Recipe : फ्यूजन डिशने वाढवा संध्याकाळच्या नाश्त्याची रंगत, घरी बनवा ‘स्मॅश्ड आलू टिक्की टॅको’, लहान मुले होतील खुश

Smashed Aloo Tikki Taco Recipe : मागील काही काळापासून सोशल मिडियावर स्मॅश्ड आलू टिक्की टॅको ही रेसिपी फार ट्रेंड करत आहे. स्ट्रीट फूड लव्हर्स असाल तर आजची ही रेसिपी तुम्हाला नक्कीच आवडेल. ही एक इंडियन फ्यूजन डिश आहे जी संध्याकाळच्या नाश्त्यासाठी किंवा टीफिनसाठी तयार केली जाऊ शकते.

(फोटो सौजन्य: Pinterest)

Follow Us:

Follow Us:

• टॅको हा पाश्चात्य पदार्थ आहे तर आलू टिक्की हा देसी भारतीय पदार्थ आहे.
• दोन्ही पदार्थांच्या मिश्रणाने आपण एक हटके पदार्थ आज तयार करणार आहोत.
• याची चव तुम्हाला नक्कीच आवडेल, पार्टी स्नॅक्ससाठीही तुम्ही हा पदार्थ घरी बनवू शकता.

Recipe : फणसाचं चटकदार लोणचं तुम्ही कधी खाल्लं आहे का? एकदाच बनवा आणि वर्षभर याचा आनंद लुटा

साहित्य

आलू टिक्कीसाठी:

• 4 उकडलेले बटाटे
• 2 टेबलस्पून कॉर्नफ्लोअर
• 1 टीस्पून लाल तिखट
• ½ टीस्पून गरम मसाला
• ½ टीस्पून चाट मसाला
• चवीनुसार मीठ
• 2 टेबलस्पून बारीक चिरलेली कोथिंबीर

• 2 चपाती
• 1 कप बारीक चिरलेला कोबी
• 1 छोटा कांदा (बारीक चिरलेला)
• 1 टोमॅटो (बिया काढून चिरलेला)
• 2 टेबलस्पून मेयोनीज
• 1 टेबलस्पून टोमॅटो सॉस
• 1 टेबलस्पून हिरवी चटणी
• किसलेले चीज

कृती

• यासाठी सर्वप्रथम एका भांड्यात उकडलेले बटाटे मॅश करा.
• त्यात कॉर्नफ्लोअर, लाल तिखट, गरम मसाला, चाट मसाला, मीठ आणि कोथिंबीर घालून मिश्रण एकजीव करा.
• या मिश्रणाचे मध्यम आकाराचे गोळे बनवा.
• कढईत तेल गरम करुन तयार टिक्की तेलात छान क्रिस्पी होईपर्यंत तळा.
• आता एक चपाती घेऊन त्याच्या मधोमध तयार टिक्की ठेवा.
• टिक्कीवर कोबी, कांदा आणि टोमॅटो घाला.
• मग यावर मेयोनीज, हिरवी चटणी आणि टोमॅटो सॉस, किसलेले चीज टाका.
• शेवटी चपातीला दुमडून याला टॅकोचा आकार द्या.
• आता हा तयार देसी टॅको गरम तव्यावर थोडा कुरकुरीत होईपर्यंत हलका भाजून घ्या आणि मग खाण्यासाठी सर्व्ह करा.
• या टॅकोसोबत पुदिना चटणी, स्पायसी मेयो किंवा चीज डिप दिल्यास चव आणखी वाढते.

Web Title: Viral smashed aloo tikki tacos recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com