट आणि चवीनुसार मीठ टाकून मिक्स करा.
• चिंचेचे मिश्रण थंड झाल्यानंतर हाताला तूप लावून छोट्या छोट्या गोळ्या बनवा आणि पिठीसाखरमध्ये टाकून घोळवून घ्या.
• तयार आहेत सोप्या पद्धतीमध्ये बनवलेल्या चिंच गोळ्या.

Web Title: How to make tamarind candy at home imli candy recipe at home simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com