अक्षय तृतीयेचा सुवर्णयोग; सोने-चांदी व वाहनांचे प्री-बुकिंग फुल्ल, हजारो गाड्यांची आज डिलीव्हरी (फोटो सौजन्य-ChatGPT)
आज घरोघरी समृद्धी व भरभराटीसाठी भगवान विष्णू आणि लक्ष्मीची पूजा केली जाणार असून आंब्याची डाळ, कैरीचे पन्हे, खिरापतीचा नैवेद्य दाखवून वस्त्र, कन्हा केळी, फळांचे दान करण्याची परंपरा पाळली जाणार आहे. या दिवशी सोने खरेदीला विशेष प्राधान्य दिले जाते. त्यामुळे सोने चांदीचे दागिने खरेदी करण्यासाठी १५ दिवस आधीच दागिन्यांचे प्री बुकिंग करून ठेवले आहे. त्यामुळे शुभ मुहूर्तावर दागिन्यांचा ताबा घेण्यासाठी सराफी पेढयांवर मोठी झूबंड उडणार आहे.
सकाळी : ६.१० ते दुपारी १२.१५ पर्यंत
सायंकाळी : दुपारी ४.३० ते सायं. ७ पर्यंत
वाहन कंपन्यांनी झटपट कर्ज मंजुरी, कमी व्याजदर, एक्सवेज बोनस अशा आकर्षक ऑफर्स जाहीर केल्या आहे. यामुळे दुचाकी व चारचाकी वाहनांचे मोठ्या प्रमाणावर प्री बुकिंग झाली आहे, अशी माहिती कंपन्यांच्या विक्री प्रतिनिधीनी दिली आहे. शहरामध्ये एकच दिवशी तीन हजार दुचाकी व १ हजारहून अधिक कार्सची डिलिव्हरी दिली जाणार आहे. त्यामुळे रविवारी रात्री उशिरापर्यंत दालने उघडी ठेवून डिलिव्हरी पूर्ण करण्याचे नियोजन वाहन कंपन्यांनी केले आहे.
आज व्रत करणाऱ्याने प्रात काळी स्नान करून नरनारायणासाठी भागानेते जद, गावाचे पौदा, पररम्मासाठी कोवळी वाळके, भिजवलेली हरभऱ्याची डाळ घालून नैवद्य अर्पण करावा. शक्य असल्यास उपवास व गंगास्नान करावे, या तिथीस केलेले दान, हवन व पितरांना उद्देशून जे कर्म केले जाते ते अविनाशी राहते, अशी माहिती डॉ. नरेंद्र धारणे यांनी दिली.
Mira Bhayander : नवघर पोलीस ठाण्यात राजकीय संघर्ष शिगेला; व्हिडिओ वादातून भाजप-शिवसेना आमनेसामने
