आजच्या Live अपडेट एका क्लिकवर
13 Apr 2026 11:45 AM (IST)
एका पती-पत्नीच्या खाजगी वादारे रुपांतर जाहीर तमाशामध्ये झाले आहे. वाद सुरु असताना महिलेने असे काही केले आहे पाहून आसपासचे सर्वजण हादरले आहेत. ही घटना उत्तर प्रदेशच्या बुलंदशरह येथे घडली आहे. व्हायरल होत असलेल्या व्हिडिओत तुम्ही पाहू शकता की महिला पतीच्या दुचाकीवर दगडफेल करताना दिसत आहे. महिला अतिशय संतापलेली असून तिने दुचाकीचे तुकडे केले आहेत. मिळालेल्या माहितीनुसार, जोडपे प्रवासासाठी निघाले होते. यावेळी कोणत्यातरी मुद्द्यावरुन त्यांच्यात वाद सुरु झाला. हा वाद एवढा वाढला की पत्नीने थेट रस्त्याच्या मधोमध गाडी थांबलली. दोघांमध्ये जोरदार शाब्दिक वाद सुरु होता. पतीने अचानक दुचाकी तिथेच सोडली आणि तो निघून गेला. यानंतर महिलेने संतापून पत्नीच्या गाडीवर दगडफेकण्यास सुरुवात केली.
13 Apr 2026 11:35 AM (IST)
दिल्लीतील लाल किल्ला हा भारताच्या समृद्ध इतिहासाचा एक साक्षीदार मानला जातो. लाल किल्ल्याने मुघलशाहीपासून स्वतंत्र भारताचा इतिहास पाहिला आहे. शाहजहान याने इ.स. 1638 मध्ये या किल्ल्याच्या बांधकामास सुरुवात केली होती. सुमारे 10 वर्षांच्या कालावधीत उभारण्यात आलेल्या या भव्य किल्ल्याचे काम इ.स. 1648 मध्ये पूर्ण झाले. लाल वाळूच्या दगडांपासून तयार झाल्यामुळे याला ‘लाल किल्ला’ हे नाव देण्यात आले.
13 Apr 2026 11:30 AM (IST)
पंढरपुरात ॲसिड हल्ल्याचा दावा खोटा ठरला. तरुणीने घरगुती वादातून स्वतःवरच टॉयलेट क्लिनर ओतून बनाव रचल्याचे पोलिस तपासात उघड झाले. सीसीटीव्ही व चौकशीतून सत्य समोर आले असून तिने कबुली दिली.
13 Apr 2026 11:25 AM (IST)
इंडियन प्रीमियर लीग संघ राजस्थान रॉयल्सचे व्यवस्थापक रुमी भिंदर यांची बीसीसीआयच्या भ्रष्टाचारविरोधी आणि सुरक्षा युनिट (ACSU) कडून चौकशी सुरू आहे. गुवाहाटी येथे शुक्रवारी रॉयल चॅलेंजर्स बंगळूरविरुद्ध झालेल्या सामन्यादरम्यान डगआऊटमध्ये मोबाईल फोन वापरल्याचा त्यांच्यावर आरोप आहे. या प्रकरणी भिंदर यांना नोटीस बजावण्यात आली आहे. असेही वृत्त आहे की, भिंदर यांनी वैद्यकीय आपत्कालीन परिस्थितीमुळे फोन सोबत बाळगला होता. वास्तविक, त्यांची दोन्ही फुफ्फुसे निकामी झाली होती आणि त्यांना सुमारे एक आठवडा व्हेंटिलेटरवर राहावे लागले होते.
13 Apr 2026 11:15 AM (IST)
पिंपरी-चिंचवडमध्ये पीएचडी विद्यार्थिनीने प्राध्यापकाकडून होत असलेल्या मानसिक छळाला कंटाळून आत्महत्या केली. सुसाइड नोटमधून गैरवर्तन उघड झाले. पोलिसांनी आरोपी गाईडला अटक करून तपास सुरू केला आहे.
13 Apr 2026 11:05 AM (IST)
अमेरिकेचे राष्ट्राध्यक्ष डोनाल्ड ट्रम्प (Donald Trump) पुन्हा एकदा वादाच्या भोवऱ्यात अडकले आहे. ट्रम्प यांनी सोशल मीडियावर एक वादग्रस्त पोस्ट शेअर केली आहे. तसेच कॅथोलिक चर्चेचे प्रमुख पोप लिओ यांच्याबद्दलही त्यांनी वादग्रस्त विधान केले आहे. यामुळे नवा वाद पेटला आहे.
13 Apr 2026 10:53 AM (IST)
सोलापुरातून एक धक्कादायक घटना समोर आली आहे. उद्योग व्यवसायासाठी माहेरहून ५० लाख रुपये आणण्यासाठी विवाहितेचा छळ करण्यात आल्याचे समोर आले आहे. एवढेच नाही तर जीवे मारण्याची धमकी देखील देण्यात आल्याचे समोर आले आहे. हे आरोप पंढरपुरातील प्रतिष्ठित राजकीय कुटुंबावर करण्यात आले आहे. या प्रकरणी पोलीस ठाण्यात तक्रार दाखल करण्यात आली आहे. ही घटना सोलापूर जिल्ह्यातील पंढरपूरची आहे.
13 Apr 2026 10:43 AM (IST)
जागतिक राजकारणातील सर्वात मोठ्या शांतता प्रयत्नाला आज जबरदस्त खिळ बसली आहे. पाकिस्तानची राजधानी इस्लामाबाद येथे ९ आणि १० एप्रिल रोजी पार पडलेली अमेरिका-इराण ‘महावाटाघाटी’ (US-Israel Iran War) बैठक कोणत्याही निष्कर्षाशिवाय संपली आहे. सलग २१ तास चाललेल्या या मॅरेथॉन चर्चेत दोन्ही बाजू कराराच्या अगदी जवळ पोहोचल्या होत्या, असे मानले जात होते. मात्र, रविवारी दोन्ही देशांच्या प्रतिनिधींनी जाहीर केलेल्या विधानांमुळे ही चर्चा केवळ अपयशीच ठरली नाही, तर यामुळे मध्य-पूर्वेत युद्धाची ठिणगी पुन्हा पेटली आहे.
13 Apr 2026 10:33 AM (IST)
एप्रिल महिन्याच्या सुरुवातीसूनच उन्हाळा अधिक वाढला आहे. परिणामी उष्णता वाढत आहे आणि लोकांना गर्मीचा सामना करावा लागत आहे. वाढत्या गर्मीमुळे अनेक लोकांच्या घरांमध्ये एअर कंडिशनर (AC) चा वापर करतात. अनेक लोक घर थंड राहावं यासाठी एसी अगदी कमीत कमी टेंपरेचरवर ठेवतात. मात्र हे योग्य आहे का? एप्रिल महिन्यात वाढत्या गर्मीमध्ये एसीचे टेंपरेचर किती ठेवावे अशा प्रश्न अनेकांच्या मनात असतो. घरही थंड राहील आणि विजेचे बिलही कमी येईल यासाठी एसी किती टेंपरेचरवर ठेवणे योग्य आहे याबाबत जाणून घेऊया.
13 Apr 2026 10:23 AM (IST)
सध्या जागतिक राजकारणात मोठा वाद सुरु आहे. अमेरिका आणि इराण तणाव (US Iran Conflict) वाढतच चालला आहे. तर दुसरीकडे अमेरिका आणि चीनमध्येही तणावाचे वातावरण निर्माण झाले आहे. ट्रम्प यांनी चीनने इराणला लष्करी मदत पुरवल्यास ५०% टॅरिफ लादण्याची धमकी दिली आहे. यामुळे चीनच्या अर्थव्यवस्थेचे कंबरडे मोडण्याची शक्यता आहे. ट्रम्प यांच्या धमकीमुळे जागतिक राजकारणात मोठी खळबळ उडाली आहे.
13 Apr 2026 10:13 AM (IST)
जागतिक राजकारणातील तणाव आता टोकाला पोहोचला आहे. अमेरिकेचे राष्ट्राध्यक्ष डोनाल्ड ट्रम्प यांनी इराणच्या ‘अवज्ञाकारी’ वृत्तीला उत्तर देण्यासाठी एक ऐतिहासिक आणि अत्यंत आक्रमक पाऊल उचलले आहे. अमेरिकेच्या सेंट्रल कमांडने (CENTCOM) अधिकृतपणे जाहीर केले आहे की, सोमवारपासून होर्मुझच्या सामुद्रधुनीची (Strait of Hormuz) पूर्णपणे लष्करी नाकेबंदी केली जाईल. भारतीय वेळेनुसार आज संध्याकाळी ७:३० वाजल्यापासून ही टाळेबंदी लागू होणार असून, यामुळे संपूर्ण जगाच्या ऊर्जा बाजारपेठेत खळबळ उडाली आहे.
13 Apr 2026 10:07 AM (IST)
जागतिक राजकारणातील सर्वात मोठ्या शांतता प्रयत्नाला आज जबरदस्त खिळ बसली आहे. पाकिस्तानची राजधानी इस्लामाबाद येथे ९ आणि १० एप्रिल रोजी पार पडलेली अमेरिका-इराण ‘महावाटाघाटी’ बैठक कोणत्याही निष्कर्षाशिवाय संपली आहे. सलग २१ तास चाललेल्या या मॅरेथॉन चर्चेत दोन्ही बाजू कराराच्या अगदी जवळ पोहोचल्या होत्या, असे मानले जात होते. मात्र, रविवारी दोन्ही देशांच्या प्रतिनिधींनी जाहीर केलेल्या विधानांमुळे ही चर्चा केवळ अपयशीच ठरली नाही, तर यामुळे मध्य-पूर्वेत युद्धाची ठिणगी पुन्हा पेटली आहे. अधिक बातमी वाचण्यासाठी करा क्लिक
13 Apr 2026 10:03 AM (IST)
दुष्काळी भागातही जिद्द, नियोजन आणि योग्य पिकाची निवड असेल तर शेतीतून सोनं पिकवता येतं, याचं प्रेरणादायी उदाहरण बीड जिल्ह्यात समोर आलं आहे. आष्टी तालुक्यातील कडा गावातील शेतकरी शिवाजी सोनवणे आणि गणेश सोनवणे या बंधूंनी पारंपरिक कांदा पिकाला फाटा देत आल्याची शेती करून मोठं यश मिळवलं आहे.
अडीच एकर क्षेत्रात आल्याची लागवड करत त्यांनी तब्बल ४०० क्विंटल उत्पादन घेतलं असून, जवळपास २५ लाख रुपयांचं उत्पन्न मिळवलं आहे. विशेष म्हणजे, पहिल्या वर्षी खर्च जास्त असला तरी पुढील वर्षात तो मोठ्या प्रमाणात कमी होणार असल्याचं त्यांनी सांगितलं आहे. ठिबक सिंचन, जैविक फवारणी आणि योग्य नियोजन यांच्या जोरावर दुष्काळी भागातही हा प्रयोग यशस्वी ठरला आहे. कांद्याला स्थिर भाव मिळत नसल्यामुळे आल्याच्या शेतीकडे वळण्याचा निर्णय त्यांनी घेतला. त्यांच्या या यशामुळे परिसरातील इतर शेतकरीही आता आल्याच्या शेतीकडे वळण्याचा विचार करत आहेत
13 Apr 2026 09:57 AM (IST)
१३ एप्रिल रोजी जागतिक बाजारातील कमकुवत संकेतांच्या पार्श्वभूमीवर भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, घसरणीसह उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-डाउन सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३३० पॉइंट्सच्या सवलतीवर, सुमारे २३,७७१ च्या पातळीवर व्यवहार करत होता. अधिक बातमीसाठी क्लिक करा
13 Apr 2026 09:53 AM (IST)
महामानव डॉक्टर बाबासाहेब आंबेडकर यांच्या जयंतीनिमित्त छत्रपती संभाजीनगरमध्ये काढण्यात येणाऱ्या मिरवणुकीत डीजे वाजवण्याच्या मागणीवरून वातावरण तापले आहे. समन्वय समितीच्या बैठकीत कार्यकर्त्यांनी डीजेला परवानगी द्यावी, अशी ठाम भूमिका मांडली. मात्र प्रशासनाने ही मागणी स्पष्टपणे नाकारली आहे.
पालकमंत्री संजय शिरसाट यांनी जयंतीचा आनंद साजरा करताना इतरांना त्रास होऊ नये, यावर भर दिला. डीजेच्या प्रचंड आवाजामुळे आरोग्यावर विपरीत परिणाम होतो, असे सांगत त्यांनी डीजे बंदीचे समर्थन केले.पोलीस आयुक्त प्रवीण पवार यांनीही मिरवणुकीत डीजेला परवानगी नसल्याचे स्पष्ट केले आहे
खरा मुद्दा मतदारसंघ पुनर्रचना आहे, महिला आरक्षण नाही असे म्हणत सोनिया गांधी यांनी एका लेखाद्वारे सरकारच्या हेतूंवर प्रश्नचिन्ह उपस्थित केले. सोनिया गांधी यांनी म्हटले की, महिला आरक्षणाबाबत कोणताही वाद नाही. ते २०२३ मध्ये मंजूर झाले होते. महिला आरक्षणाची अंमलबजावणी जनगणना आणि मतदारसंघ पुनर्रचनेशी जोडली गेली होती, परंतु विरोधी पक्षांनी त्याला तीव्र विरोध केला. विरोधी पक्षांनी २०२४ च्या लोकसभा निवडणुकीपूर्वी अंमलबजावणीची मागणी केली होती, परंतु सरकारने त्यावेळी ते मान्य केले नाही.
वाचा अधिक बातम्या….
.png "Videos"){kind=small}
