Summer Special : तुम्ही कधी मँगो पुलाव खाल्ला आहे का? सीजन संपण्याआधी एकदा घरी नक्की ट्राय करा

Mango Rice Recipe : आंब्यापासून आईस्क्रिम, ज्यूस, शेक असे अनेक पदार्थ बनवून तुम्ही खाल्ले असतील पण आंब्याचा पुलाव ही रेसिपी अनेकांना माहिती नाही. चवीला हा हलका गोड लागतो आणि उन्हाळ्यात खास करुन बनवला जातो.

(फोटो सौजन्य: Pinterest)

Follow Us:

Follow Us:

• आंबा अनेकांना खायला आवडतो.
• तुम्ही कधी आंब्याचा पुलाव ट्राय केला आहे का?
• हा पुलाव चवीला फार अप्रतिम लागतो.

अधिक महिन्यात जावयाला वाण म्हणून देण्यासाठी सोप्या पद्धतीमध्ये बनवा शाही रोझ पिस्ता बर्फी, नोट करा रेसिपी

साहित्य

• १ कप बासमती तांदूळ
• १ ½ कप पिकलेल्या आंब्याचे तुकडे
• २ मोठे चमचे आंब्याचा गर
• २ मोठे चमचे तूप
• १० काजू
• १० बदाम (बारीक कापलेले)
• १ मोठा चमचा मनुका
• ३ हिरव्या वेलची
• केशराचे काही धागे (कोमट दुधात भिजवलेले)
• २ मोठे चमचे गूळ पावडर किंवा साखर (ऑप्शनल)
• २ कप पाणी

कृती

• बासमती तांदूळ स्वच्छ धुऊन काही वेळ पाण्यात भिजत ठेवा. त्यानंतर तांदूळ शिजवून घ्या.
• तांदळाचे दाणे मोकळे राहतील याची काळजी घ्या आणि शिजलेला भात थंड होऊ द्या.
• एका पॅनमध्ये तूप गरम करून त्यात काजू, बदाम आणि मनुका हलके सोनेरी रंग येईपर्यंत भाजून घ्या.
• आता त्यात वेलची आणि केशर मिसळलेले दूध घाला. काही सेकंद हलवत शिजवा, जेणेकरून सुगंध छान खुलून येईल.
• यानंतर आंब्याचा गर आणि गूळ पावडर किंवा साखर घालून मंद आचेवर थोडावेळ शिजवा.
• तयार मिश्रणात शिजवलेला भात आणि आंब्याचे तुकडे घाला. भाताचे दाणे तुटणार नाहीत याची काळजी घेत
• हलक्या हाताने सर्व साहित्य एकत्र करा.
• शेवटी भाजलेला सुका मेवा वरून पसरवा आणि काही मिनिटे झाकून ठेवा, जेणेकरून सर्व चव एकमेकांत छान मुरेल.
• गरम किंवा कोमट आंबा पुलाव सर्व्ह करा आणि उन्हाळ्यातील या खास स्वादाचा आनंद घ्या.

Web Title: Summer special make tasty mango pulao at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com