कडुलिंब आणि वाटीभर तुपाचा वापर करून १० मिनिटांमध्ये घरीच तयार करा औषधी काजळ, डोळ्यांना मिळेल थंडावा

डोळ्यांचे सौंदर्य वाढवण्यासाठी बाजारात उपलब्ध असलेले केमिकलयुक्त काजळ वापरण्याऐवजी घरगुती पदार्थांचा वापर करून काजळ तयार करावे. यामुळे डोळ्यांचे आरोग्य चांगले राहील आणि डोळे सुंदर दिसतील.

कडुलिंब आणि वाटीभर तुपाचा वापर करून १० मिनिटांमध्ये घरीच तयार करा औषधी काजळ

Follow Us:

Follow Us:

सर्वच महिला डोळे सुंदर आणि आकर्षक दिसण्यासाठी डोळ्यांना काजळ, आयलायनर किंवा मस्कारा लावतात. यामुळे डोळ्यांच्या सौंदर्यात वाढ होते. डोळ्यांच्या कडांवर काळ्या गडद रंगाचे काजळ लावल्यामुळे डोळे अतिशय सुंदर आणि उठावदार दिसू लागतात. काही महिला मेकअप केल्यानंतर दररोज न विसरता काजळ लावून कामानिमित्त बाहेर जातात. पण बऱ्याचदा बाजारातील हानिकारक केमिकलयुक्त रासायनिक काजळामुळे डोळ्यांचे सौंदर्य खराब होण्याची शक्यता असते. डोळ्यांचे इन्फेशन, डोळ्यांमधून सतत पाणी येणे किंवा डोळे लाल होण्याची जास्त शक्यता असते. त्यामुळे डोळ्यांच्या आरोग्याची जास्त काळजी घ्यावी. डोळ्यांसाठी कोणत्याही चुकीच्या प्रॉडक्टचा वापर करू नये. बाजारात अनेक वेगवेगळ्या ब्रँडचे काजळ उपलब्ध आहेत. पण यामध्ये असलेल्या रसायनामुळे डोळे अतिशय खराब होऊन जातात.(फोटो सौजन्य – pinterest)

त्वचेवर आलेले डाग दूर करण्यासाठी स्वयंपाक घरातील ‘या’ दोन पदार्थांचा करा वापर; काही दिवसांतच चेहऱ्यावर येईल निखार

काहींना नियमित काजळ लावण्याची सवय असते. अशावेळी बाजारात उपलब्ध असलेले हानिकारक केमिकलयुक्त काजळ लावण्याऐवजी घरगुती पदार्थांचा वापर करून काजळ तयार करावे. आज आम्ही तुम्हाला कडुलिंब आणि तुपाचा वापर करून १० मिनिटांमध्ये काजळ तयार करण्याची कृती सांगणार आहोत. या पद्धतीने बनवलेले काजळ दीर्घकाळ डोळ्यांवर टिकून राहील. याशिवाय डोळे सुंदर आणि उठावदार दिसतील. कडुलिंबाच्या पानांत असलेले अँटीसेप्टिक, अँटीबॅक्टेरियल गुणधर्म डोळ्यांना थंडावा देतात. चला तर जाणून घेऊया काजळ बनवण्याची सोपी कृती.

काजळ बनवण्याची सोपी रेसिपी:

साहित्य:

• कडुलिंबाची पाने
• कापसाची अरुंद पट्टी
• खोबरेल तेल
• साजूक तूप

कृती:

• कडुलिंबाच्या पानांचा वापर करून काजळ बनवण्यासाठी सर्वप्रथम, कापसाची लांबलचक पटी घेऊन ताटात पसरवून घ्यावी.
• त्यानंतर त्यावर एक एक करून कडुलिंबाची पाने ठेवून व्यवस्थित गुंडाळून घ्या.
• तयार केलेला कापसाचा रोल मध्यभागी कापून घ्या. त्यानंतर हाताने दाब देत वाती तयार करा. वाती तयार करताना कापूस जास्त हातावर घासू नये.
• त्यानंतर मातीच्या दिव्यात तयार केलेल्या वाती ठेवून चमचाभर साजूक तूप टाकून त्यानंतर दिव्याच्या बाजूला दोन भांडी ठेवून त्यावर एक भांडे उलटे ठेवून घ्या.

खरंच तेल मालिश शरीरावरील स्ट्रेच मार्क्सची करेल सुट्टी? ‘हा’ आहे रामबाण उपाय

• तयार केलेल्या वाती पेटवून काजळी भांड्यात जमा होईल. तयार झालेली काजळी खरवडून काढल्यानंतर काजळ एक डबीमध्ये भरून घ्या.
• त्यानंतर त्यात २ थेंब खोबरेल तेल टाकून मिक्स करा. तयार करून घेतलेले काजळ व्यवस्थित डब्यात भरून ठेवा

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Prepare medicated kajal at home in ten minutes using neem and a bowl of ghee

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com