आयुष्मान भारत जनआरोग्य योजना ठरली वरदान! संभाजीनगर जिल्ह्यात ८० हजार शस्त्रक्रिया पूर्ण, ‘इतक्या’ रुग्णांनी घेतला थेट लाभ

Mahatma Phule Jan Arogya Yojana: सन २०२४-२५ या वर्षात छत्रपती संभाजीनगर जिल्ह्याने या योजनेत मोठी कामगिरी केली आहे. जिल्ह्यातील ३९ हजार २९६ रुग्णांवर ८० हजार ३०० उपचार आणि शस्त्रक्रिया पूर्ण करण्यात आल्या आहेत.

आयुष्मान भारत जनआरोग्य योजना ठरली वरदान! (Photo Credit - X)

Follow Us:

Follow Us:

• ऐतिहासिक कामगिरी!
• जिल्ह्यात ‘आयुष्मान भारत’ योजनेतून तब्बल ८०,३०० शस्त्रक्रिया पूर्ण
• ३९ हजार रुग्णांना मिळाला मोफत उपचारांचा लाभ

महात्मा फुले जन आरोग्य योजनेसोबत एकत्रित अंमलबजावणी

महाराष्ट्रामध्ये ही योजना राज्य शासनाच्या महात्मा ज्योतिराव फुले जन आरोग्य योजनेसोबत (MJPJAY) एकत्रितपणे राबवली जाते. या एकत्रित योजनेमुळे राज्यातील सर्व शिधापत्रिकाधारक कुटुंबांना, तसेच सर्व शासकीय, निमशासकीय, कंत्राटी कर्मचारी व त्यांच्या कुटुंबियांनाही उपचारांचा लाभ मिळतो. यामुळे सर्वसामान्य आणि गरीब कुटुंबांना मोठी वैद्यकीय मदत मिळत आहे.

ई-कार्ड वितरणात जिल्ह्याची प्रगती

शासनाच्या प्रयत्नांमुळे या आरोग्य योजनेअंतर्गत ई-कार्ड वितरणात छत्रपती संभाजीनगर जिल्ह्याने मोठी प्रगती केली असल्याचा दावा आरोग्य विभागाने केला आहे.

• एकूण लाभार्थी संख्या: जिल्ह्यातील एकत्रित लाभार्थी संख्या ३४.३५ लाख आहे.
• तयार झालेले ई-कार्ड: आतापर्यंत १०.४५ लाख ई-कार्ड तयार झाले आहेत.

योजनेतील मोफत उपचार मिळवण्यासाठी प्रत्येक लाभार्थ्याकडे आयुष्मान ई-कार्ड असणे आवश्यक आहे.

हे देखील वाचा: Chhatrapati Sambhajinagar News:’आरक्षण ५०% पेक्षा जास्त; सुप्रीम कोर्टात अंतिम लढत’; इच्छुकांची धडधड वाढली

ई-कार्ड बनवण्यासाठी आवश्यक कागदपत्रे आणि प्रक्रिया

जिल्ह्यातील नागरिकांनी आपले आयुष्मान ई-कार्ड तयार करून या योजनेचा लाभ घ्यावा, असे आवाहन जिल्हाधिकारी दिलीप स्वामी, जिल्हा परिषद मुख्य कार्यकारी अधिकारी अंकित, आरोग्य सेवा उपसंचालक डॉ. कांचन वानोरे आदींनी केले आहे.

ई-कार्ड बनवण्यासाठी आवश्यक:

• आधार कार्ड आणि आधार संलग्नित मोबाईल नंबर.
• १२ अंकी ऑनलाईन रेशन कार्ड क्रमांक (PM-JAY).
• कुटुंबातील सर्व सदस्यांचे आधार लिंकिंग पूर्ण असणे आवश्यक आहे.

ई-कार्ड बनवण्याचे ठिकाण: जिल्ह्यातील नागरिक आशा स्वयंसेविका, प्राथमिक आरोग्य केंद्र, सीएससी केंद्रे (CSC Centres), आपले सरकार सेवा केंद्र, स्वस्त धान्य दुकानदार यांच्या माध्यमातून किंवा ॲपद्वारे स्वतःच बेनिफिशिअरी लॉगिन करून ओटीपीच्या मदतीने ई-कार्ड तयार करू शकतात.

जिल्ह्यातील शस्त्रक्रियांची आकडेवारी

• अंगीकृत रुग्णालये: जिल्ह्यातील १०५ रुग्णालये (१९ शासकीय व ८६ खाजगी) या योजनेअंतर्गत अंगीकृत आहेत.
• पूर्ण झालेल्या शस्त्रक्रिया: २०२४-२५ या वर्षात ८०,३०० उपचार/शस्त्रक्रिया पूर्ण.
• मंजूर निधी: याकरिता ₹२४०.८३ कोटी मंजूर

हे देखील वाचा: Chhatrapati Sambhajinagar Crime: मोठी कारवाई! संभाजीनगरमध्ये ६१ ग्रॅम एमडीसह तिघांना अटक; तर ‘इतक्या’ लाखाचा ऐवज जप्त

Web Title: Ayushman bharat jan arogya yojana has been a boon 80 thousand surgeries completed in sambhajinagar district

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com