Recipe : जेवणाची चव वाढवा, पारंपारिक पद्धतीत घरी बनवा कुरकुरीत ‘अळूवडी’, रेसिपी नोट करा

Alu Vadi Recipe : अळूवडी खायला कुणाला आवडत नाही? कोणथ्या सणसमारंभात किंवा खास प्रसंगी मराठी घरात कुरकुरीत अळूवडी नक्की बनवली जाते. पांरपारिक रेसिपीची मदत घेऊन तुम्ही घरीच या पदार्थाला तयार करु शकता.

(फोटो सौजन्य: Pinterest)

Follow Us:

Follow Us:

• अळूवडी हा महाराष्ट्राचा पारंपारिक पदार्थ आहे.
• अळूच्या पानांत बेसणाचे सारण भरून ही वडी तयार केली जाते.
• खास प्रसंगी तुम्ही घरी ही रेसिपी ट्राय करु शकता.

Monsoon Special : पावसाळ्यात खेकडा भजी ट्राय केलात की नाही? आजच नोट करा रेसिपी

साहित्य

• 8 ते 10 अळूची मोठी पाने
• 2 कप बेसन
• 2 टेबलस्पून तांदळाचे पीठ
• 1 टेबलस्पून चिंचेचा कोळ
• 2 टेबलस्पून किसलेला गूळ
• 1 टीस्पून लाल तिखट
• ½ टीस्पून हळद
• 1 टीस्पून धणे-जिरे पूड
• 1 टीस्पून गरम मसाला
• 1 टीस्पून तीळ
• चवीनुसार मीठ
• आवश्यकतेनुसार पाणी

• 2 टेबलस्पून तेल
• 1 टीस्पून मोहरी
• 1 टीस्पून तीळ
• चिमूटभर हिंग
• 8 ते 10 कढीपत्त्याची पाने
• किसलेले खोबरे आणि चिरलेली कोथिंबीर सजावटीसाठी

कृती

• अळूची पाने स्वच्छ धुवून कोरडी करा. पानांवरील जाड शिरा सुरीच्या मदतीने हलक्या हाताने काढून पाने सपाट करून घ्या.
• एका भांड्यात बेसन, तांदळाचे पीठ, लाल तिखट, हळद, धणे-जिरे पूड, गरम मसाला, तीळ, मीठ, चिंचेचा कोळ आणि गूळ घाला. थोडे-थोडे पाणी घालून घट्ट, गुळगुळीत मिश्रण तयार करा.
• एक मोठे पान पसरवून त्यावर बेसनाचे मिश्रण समान पसरवा. त्यावर दुसरे पान ठेवून पुन्हा मिश्रण लावा. अशाच प्रकारे 3 ते 4 पानांचे थर तयार करा.
• दोन्ही बाजू आत दुमडून घट्ट सुरळी तयार करा. उरलेल्या पानांपासूनही याच पद्धतीने सुरळ्या तयार करा.
• सुरळ्या वाफेवर 20 ते 25 मिनिटे शिजवा. पूर्णपणे शिजल्यानंतर त्या थंड होऊ द्या आणि नंतर समान आकाराचे काप करा.
• कढईत तेल गरम करून त्यात मोहरी, हिंग, तीळ आणि कढीपत्ता घाला. त्यात अळूवडीचे काप घालून दोन्ही
• बाजूंनी हलके सोनेरी आणि खरपूस होईपर्यंत परता.
• तयार आळूवडीवर किसलेले खोबरे आणि चिरलेली कोथिंबीर भुरभुरवा. गरमागरम आळूवडी चटणी, टोमॅटो सॉस किंवा चहासोबत सर्व्ह करा.

Web Title: Make traditional maharashtrian style alu vadi recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com