Maharashtra Breaking News Today 05.09.2026
05 Sep 2026 09:30 AM (IST)
Ghatkopar MNS Dahi Handi: राज्यभरात आज दहीहंडीचा मोठा उत्साह असतानाच मुंबई पोलिसांनी घाटकोपर येथील महाराष्ट्र नवनिर्माण सेनेच्या (मनसे) दहीहंडी उत्सवाला मोठा झटका दिला आहे. ऐन उत्सवाच्या आदल्या दिवशी पोलिसांनी या दहीहंडीला परवानगी नाकारली आहे.मनसे नेते गणेश चुक्कल यांच्या पुढाकाराने घाटकोपर येथील अमृतनगरमधील छत्रपती शिवाजी महाराज चौकात या दहीहंडीचे आयोजन करण्यात आले आहे. पोलिसांचा नकार असला तरी गणेश चुक्कल हे दहीहंडी साजरी करण्याच्या निर्णयावर ठाम आहेत.
05 Sep 2026 09:17 AM (IST)
आजचा शनिवारचा दिवस चांगला राहील. शनिवारचा दिवस असल्याने आजचा दिवस शनि ग्रहाला समर्पित राहील. सर्व मूलांकाच्या लोकांवर शनि ग्रहाचा प्रभाव राहील. मूलांक ३ असणाऱ्या लोकांनी कोणतेही निर्णय विचारपूर्वक घ्यावे. आर्थिक स्थिती अनुकूल राहील आणि मूलांक ८ असणाऱ्या लोकांना अपेक्षित यश मिळेल. मूलांक 1 ते 9 असणाऱ्यांसाठी आजचा दिवस कसा राहील जाणून घ्या
आज ५ सप्टेंबर २०२६ रोजी देशभरात डॉ. सर्वपल्ली राधाकृष्णन यांच्या जयंतीनिमित्त शिक्षक दिन मोठ्या उत्साहात साजरा होत आहे. राज्यभरात आज शिक्षक दिन आणि गोकुळाष्टमीचा उत्साह असून दहीहंडी उत्सवाच्या निमित्ताने सर्वत्र गोविंदा पथकांची तयारी पूर्ण झाली आहे.
जळगावमध्ये राष्ट्रवादी काँग्रेसच्या (अजित पवार गट/शरद पवार गट) ११ नगरसेवकांनी शिंदेंच्या शिवसेनेत प्रवेश केल्याने स्थानिक राजकारणात मोठी उलथापालध झाली आहे. भारतीय हवामान विभागाने (IMD) आज मुंबई, दिल्ली, उत्तर प्रदेश आणि बिहारसह देशातील १७ राज्यांमध्ये ५० ते ६० किमी वेगाने वाहणाऱ्या वाऱ्यासह मुसळधार पावसाचा सतर्कतेचा इशारा (Alert) दिला आहे. महिला क्रिकेटमध्ये भारत आणि पाकिस्तान यांच्यातील आगामी सामन्याच्या पार्श्वभूमीवर हेड-टू-हेड रेकॉर्ड आणि रणनीतीची क्रीडा वर्तुळात जोरदार चर्चा रंगली आहे.
.png "Videos"){kind=small}
