Top Marathi News Today Live : राज्यातील 24 नगरपरिषदांसाठी मतदानाला सुरुवात

20 Dec 2025 06:07 PM (IST)

आदित्य ठाकरे यांची भाजपवर टीका

जेथे जेथे भाजपची सत्ता आली, त्या शहरांत प्रगतीचा उलटा प्रवास सुरु झाल्याची टीका शिवसेनेचे नेते आदीत्य ठाकरे यांनी केली. तसेच भाजपमध्ये सगळे भ्रष्टाचारी जात असल्याने इतर पक्ष ‘क्लीन’ झाल्याची टिपण्णीही त्यांनी केली. पुणे दाैऱ्यावर आलेल्या आदित्य ठाकरे यांनी पत्रकार परीषदेत भाजपवर जाेरदार टिका केली. यावेळी संपर्क नेते सचिन आहेर आणि माजी नगरसेवक वसंत माेरे यांनी निवडणुकीच्या पार्श्वभुमीवर भाजपच्या पुण्यातील कारभारावर टिका करणारी ‘चित्रफित’ सादर केली.

20 Dec 2025 05:37 PM (IST)

मुंबईकरांनो पाणी जपून वापरा!

मुंबईतील जी-उत्तर, के-पूर्व आणि एच-पूर्व वॉर्डमधील काही भागात २२ डिसेंबर रोजी सकाळी १०:०० ते २६ डिसेंबर रोजी पहाटे १:०० वाजेपर्यंत ८७ तासांसाठी पाण्याचा दाब कमी केला जाईल. याव्यतिरिक्त, नियमित पाणी पुरवठ्याच्या वेळेत बदल केला जाईल. मेट्रो लाईन ७अ प्रकल्पासाठी २४०० मिमी व्यासाच्या अप्पर वैतरणा मुख्य पाणी पाईपलाईनचे मार्ग बदलल्यानंतर बीएमसी क्रॉस-कनेक्शनचे काम करत आहे.

20 Dec 2025 05:17 PM (IST)

बुलढाण्यात मतमोजणी केंद्रात मोबाईल, डिजिटल वॉच यासह इतर इलेक्ट्रॉनिक वस्तू घेऊन जाण्यास बंदी

बुलढाणा जिल्ह्यातील 11 नगरपरिषदेसाठी झालेल्या मतदानानंतर 21 डिसेंबर रोजी मतमोजणी प्रक्रिया पार पडणार आहे, यासाठी निवडणूक आयोगाकडून मतमोजणीची तयारी पूर्ण झाली असून, मतमोजणी केंद्रावर पोलिसांचा चोख बंदोबस्त असणार आहे. सोबतच मतमोजणी केंद्रांवर जाण्यासाठी उमेदवार, मतमोजणी प्रतिनिधी त्याचबरोबर इतर कार्यरत कर्मचाऱ्यांना मोबाईल, डिजिटल वॉच किंवा इतर इलेक्ट्रॉनिक वस्तू घेऊन जाण्यास बंदी करण्यात आली आहे.

20 Dec 2025 03:58 PM (IST)

आम्ही महाविकास आघाडी म्हणून लढण्यावर ठाम

पुणे : आगामी महानगरपालिका निवडणुकांमध्ये महाविकास आघाडी म्हणूनच निवडणूक लढवण्याची आमची प्राथमिक भूमिका कायम आहे. मात्र, शिवसेना (उद्धव बाळासाहेब ठाकरे) आणि काँग्रेस यांच्यात एकमत न झाल्यासच दुसऱ्या पर्यायाचा विचार केला जाईल, अशी स्पष्ट भूमिका राष्ट्रवादी काँग्रेस (शरदचंद्र पवार) पक्षाचे प्रदेशाध्यक्ष शशिकांत शिंदे यांनी मांडली. पुण्यात झालेल्या राष्ट्रवादी काँग्रेस (शरद पवार गट) पक्षाच्या कोअर कमिटीच्या बैठकीनंतर शिंदे यांनी माध्यमांशी संवाद साधला. सध्याच्या निवडणुकांमध्ये महाविकास आघाडी म्हणून लढण्याच्या दृष्टीने स्थानिक पातळीवर शिवसेना व काँग्रेससोबत एक-दोन फेऱ्यांच्या चर्चा झाल्या आहेत.

वाचा सविस्तर 

20 Dec 2025 03:50 PM (IST)

स्वतःच्या लग्नात दिसल्या अप्सरेपेक्षाही सुंदर ‘या’ अभिनेत्री

प्रत्येक स्त्री स्वतःच्या लग्नासाठी खूप जास्त उत्सुक असते. लग्नातील लुक आणखीनच सुंदर आणि आकर्षक करण्यासाठी वेगवेगळ्या फँशन डिझायनर कडून सुंदर पोशाख तयार करून घेतला जातो. सर्वच बॉलिवूड अभिनेत्री त्यांच्या फॅशन आणि अभिनयामुळे कायमच चर्चेत असतात. चित्रपटांमध्ये दाखवल्या जाणाऱ्या लग्नसोहळ्यात अभिनेत्री सुंदर सजून तयार होतात, तितक्याच स्वतःच्या लग्नासाठी सुद्धा उत्सुक असतात. चला तर पाहुयात बॉलिवूड अभिनेत्री स्वतःच्या लग्नासाठी कशा तयार झाल्या होत्या आणि त्याचे सोशल मीडियावर व्हायरल झाले लूक.

वाचा सविस्तर

20 Dec 2025 03:41 PM (IST)

30 डिसेंबरला शुक्र बदलणार आपले नक्षत्र

ज्योतिषशास्त्रानुसार 2025 हे वर्ष ग्रहांच्या संक्रमणाच्या बाबतीत खूप व्यस्त असे होते. जवळजवळ दर १२ तासांनी एक ग्रह संक्रमण करतो आणि देश आणि जगावर परिणाम करतो. सर्व ग्रहांचा अधिपती शुक्र आहे. या वर्षी तो एकूण 36 वेळा संक्रमण करणार आहे. यावेळी हे संक्रमण 30 डिसेंबर रोजी होणार आहे. पंचांगानुसार, या दिवशी रात्री 10.5 वाजता शुक्र ग्रह आपले मूळ नक्षत्र सोडून पूर्वाषाढा नक्षत्रात प्रवेश करणार आहे.

वाचा सविस्तर

20 Dec 2025 03:30 PM (IST)

Akshaye Khannaची सावत्र आई कोण?

बॉलिवूड अभिनेता अक्षय खन्ना सध्या सतत चर्चेत आहे. ‘धुरंधर’ (धुरंधर) चित्रपटातील रहमान डकैतीच्या भूमिकेबद्दल लोक बोलत आहेत आणि त्याच्या उत्कृष्ट अभिनयाचे कौतुक करत आहेत. चित्रपटात मुख्य भूमिकेत दिसणारा अक्षय खन्ना त्याच्या स्टाईलसाठी ओळखला जातो. त्याच्या ‘धुरंधर’ चित्रपटाने १५ दिवसांत ५०० कोटींचा आकडा ओलांडला आहे. दरम्यान, अक्षय खन्नाची सावत्र आई कविता खन्नाने एका मुलाखतीदरम्यान याबद्दल बोलले आहे. याशिवाय, कविता खन्नाने तिचे पती विनोद खन्नाची पहिली पत्नी गीतांजली खन्नासोबतच्या तिच्या नात्याबद्दल खुलासा केला आहे. तिने काय म्हटले आहे ते जाणून घेऊया. मूर्तिपूजक अक्षय खन्नाचे वडील विनोद खन्ना यांचे दोन लग्न झाले होते.

वाचा सविस्तर 

20 Dec 2025 03:20 PM (IST)

ड्रोन युगाचा थरार! बंकरमध्ये घुसून मारणार भारताचे 850 'kamikaze' ड्रोन

भारताने संरक्षण क्षेत्रात एक ऐतिहासिक पाऊल उचलले असून, आता शत्रू राष्ट्रांना आकाशातूनच चोख प्रत्युत्तर देण्याची तयारी पूर्ण केली आहे. भारतीय लष्कराने सुमारे ₹२,००० कोटी खर्च करून ८५० ‘कामिकाझे’ (Kamikaze) म्हणजेच आत्मघाती ड्रोन खरेदी करण्याचा निर्णय घेतला आहे. या एका निर्णयामुळे सीमावर्ती भागात पाकिस्तान आणि चीनच्या गोटात मोठी खळबळ उडाली आहे. हे ड्रोन केवळ साधे उडणारे यंत्र नसून, ते ‘उडते बॉम्ब’ आहेत, जे शत्रूच्या बंकरमध्ये घुसून स्फोट करण्याची क्षमता ठेवतात.

वाचा सविस्तर 

20 Dec 2025 03:10 PM (IST)

तुमचे पालकत्व मुलांमध्ये भीती वा दुरावा निर्माण करतंय का?

आजचे जग मुलांसाठी जितक्या वेगाने बदलत आहे, तितक्याच वेगाने पालकांसमोरही नवीन आव्हाने उभी राहत आहेत. एकेकाळी मुलांचे जीवन कुटुंब, परिसर आणि काही मैत्रीपुरते मर्यादित होते, परंतु आता ते इंटरनेट, सोशल मीडिया, कंटेंट क्रिएटर्स, गेम्स आणि असंख्य बाह्य प्रभावांच्या संपर्कात येतात. अशा वातावरणात, कठोर शिस्त, आदेश देणे किंवा हस्तक्षेप करणे यासारख्या पारंपारिक पालकत्वाच्या पद्धती आता काम करत नाहीत. आज मुलांना असे वातावरण हवे आहे जिथे त्यांना सुरक्षित आणि मुक्त वाटेल.   त्यांचा असा विश्वास आहे की मुले पालकांच्या मालकीची वस्तू नाहीत, तर स्वतंत्र आत्मा आहेत जे त्यांच्या पालकांद्वारे या जगात येतात. म्हणून, पालकांचे काम त्यांना घडवणे नाही, तर त्यांना त्यांची स्वतःची ओळख शोधण्यास मदत करणे आहे. 

वाचा सविस्तर 

20 Dec 2025 03:02 PM (IST)

‘या’ तारखेला होणार Mumbai University चा दीक्षांत समारंभ

मुंबई विद्यापीठाचा वार्षिक दीक्षांत समारंभ शनिवार, १७ जानेवारी २०२६ रोजी सकाळी १० वाजता मुंबई येथील ऐतिहासिक सर कावसजी जहाँगीर दीक्षांत सभागृह, फोर्ट येथे आयोजित करण्यात आला आहे. या दीक्षांत समारंभाचे अध्यक्षस्थान महाराष्ट्र राज्याचे राज्यपाल तथा मुंबई विद्यापीठाचे कुलपती आचार्य देवव्रत भूषवणार आहेत. या महत्त्वपूर्ण शैक्षणिक सोहळ्यासाठी भारत सरकारचे प्रमुख वैज्ञानिक सल्लागार प्रा. अजय कुमार सूद हे प्रमुख पाहुणे म्हणून उपस्थित राहणार असून ते दीक्षांतपर भाषण करणार आहेत. विज्ञान, संशोधन आणि नवोन्मेषाच्या क्षेत्रातील त्यांच्या योगदानामुळे विद्यार्थ्यांना प्रेरणादायी मार्गदर्शन मिळेल, असा विश्वास व्यक्त करण्यात येत आहे.

वाचा सविस्तर

20 Dec 2025 02:55 PM (IST)

पाकचे माजी PM इम्रान खान पुन्हा अडचणीत; भ्रष्टाचार प्रकरणात १७ वर्षाच्या तुरुंगवासाची शिक्षा

पाकिस्तानचे (Pakistan) माजी पंतप्रधान इम्रान खानला (Imran Khan) मोठा झटका मिळला आहे. पुन्हा एकदा त्यांच्या अडचणी वाढल्या असून भ्रष्टाचार प्रकरणामध्ये न्यायालयाने त्यांना तुरुंगवासाची शिक्षा सुनावली आहे. तसेच त्यांची पत्नी बुशरा बीबीलाही शिक्षा देण्यात आली आहे. स्थानिक माध्यमांनी पीटीआयचा हवाला देत दोघांना १७ वर्षांच्या तुरुंगवासाची शिक्षा सुनावली आहे.

20 Dec 2025 02:50 PM (IST)

दिलीप प्रभावळकर यांच्या दमदार अभिनयाचा अनुभव झी मराठीवर, मराठी चित्रपटांचा राखणदार ‘दशावतार’ आता घराघरात

मराठी चित्रपटसृष्टीत खूप गाजलेला आणि प्रेक्षकांच्या मनात घर केलेला ‘दशावतार’ हा चित्रपट आता टीव्हीवर पाहायला मिळणार आहे. ज्येष्ठ अभिनेते दिलीप प्रभावळकर यांच्या उत्तम अभिनयाने सजलेला हा चित्रपट २१ डिसेंबर २०२५ रोजी झी मराठी वाहिनीवर वर्ल्ड टेलिव्हिजन प्रीमियर म्हणून प्रसारित होणार आहे. चित्रपटगृहात मोठे यश मिळवल्यानंतर आता प्रेक्षकांना घरबसल्या हा चित्रपट पाहण्याची संधी मिळणार आहे.

20 Dec 2025 02:40 PM (IST)

EPFO ने बदलले नियम, नोकरी बदलणे आणि न्यूनतम विम्यावर केले मोठे बदल; कर्मचाऱ्यांवर होणार थेट परिणाम

नोकरी बदलताना सर्वात मोठी भीती म्हणजे पीएफ, सेवा रेकॉर्ड किंवा विमा लाभांवर होणारा परिणाम. बऱ्याचदा, फक्त दोन किंवा चार दिवसांच्या अंतरामुळे किंवा आठवड्याच्या शेवटी सुट्टीमुळे कर्मचाऱ्यांच्या कुटुंबांचे मोठे नुकसान झाले आहे. या चिंतेचे निराकरण करण्यासाठी, कर्मचारी भविष्य निर्वाह निधी संघटनेने (EPFO) नियमांमध्ये बदल केले आहेत ज्याचा थेट फायदा लाखो कर्मचाऱ्यांना आणि त्यांच्या कुटुंबियांना होईल.

20 Dec 2025 02:35 PM (IST)

अमरावतीत जुन्या वैमनस्याचा रक्तरंजित बदला; 19 वर्षीय तरुणाची चाकूने भोसकून निर्घृण हत्या

अमरावती येथून एक धक्कदायक घटना समोर आली आहे. एका १९ वर्षीय तरुणाची चाकू भोसकून हत्या करण्यात आली आहे. ही घटना शुक्रवारी दुपारी 3.30 च्या सुमारास उघडकीस आली. संबंधित घटना नांदगाव पेठ पोलीस स्टेशन हद्दीतील वाळकी डॅमजवळ एका रस्त्यावर घडली. मृत्यू झालेल्या तरुणाचे नाव मंथन रवींद्र पालणकर (19) असे आहे.

20 Dec 2025 02:30 PM (IST)

नवी मुंबई विमानतळाला दि. बा. पाटील यांचे नाव द्या, नाहीतर आम्ही…; काँग्रेसचा इशारा

नवी मुंबई विमानतळाला भूमीपुत्र दि. बा. पाटील यांचे नाव देण्याची लोकांची तीव्र भावना आहे, या भावनांचा आदर सरकारने केला पाहिजे. भाजपा महायुती सरकार व मुख्यमंत्री देवेंद्र फडणवीस हे जाणीवपूर्वक दि. बा. पाटील यांचे नाव देण्यास टाळाटाळ करत आहेत, परंतु कोणत्याही परिस्थितीत दुसरे नाव खपवून घेतले जाणार नाही, वेळ प्रसंगी रस्त्यावर उतरून लढा देऊ, असा इशारा महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी दिला आहे.

20 Dec 2025 02:25 PM (IST)

हिवाळ्यात निसर्गाच्या कुशीत भटकंती! कुटुंबासोबत महाराष्ट्र फिरायचं तर या 6 पर्यटन स्थळांना भेट द्यायलाच हवी

हिरवागार निसर्ग, डोंगरमाथ्यावरुन निसर्गदेवतेचे दिसणारे सुंदर रुप, शांत समुद्रकिनारा, हळूवार मानात डोलणारी शेती हे सारे काही हिवाळ्यामध्ये अनुभवण्याची मजा काही औरच आहे. थंडीची चाहूल लागताच प्रत्येकाचे पाऊल निसर्गाच्या कुशीत वळतंच. मग अशावेळी समुद्रकिनारी, थंड हवेच्या ठिकाणी, डोंगरमाथ्यांमध्ये वसलेल्या पर्यटन स्थळांना भेट देण्याचा मोह आवरत नाही. निसर्गसौंदर्य अनुभवण्यासाठी, रांगड्या मातीत रमून जाण्यासाठी महाराष्ट्रात अनेक पर्यटन स्थळे आहेत.

20 Dec 2025 02:20 PM (IST)

बाजारातील महागडे Toner वापरण्याची भासणार नाही आवश्यकता! ‘या’ पद्धतीने घरीच तयार करा स्वस्तात मस्त होममेड टोनर

थंडीच्या दिवसांमध्ये त्वचा कायमच हायड्रेट आणि मुलायम ठेवण्यासाठी अनेक वेगवेगळ्या स्किन केअर प्रॉडक्टचा वापर करण्याचा सल्ला कायमच दिला जातो. थंड वारे आणि वातावरणात सतत होणाऱ्या बदलांमुळे त्वचा खूप जास्त निस्तेज आणि कोरडी होऊन जाते. चेहऱ्यावर वाढलेला कोरडेपणा कमी करण्यासाठी आणि त्वचा मऊ मुलायम राहण्यासाठी मेकअप करण्याआधी टोनर लावले जाते. टोनर लावल्यामुळे त्वचेवर ओपन पॉर्स बंद होतात आणि त्वचा घट्ट राहते. पण त्वचेची काळजी घेण्यासाठी कायमच बाजारातील महागड्या स्किन केअरचा आणि टोनरचा वापर केला जातो. बाजारात मिळणाऱ्या टोनर आणि इतर प्रॉडक्टमध्ये केमिकलयुक्त घटक वापरले जातात, ज्यामुळे काहीकाळ त्वचा चांगली दिसते. पण कालांतराने त्वचेमध्ये अनेक बदल दिसू लागतात. आज आम्ही तुम्हाला घरगुती पदार्थांचा वापर करून टोनर बनवण्याची सोपी कृती सांगणार आहोत.

20 Dec 2025 02:15 PM (IST)

जगातील सर्वात मोठे सेक्स स्कँडल! पण ट्रम्पसाठी फाईल्समध्ये दस्तऐवजांची फेरबदल कूटनीती; ‘अनेक’ नावे गुलदस्त्यात

अमेरिकेच्या (America) इतिहासातील सर्वात वादग्रस्त आणि रहस्यमयी प्रकरणांपैकी एक असलेल्या ‘जेफ्री एपस्टाईन’ (Jeffrey Epstein) प्रकरणाने पुन्हा एकदा जगाचे लक्ष वेधून घेतले आहे. अनेक वर्षांच्या प्रतीक्षेनंतर आणि राजकीय ओढाताणीनंतर, अमेरिकेच्या न्याय विभागाने या प्रकरणाशी संबंधित कागदपत्रांचा पहिला संच सार्वजनिक केला आहे. मात्र, या फाईल्स बाहेर येताच पारदर्शकतेपेक्षा वादाचे वादळ अधिक निर्माण झाले आहे. या कागदपत्रांमध्ये जगातील काही सर्वात शक्तिशाली व्यक्तींच्या नावांचा उल्लेख असल्याने खळबळ उडाली आहे.

20 Dec 2025 02:10 PM (IST)

रॅपिडो टॅक्सी चालकाचा उर्मटपणा! प्रवाशाला लोखंडी रॉडने बेदम मारहाण; कारण ऐकाल तर.. Video Viral

सोशल मीडियावर एक धक्कादायक व्हिडिओ व्हायरल होत आहे. एका रॅपिडो टॅक्सी चालकाने प्रवाशाला लोखंडी मारहाण केले आहे. याचा व्हिडिओ सोशल मीडियावर व्हायरल झाल्यानंतर मोठी खळबळ उजाली असून टॅक्सी सेवांच्या प्रवासी सुरक्षेवर प्रश्न उभा राहिला आहे. यामुळे लोकांमध्ये भीतीचे वातावरण आहे. हा व्हिडिओ हरियाणाच्या फरिदाबाद येथील आहे.

20 Dec 2025 02:05 PM (IST)

‘भाजपला कधी मिळाले नाही तेवढं यश नगरपरिषद निवडणुकीत मिळणार’; चंद्रशेखर बावनकुळेंचा विश्वास

राज्यातील नगरपरिषदांसह नगरपंचायतीसाठी मतदान प्रक्रिया पूर्ण होत आहे. 24 नगरपरिषदांसाठी आज मतदान होत आहे. तर रविवारी (दि.20) मतमोजणी होऊन निकाल जाहीर केले जाणार आहेत. तत्पूर्वी भाजप नेते आणि महसूलमंत्री चंद्रशेखर बावनकुळे यांनी विजयाचा विश्वास व्यक्त केला. ‘उद्याचा निकाल भाजप आणि महायुतीसाठी विजयाचा दिवस असणार आहे. भाजपला कधी मिळालं नाही एवढं यश नगरपरिषद निवडणुकीत मिळणार आहे. जिथे आम्ही कधीच जिंकलो नव्हतो, त्या नगरपालिका ही आम्ही जिंकणार आहोत’, असेही त्यांनी म्हटले आहे.

20 Dec 2025 01:55 PM (IST)

रील्स पाहणं झालं आणखी सोपं! इंस्टाग्रामने रोलआऊट केलं Auto Scroll फीचर

सोशल मीडिया प्लॅटफॉर्म इंस्टाग्राम यूजर्ससाठी आता एक मोठं अपडेट जारी करण्यात आलं आहे. ज्या लोकांना सतत रिल्स पाहायला आवडतात पण स्क्रोल करण्याचा कंटाळा येतो, अशा लोकांसाठी इंस्टाग्रामचं नवीन अपडेट फायद्याचं ठरणार आहे. इंस्टाग्रामने त्यांच्या यूजर्ससाठी ऑटो स्क्रॉल फीचर रोलआऊट केलं आहे. त्यामुळे यूजर्सना रिल्स पाहताना हाताने स्क्रोल करण्याची गरज नाही. कारण नवीन फीचरच्या मदतीने रिल्स आपोआप स्क्रोल होणार आहेत.

20 Dec 2025 01:45 PM (IST)

कोटक महिंद्रा बँकेला आरबीआयचा झटका; तब्बल ‘इतक्या’ लाखांचा ठोठावला दंड

भारतातील बँकिंग क्षेत्रातील दिग्गज बँकेला आरबीआयने झटका दिला आहे. कोटक महिंद्रा बँकेला लाखोंचा दंड ठोठावला आहे. ही कारवाई करताना आरबीआयने स्पष्ट केले की, बँकेवरील कारवाई नियामक अनुपालनातील त्रुटींवर आधारित असून बँकेने तिच्या ग्राहकांशी केलेल्या कोणत्याही व्यवहाराशी याचा संबध नसून ग्राहकांच्या व्यवहारावर याचा कोणताही परिणाम होणार नाही.

20 Dec 2025 01:35 PM (IST)

बांगलादेशातील हिंसेवर मोठी अपडेट! 7 आरोपी गजाआड

बांगलादेशातील (Bangladesh) मैमनसिंग जिल्ह्यात हिंदू तरुण दीपू चंद्र दास (Deepu Chandra Das) याच्या ‘मॉब लिंचिंग’ने संपूर्ण जग हादरले होते. या अमानवीय घटनेनंतर आंतरराष्ट्रीय स्तरावर उमटलेल्या तीव्र प्रतिक्रियांमुळे बांगलादेशच्या सुरक्षा यंत्रणा खडबडून जाग्या झाल्या आहेत. बांगलादेशच्या ‘रॅपिड ॲक्शन बटालियन’ने (RAB-14) विविध ठिकाणी छापे टाकून या प्रकरणी ७ मुख्य आरोपींना अटक केली आहे. या कारवाईमुळे दोषींना कठोर शिक्षा होण्याची आशा निर्माण झाली आहे.

20 Dec 2025 01:25 PM (IST)

ना बुमराह ना हार्दिक… या मालिकेत मिळणार विश्रांती! कोणत्या खेळाडूला मिळणार जागा?

भारत विरुद्ध न्यूझीलंड यांच्यामध्ये मालिकेचे आयोजन करण्यात येणार आहे. टी20 विश्वचषक 2026 च्या आधी ही भारतीय संघाची शेवटची मालिका असणार आहे. भारताच्या संघाच्या नुकत्याच तीन दक्षिण आफ्रिकेविरुद्ध मालिका पार पडल्या या तीन मालिकांपैकी भारताच्या संघाने दोन मालिकांमध्ये विजय मिळवला तर कसोटी मालिकेमध्ये भारताच्या संघाला पराभवाचा सामना करावा लागला होता. आता भारताचा संघ सध्या टी20 विश्वचषक 2026 सुरु व्हायला 50 दिवस शिल्लक असताना न्यूझीलंडविरुद्ध तीन मालिका खेळणार आहे.

20 Dec 2025 01:15 PM (IST)

पाणी प्रश्न ऐरणीवर! चिमुरमध्ये पाण्यासाठी नागरिकांची वणवण

नगर परिषद चिमूर अंतर्गत एमजीपीमार्फत सुमारे ५४ कोटी रुपयांची पाणीपुरवठा योजना राबविण्यात येत आहे. मात्र तरी देखील प्रत्यक्षात नागरिकांना पिण्याच्या पाण्यासाठी वणवण करावी लागत आहे. ५४ कोटी रुपयांची पाणीपुरवठा योजना असूनही या परिसरातील नागरिकांनी पाणीपुरवठा होत नाही. नवीन पाइपलाइन टाकून काही प्रभागात पाणीपुरवठा सुरू करण्यात आला आहे. मात्र अजूनही अनेक नागरिकांच्या नळाला अजिबात पाणी येत नाही. तर काही ठिकाणी अत्यल्प दाबाने पाणीपुरवठा होत असल्याने नागरिक त्रस्त झाले आहेत.

20 Dec 2025 01:04 PM (IST)

पॅट कमिन्सने मोडला मिचेल जॉन्सनचा विक्रम! कसोटी क्रिकेटमध्ये केला ‘हा’ भीम पराक्रम

ऑस्ट्रेलिया आणि इंग्लंड यांच्यात पाच सामन्यांच्या अ‍ॅशेस कसोटी मालिकेतील तिसऱ्या सामन्यात ऑस्ट्रेलियाचा कर्णधार पॅट कमिन्सने मोठा कारनामा केला आहे. दुखापतीमुळे पॅट कमिन्स पहिल्या आणि दुसऱ्या सामन्यांना मुकला होता. मात्र तिसऱ्या सामन्यात मात्र त्याने आतापर्यंत दोन्ही डाव मिळून ६ बळी घेत मिचेल जॉन्सनचा विक्रम मोडला आहे.

20 Dec 2025 01:00 PM (IST)

येरवडा जेलमध्ये कैद्यांमध्ये हाणामारी, फरशीने डोके-कंबर फोडली

पुण्यातील येरवडा कारागृहात कैद्यांमध्ये झालेल्या हाणामारीत विशाल कांबळेचा मृत्यू झाला. बराक क्रमांक 1 मध्ये फरशीने डोके व कंबरेवर वार करण्यात आले. आरोपींविरोधात गुन्हा दाखल असून तुरुंग सुरक्षेवर प्रश्नचिन्ह निर्माण झाले

20 Dec 2025 12:55 PM (IST)

१८ वर्षीय तरुणीची गळा चिरून निर्घृण हत्या

गंगापूर तालुक्यातील मुरमी येथे १८ वर्षीय विद्यार्थिनी वैष्णवी नीळ हिचा अज्ञाताने घरात गळा चिरून खून केला. आई-वडील बाहेर असताना ती घरात एकटी होती. घटनेने परिसरात खळबळ उडाली आहे.

20 Dec 2025 12:50 PM (IST)

सांगलीत खुनांची मालिका; एकाच दिवशी दोन हत्या

सांगली जिल्ह्यात खुनांचे सत्र सुरूच आहे. शुक्रवारी एकाच दिवशी कुपवाड आणि जतमध्ये दोन तरुणांची निर्घृण हत्या झाली. पूर्ववैमनस्य आणि जमिनीच्या वादातून हे खून झाले असून जिल्ह्यात दहशतीचे वातावरण निर्माण झाले आहे.

20 Dec 2025 12:45 PM (IST)

JALGAON : वरणगाव मध्ये शेवटच्या टप्प्यातील मतदान प्रक्रिया शांततेत आणि सुरळीत सुरू

भुसावळ तालुक्यातील वरणगाव नगर परिषदेच्या निवडणुकीतील शेवटच्या टप्प्यातील मतदान प्रक्रिया आज पार पडत आहेत सकाळी सात वाजल्यापासून मतदार राजा हा निवडणूक केंद्रावरती मतदान करण्यात येत असल्याचे चित्र दिसत आहे.

20 Dec 2025 12:40 PM (IST)

इंजिनिअरिंग कॉलेजच्या बॉईज हॉस्टेलमध्ये 20 वर्षीय विद्यार्थ्याने संपवले जीवन

सोलापूरमधील नामांकित इंजिनिअरिंग कॉलेजच्या बॉईज हॉस्टेलमध्ये 20 वर्षीय ई अँड टीसी विद्यार्थ्याने गळफास घेऊन आत्महत्या केली. वडिलांचा फोन न आल्याने प्रकार उघडकीस आला; कारण अस्पष्ट.

20 Dec 2025 12:30 PM (IST)

गडहिंग्लजमध्ये मतदान केंद्रावर गोंधळ

कोल्हापूरच्या गडहिंग्लजमध्ये दोन गटांनी केला मतदान केंद्रावर गोंधळ

20 Dec 2025 12:20 PM (IST)

वाशिम जिल्ह्यात evm अर्ध्या तासांपासून बंद, प्रभाग १० मध्ये मतदान ठप्प

वाशिम नगर परिषद निवडुणुकी करिता आज सकाळपासून सुरुवात झाली असून ,शहरात 81 मतदान केंद्रावर मतदान प्रक्रिया सुरू असून प्रभाग 10 मधील मतदान केंद्रावर मतदान मशीन गेल्या 30 मिनिटे पासून बंद पडली असल्याने मतदान ठप्प झाले आहे. त्यामुळे मतदारांची तारांबळ उडाली आहे.

20 Dec 2025 12:19 PM (IST)

शिवसेनेचे माजी आमदार सुभाष भोईर यांचा आज भाजप मध्ये प्रवेश, ठाकरे गटाला मोठा धक्का

शिवसेनेचे माजी आमदार सुभाष भोईर भाजपमध्ये प्रवेश करणार असल्याची चर्चा होती.काही दिवसापूर्वी मुख्यमंत्री देवेंद्र फडणवीस ठाणे जिल्ह्यात सभेला आले असताना ऐके ठिकाणी मुख्यमंत्री यांचे स्वागत करण्यात आले असताना सुभाष भोईर सुद्धा उपस्थिती होते आणि याचा व्हिडिओ व्हायरलं झाला होता, यानंतर सुभाष भोईर हें भाजप मध्ये प्रवेश करणार आहेत अशी चर्चा होती.

20 Dec 2025 12:19 PM (IST)

बारामती नगरपालिकेसाठी आज सकाळपासून मतदानाला सुरुवात

बारामती नगरपालिकेच्या निवडणुकीसाठी आज सकाळपासून मतदानाला सुरुवात झाली आहे. बारामती नगरपालिकेसाठी 41 जागांसाठी मतदान होत. असून त्यातील आठ जागा ह्या बिनविरोध झाल्याने 34 जागांसाठी आज मतदान होत आहे.

20 Dec 2025 12:19 PM (IST)

बीड नगर पालिकेतील प्रभाग क्रमांक ३ साठी मतदानाला सुरुवात...

बीड नगरपालिकेतील 26 प्रभागापैकी ३ नंबरच्या प्रभागाचे मतदान राहिले होते. त्या प्रभागातील मतदान प्रक्रियेला आज सकाळपासून सुरुवात झाली आहे. यासाठी एकूण सात बूथ असून 6 हजार 998 मतदार आपला मतदानाचा हक्क बजावणार आहेत. दरम्यान मतदान करण्यासाठी सकाळपासूनच बीडमधील मतदारांचा मोठा उत्स्फूर्त प्रतिसाद पाहायला मिळत आहे.

20 Dec 2025 12:00 PM (IST)

IndianArmy: बांगलादेशातील अशांततेनंतर भारतीय लष्कर सतर्क

शेजारील देश बांगलादेशातील (Bangladesh) हिंसक निदर्शने आणि शेख हसीना (Sheikh Hasina) सरकारचे पतन झाल्यानंतर तिथे मोठ्या प्रमाणावर अराजकता माजली आहे. या परिस्थितीचा फायदा घेऊन भारतविरोधी शक्ती किंवा दहशतवादी भारतात घुसखोरी करण्याची भीती निर्माण झाली आहे. ही परिस्थिती गांभीर्याने घेत भारतीय लष्कराने बांगलादेशला लागून असलेल्या ईशान्येकडील सीमांवर आपली पकड मजबूत केली आहे. आता सीमेवर केवळ जवानच नाही, तर जगातील सर्वात प्रगत मानली जाणारी S-400 क्षेपणास्त्र प्रणाली आणि आधुनिक ड्रोन डोळ्यात तेल घालून नजर ठेवत आहेत.

20 Dec 2025 11:50 AM (IST)

IND vs SL Women : चॅम्पियन महिला संघ जेतेपदानंतर पहिल्यांदाच उतरणार मैदानात

2025 मध्ये झालेल्या महिला एक दिवसीय विश्वचषकाचे जेतेपद भारतीय महिला संघाने नावावर केले. भारताचे संघाने कमालीची कामगिरी करत शेवटचे सामन्यामध्ये दक्षिण आफ्रिकेचे संघाला पराभूत करून ट्रॉफी जिंकली आणि इतिहास रचला. हरमनप्रीत कौरच्या नेतृत्वाखाली भारताच्या संघाने पहिल्यांदा भारतीय महिला क्रिकेटच्या इतिहासामध्ये विश्वचषक जिंकून विक्रम नावावर केला आहे. एकदिवसीय विश्वचषक झाल्यानंतर आता भारतीय संघ लक्ष हे t20 विश्वचषक २०२६ वर असणार आहेत.

20 Dec 2025 11:40 AM (IST)

Income Tax Collections: कंपन्यांनी भरली सरकारची तिजोरी

२०२५  या आर्थिक वर्षात देशाचे निव्वळ प्रत्यक्ष कर संकलन ८% वाढून १७.०५ लाख कोटींवर पोहोचले आहे. कॉर्पोरेट करात सतत वाढ आणि कमी परताव्यांमुळे ही वाढ झाली आहे. चालू आर्थिक वर्ष २०२५-२६ मध्ये शेअर बाजारातील वाढत्या हालचालींचा थेट कर संकलनावरही स्पष्ट परिणाम होत आहे. १ एप्रिल ते १७ डिसेंबर दरम्यान सरकारला सिक्युरिटीज ट्रान्ड्रॉक्शन टॅक्स (STT) मधून ४०,१९५ कोटी रुपयांचा निव्वळ महसूल मिळाला, जो बाजारात मजबूत व्यापार आणि गुंतवणूकदारांच्या आर्थिक उलाढालींना प्रतिबिंचित करतो.

20 Dec 2025 11:30 AM (IST)

Sangli Crime: तलवार, कुकरी, दगड… सांगलीत खुनांची मालिका

सांगली जिल्ह्यात हत्येचं सत्र सुरु असल्याचे समोर आले आहे. दिवसेंदिवस गुन्हेगारी वृत्त समोर येत आहे. राज्यात गुन्हेगारी वाढत चालली आहे. आता सांगली जिल्ह्यात एकाच दिवशी हत्या झाल्याने सर्वत्र खळबळ उडाली आहे. जमिनीचा वाद आणि पूर्ववैमनस्यातून हत्या करण्यात आल्याचे उघडकीस आले आहे. या घटनेने जिल्ह्यात दहशतीचे वातावरण निर्माण झाले आहे.

20 Dec 2025 11:20 AM (IST)

Instagram Update: इंस्टाग्राम यूजर्सना धक्का! कंपनीने केला मोठा बदल

तुम्ही देखील सोशल मीडिया प्लॅटफॉर्म इंंस्टाग्रामचा वापर करता का? तुम्हाला देखील इंस्टाग्रामवर नवीन रिल्स आणि पोस्ट्स शेअर करायला आवडतं का? तर आता तुमच्यासाठी एक महत्त्वाची बातमी आहे. कंपनीने शुक्रवारी एक मोठी घोषणा केली आहे. कंपनीने घेतलेल्या या निर्णयाचा सर्व यूजर्सवर परिणाम होणार आहे, यात काही शंकाच नाही. कंपनीने प्लॅटफॉर्मवर कंटेंट डिस्कवरीसाठी एका लिमिटची घोषणा केली आहे. कंपनीने घेतलेल्या निर्णयानुसार आता रिल्स आणि पोस्ट्चे व्ह्युव्स आणि रिच वाढवण्यासाठी वापरल्या जाणाऱ्या हॅशटॅगच्या संख्येवर आता मर्यादा घालण्यात आली आहे.

20 Dec 2025 11:10 AM (IST)

IND vs SA 5th T20I! हार्दिक पंड्याची एक्सप्रेस सुसाट! T20 मध्ये केला भीम पराक्रम

भारत आणि दक्षिण आफ्रिका यांच्यात पाच सामन्यांच्या टी-२० मालिकेचा शेवट भारताच्या विजयाने झाला. पाचव्या टी२० सामन्यात भारताने  प्रथम फलंदाजी करत २३१ धावा केल्या होत्या. प्रतिउत्तरात दक्षिण आफ्रिका संघ २०१ धावाच करू शकला. परिणामी दक्षिण आफ्रिकेचा ३० धावांनी पराभव करून भारताने या मालिकेवर ३-१ असा कब्जा केला.  या सामन्यात, भारताचा सर्वोत्तम अष्टपैलू खेळाडू हार्दिक पंड्याने इतिहास घडवला आहे. हार्दिक पंड्याने पाचव्या सामन्यात अर्धशतक झळकावत टी-२० मध्ये २००० धावा पूर्ण केल्या. यासह, तो टी-२० मध्ये २००० धावा आणि १०० विकेट घेणारा पहिलाच भारतीय खेळाडू  बनला. हा पराक्रम करणारा तो जगातील चौथा खेळाडू ठरला.

20 Dec 2025 11:08 AM (IST)

अंबरनाथमध्ये तब्बल 208 संशयित बोगस मतदारांना पोलिसांनी घेतलं ताब्यात

अंबरनाथमध्ये पोलिसांनी सुमारे २०८ बोगस मतदारांना ताब्यात घेतल्याची माहिती समोर आली आहे. या सर्वांची आधार कार्ड व पॅन कार्डद्वारे सखोल तपासणी पोलिसांनी सुरू केली आहे. भाजप व काँग्रेसकडून काल रात्री २०० बोगस मतदार असल्याचा गंभीर आरोप करण्यात आला होता. त्या पार्श्वभूमीवर पोलिसांनी तपास सुरू केला आहे.

20 Dec 2025 10:59 AM (IST)

चॅम्पियन महिला संघ जेतेपदानंतर पहिल्यांदाच उतरणार मैदानात!

पुरुष t20 विश्वचषक झाल्यानंतर भारतीय महिला संघ देखील टी-ट्वेंटी विश्वचषकांसाठी खेळताना दिसणार आहे. आता भारतीय संघाची तयारी सुरू होणार आहे. विश्वचषकानंतर भारतीय महिला संघ पहिल्यांदाच मालिका खेळताना दिसणार आहे. भारत विरुद्ध श्रीलंका यांच्यामध्ये पाच सामन्यांची t20 मालिका खेळवली जाणार आहे. या मालिकेचा पहिला सामना विशाखापटनम् येथे खेळला जाणार आहे. 21 डिसेंबर रोजी या सामन्याचे आयोजन करण्यात आले आहे.

20 Dec 2025 10:54 AM (IST)

कंपन्यांनी भरली सरकारची तिजोरी

२०२५  या आर्थिक वर्षात देशाचे निव्वळ प्रत्यक्ष कर संकलन ८% वाढून १७.०५ लाख कोटींवर पोहोचले आहे. कॉर्पोरेट करात सतत वाढ आणि कमी परताव्यांमुळे ही वाढ झाली आहे. चालू आर्थिक वर्ष २०२५-२६ मध्ये शेअर बाजारातील वाढत्या हालचालींचा थेट कर संकलनावरही स्पष्ट परिणाम होत आहे. १ एप्रिल ते १७ डिसेंबर दरम्यान सरकारला सिक्युरिटीज ट्रान्ड्रॉक्शन टॅक्स (STT) मधून ४०,१९५ कोटी रुपयांचा निव्वळ महसूल मिळाला, जो बाजारात मजबूत व्यापार आणि गुंतवणूकदारांच्या आर्थिक उलाढालींना प्रतिबिंचित करतो.

20 Dec 2025 10:49 AM (IST)

या आहेत गेममधील 5 पावरफुल गन्स

जगातील लोकप्रिय मोबाईल गेम्सपैकी एक फ्री फायर मॅक्स आहे. फ्री फायर मॅक्स जबरदस्त शूटिंग, अ‍ॅक्शन आणि वेगवान गेमप्लेसाठी ओळखला जातो. गेममध्ये शत्रूंवर विजय मिळवण्यासाठी आणि दिर्घकाळ टिकून राहण्यासाठी योग्य शस्त्राची निवड करणं अत्यंत गरजेचं असते. शस्त्र निवडताना तुमच्या कॅरेक्टर आणि स्टाईलला योग्य वाटले अशी निवड करणं अत्यंत आवश्यक आहे. ज्यामुळे तुम्ही संपूर्ण गेम बदलू शकता, आणि शत्रूंवर विजय मिळवू शकता. चला तर मग फ्री फायर मॅक्समध्ये उपलब्ध असलेल्या काही टॉप गन्सबद्दल जाणून घेऊया. या गन्सच्या मदतीने तुम्ही तुमच्या शत्रूंवर काही क्षणातच विजय मिळवू शकता.

20 Dec 2025 10:41 AM (IST)

Putin प्रेमात पडले! ‘Girlfriend कोण?’

जगातील सर्वात शक्तिशाली आणि कठोर नेत्यांपैकी एक म्हणून रशियाचे राष्ट्राध्यक्ष व्लादिमीर पुतिन (Vladimir Putin) यांची ओळख आहे. युद्ध, आंतरराष्ट्रीय राजकारण आणि भेदक नजरेसाठी ओळखले जाणारे पुतिन सध्या एका वेगळ्याच कारणाने चर्चेत आले आहेत. पुतिन यांचा एक व्हिडिओ सोशल मीडियावर वाऱ्यासारखा व्हायरल होत आहे, ज्यामध्ये ते आपल्या आयुष्यातील प्रेमाबद्दल भाष्य करताना दिसत आहेत. या व्हिडिओमुळे पुतिन यांची एक ‘मृदू’ बाजू जगासमोर आली असून, त्यांची ‘ती’ रहस्यमयी गर्लफ्रेंड कोण? याची शोधमोहीम इंटरनेटवर सुरू झाली आहे.

20 Dec 2025 10:32 AM (IST)

१८ वर्षीय तरुणीची गळा चिरून निर्घृण हत्या; तपास सुरु

छत्रपती संभाजीनगर येथून एक धक्कदायक घटना समोर आली आहे. १८ वर्षीय तरुणीची घरात गळा चिरून हत्या झाल्याची घटना समोर आली आहे. हत्या झालेल्या तरुणीचे नाव वैष्णवी संतोष नीळ असे आहे. घरात कोणीच नसताना ही हत्या करण्यात आल्याचे समोर आले आहे. ही धक्कदायक घटना (शुक्रवारी, ता १९) दुपारी गंगापूर तालुक्यातील मुरमी येथे घडली. वैष्णवी ही वाळूज येथील साईनाथ महाविद्यालयात इयत्ता बारावीमध्ये शिकत होती. या घटनेने गंगापूर हादरून गेला आहे.

20 Dec 2025 10:25 AM (IST)

हार्दिक पंड्याची एक्सप्रेस सुसाट!

भारत आणि दक्षिण आफ्रिका यांच्यात पाच सामन्यांच्या टी-२० मालिकेचा शेवट भारताच्या विजयाने झाला. पाचव्या टी२० सामन्यात भारताने  प्रथम फलंदाजी करत २३१ धावा केल्या होत्या. प्रतिउत्तरात दक्षिण आफ्रिका संघ २०१ धावाच करू शकला. परिणामी दक्षिण आफ्रिकेचा ३० धावांनी पराभव करून भारताने या मालिकेवर ३-१ असा कब्जा केला.  या सामन्यात, भारताचा सर्वोत्तम अष्टपैलू खेळाडू हार्दिक पंड्याने इतिहास घडवला आहे. हार्दिक पंड्याने पाचव्या सामन्यात अर्धशतक झळकावत टी-२० मध्ये २००० धावा पूर्ण केल्या. यासह, तो टी-२० मध्ये २००० धावा आणि १०० विकेट घेणारा पहिलाच भारतीय खेळाडू  बनला. हा पराक्रम करणारा तो जगातील चौथा खेळाडू ठरला.

20 Dec 2025 10:18 AM (IST)

इंस्टाग्राम यूजर्सना धक्का!

तुम्ही देखील सोशल मीडिया प्लॅटफॉर्म इंंस्टाग्रामचा वापर करता का? तुम्हाला देखील इंस्टाग्रामवर नवीन रिल्स आणि पोस्ट्स शेअर करायला आवडतं का? तर आता तुमच्यासाठी एक महत्त्वाची बातमी आहे. कंपनीने शुक्रवारी एक मोठी घोषणा केली आहे. कंपनीने घेतलेल्या या निर्णयाचा सर्व यूजर्सवर परिणाम होणार आहे, यात काही शंकाच नाही. कंपनीने प्लॅटफॉर्मवर कंटेंट डिस्कवरीसाठी एका लिमिटची घोषणा केली आहे. कंपनीने घेतलेल्या निर्णयानुसार आता रिल्स आणि पोस्ट्चे व्ह्युव्स आणि रिच वाढवण्यासाठी वापरल्या जाणाऱ्या हॅशटॅगच्या संख्येवर आता मर्यादा घालण्यात आली आहे.