दिवसभर टिकून राहील शरीरात ऊर्जा! १० मिनिटांमध्ये झटपट बनवा चविष्ट सोयाबीन खिमा, शाहाकारी लोकांसाठी उत्तम पर्याय

आज आम्ही तुम्हाला सोप्या पद्धतीमध्ये सोयाबीन खिमा बनवण्याची रेसिपी सांगणार आहोत. हा पदार्थ कमीत कमी साहित्यात झटपट तयार होतो आणि शरीरासाठी सुद्धा खूप जास्त फायदेशीर आहे.

१० मिनिटांमध्ये झटपट बनवा चविष्ट सोयाबीन खिमा

Follow Us:

Follow Us:

सकाळच्या नाश्त्यापासून ते अगदी रात्रीच्या जेवणापर्यंत नेमके काय पदार्थ बनवावे? असा प्रश्न सर्वच महिलांना कायम पडतो. नाश्त्यात कांदापोहे, उपमा, शिरा किंवा साऊथ इंडियन पदार्थ खाऊन कंटाळा आल्यानंतर काहींना काही नवीन खाण्याची सगळ्यांचं इच्छा होते. अशावेळी विकतचे पदार्थ आणून खाण्यापेक्षा घरी बनवलेला सोयाबीन खिमा अतिशय उत्तम पर्याय आहे. प्रत्येक स्वयंपाक घरात सोयाबीन कायमच उपलब्ध असतात. सोयाबीनपासून विविध पदार्थ बनवले जातात. सोयाबीनमध्ये प्रथिने, फायबर, लोह, कॅल्शियम आणि इतर अनेक महत्त्वाचे पोषक घटक मोठ्या प्रमाणावर आढळून येतात. वाढलेले वजन नियंत्रणात ठेवण्यासाठी सोयाबीनपासून बनवलेले पदार्थ अतिशय आवडीने खाल्ले जातात. याशिवाय सोयाबीनच्या खिम्यापासून पराठ्याचे सारण, कटलेट, सँडविच, पुलाव, रोल इत्यादी वेगवेगळे पदार्थ बनवू शकता. योग्य मसाले आणि पौष्टिक भाज्या टाकून बनवलेला सोयाबीन खिमा चवीला अतिशय सुंदर लागेल. चला तर जाणून घेऊया रेसिपी.(फोटो सौजन्य – istock)

जेवणात हलका आणि पौष्टिक पदार्थ हवा आहे? मग झटपट बनवा चविष्ट पालक राईस, कायमच राहील जिभेवर चव

साहित्य:

• सोयाबीन
• पाणी
• दही
• कोथिंबीर
• लाल तिखट
• हळद
• गरम मसाला
• तेल
• आलं लसूण पेस्ट
• कांदा
• टोमॅटो
• लिंबाचा रस

कृती:

• सोयाबीन खिमा बनवण्यासाठी सर्वप्रथम, टोपात पाणी घेऊन त्यात सोयाबीन घालून २ ते ३ तासांसाठी भिजत ठेवा किंवा जास्त वेळ नसल्यास गरम पाण्यात टाकल्यास सोयाबीन लगेच भिजले जातील.
• मिक्सरच्या भांड्यात भिजवलेले सोयाबीन घालून जाडसर बारीक वाटून घ्या. जास्त पातळ किंवा बारीक पेस्ट करू नये.
• वाटीमध्ये बारीक केलेला सोयाबीन, दही, कोथिंबीर, लाल तिखट, हळद, गरम मसाला, चवीनुसार मीठ, आलं लसूण पेस्ट घालून व्यवस्थित मिक्स करा.
• कढईमध्ये तेल गरम करून त्यात हिंग, बारीक चिरून घेतलेला कांदा, टोमॅटो घालून लालसर मऊ होईपर्यंत शिजवून घ्या.
• कांदा टोमॅटो शिजल्यानंतर तयार केलेले मिश्रण ओतून मंद आचेवर शिजण्यासाठी ठेवा. सोयाबीन लगेच शिजतात. त्यामुळे जास्त पाणी घालू नये.
• सर्व साहित्य व्यवस्थित मिक्स करून झाल्यानंतर त्यात बारीक चिरून घेतलेली कोथिंबीर आणि लिंबाचा रस घालून मिक्स करा.
• तयार आहे झटपट बनवलेला सोयाबीन खिमा. हा पदार्थ तुम्ही नुसताच सुद्धा खाऊ शकता.

Web Title: How to make soybean kheema at home simple food recipe soybean kheema recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com