Monsoon Special : पावसाळ्यात खेकडा भजी ट्राय केलात की नाही? आजच नोट करा रेसिपी

Khekda Bhaji Recipe : खेकडा भजी हे खेकड्यापासून नाही तर कांद्यापासून तयार केले जातात. काही निवडक मसाले आणि कुरकुरीतपणामुळे यांची चव फार अप्रतिम लागते. पावसाळ्यात खेकडा भजी आवर्जून खाल्ले जातात.

(फोटो सौजन्य: Pinterest)

Follow Us:

Follow Us:

• खेकडा भजी पावसाळ्यात सर्वाधिक बनवली जाणारी डिश आहे.
• संध्याकाळच्या नाश्त्यासाठी ही एक परफेक्ट रेसिपी ठरते.
• तुम्ही फार कमी वेळेत ही रेसिपी तयार करु शकता.

Ashadhi Ekadashi 2026: आषाढीचा उपवास करताय? मग अशाप्रकारे बनवा चटपटीत बटाट्याची उसळ

साहित्य

• ४ मोठे चिरलेले कांदे
• १/२ चमचा मीठ
• १/४ कप बारीक चिरलेली कोथिंबीर
• १ कप बेसन
• १/४ कप तांदळाचे पीठ
• मीठ
• १ चमचा लाल तिखट
• १/२ चमचा हळद
• चिमूटभर ओवा
• ठेचलेले धणे
• चिमूटभर खाण्याचा सोडा
• तळण्यासाठी तेल

कृती

• यासाठी सर्वप्रथम कांद्याची साल आणि देठ काढून कांदा धुवून घ्या.
• आता कांद्याला मधून कापून त्याचे दोन तुकडे करा आणि मग एकदम अर्धगोलात त्याचे बारीक स्लाईस करुन घ्या.
• कांद्याचे लांब, पातळ काप करा आणि एका वाडग्यात काढून ठेवा.
• आता यात मीठ घालून मिक्स करा आणि काही मिनिटे बाजूला ठेवून द्या. यामुळे कांद्याला पाणी सुटू लागते.
• साधारण ५ मिनिटांनंतर यात चिरलेली कोथिंबीर, हिरव्या मिरच्या, भरड ठेचलेले धणे, लाल तिखट, हळद, ओवा,
• बेसनाचे पीठ आणि तांदळाचे मीठ घालून सर्व साहित्य एकत्र करा.
• आता थोड थोड पाणी घालून एक मिश्रण तयार करा. लक्षात ठेवा, हे मिश्रण फार पातळ असायला नको.
• दुसरीकडे गॅसवर एक कढई ठेवून त्यात तेल गरम करायला ठेवा.
• तेल तापले की मध्यम आचेवर हाताने तेलात भजी सोडा.
• भजी छान सोनेरी रंगाचे आणि कुरकरीत होईपर्यंत त्यांना छान तळून घ्या.
• लक्षात ठेवा मिश्रणाचा गोळा करुन तुम्हाला तो तेलात टाकायचा नाहीये तर हाताने काही मिश्रण घेऊन डायरेक्ट ते तेलात सोडायचे आहे.
• शेवटी भजी चांगले तळले गेले की त्यांना एका प्लेटीत काढून घ्या.
• पुदिन्याची चटणी आणि टोमॅचो साॅससोबत यांची चव आणखी छान लागेल.

Web Title: Monsoon special make tasty and crispy khekda bhaji at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com