Iran Israel युद्धामुळे लग्न थांबली? वधू-वरांची पंचाईत; केटरिंग व्यवसाय ठप्प अन् तारखा…

सोनाजी गाढवे/पुणे: इराण-इस्त्रायल आणि अमेरिका यांच्यात वाढलेल्या तणावाच्या पार्श्वभूमीवर आंतरराष्ट्रीय बाजारपेठेत निर्माण झालेल्या परिस्थितीचा परिणाम देशांतर्गत एलपीजी पुरवठ्यावर टंचाई निर्माण होत असून, पुणे शहरात कमर्शियल गॅस सिलिंडरची टंचाई जाणवू लागली आहे. या टंचाईमुळे शहरातील विवाह सोहळ्यांचे नियोजन अडचणीत आले असून अनेक कुटुंबांना लग्नाच्या तारखा पुढे ढकलण्याची वेळ येत असल्याचे समोर आले आहे.

शहरातील केटरिंग व्यावसायिक आणि विवाह सोहळ्यांशी संबंधित सेवांवर या परिस्थितीचा थेट परिणाम होत आहे. मोठ्या प्रमाणावर स्वयंपाकासाठी कमर्शियल गॅस सिलिंडर आवश्यक असतात. मात्र सध्या सिलिंडरचा पुरवठा मर्यादित प्रमाणात होत असल्याने केटरर्सना लग्नाचे कार्यक्रम स्वीकारताना अडचणी येत आहेत. परिणामी काही ठिकाणी आधी निश्चित झालेल्या कार्यक्रमांबाबतही अनिश्चितता निर्माण झाली आहे.

स्वयंपाकघर सध्या अडचणींच्या भोवऱ्यात? LPG चा तुटवडा अन् उद्योगधंद्यावरही परिणाम

लग्नसराईचा हंगाम सुरू असताना ही परिस्थिती निर्माण झाल्याने वधू-वर पक्षांचीही मोठी गैरसोय होत आहे. अनेक कुटुंबांनी लग्नाच्या तारखा निश्चित करून सभागृह, केटरिंग आणि इतर व्यवस्था केल्या होत्या. मात्र गॅस सिलिंडरची टंचाई वाढल्यास मोठ्या प्रमाणावर स्वयंपाक करणे कठीण होईल, अशी भीती व्यक्त केली जात आहे. त्यामुळे काही कुटुंबे सुरक्षिततेच्या दृष्टीने विवाह सोहळ्यांच्या तारखा पुढे ढकलण्याचा विचार करत असल्याची माहिती व्यावसायिकांकडून मिळत आहे.

विद्यार्थांने नाव न सांगता सांगीतले की, मी ज्या मेसला आहे त्या मेस व्यवसायीकाने आमचा डबा पुर्वी फक्त ६० रुपायला मिळायचा आता तो त्या मध्ये ४० रु. प्लस करून १०० रुपायला देत आहेत. आणि मुलांचे यात खुप पैसे जात आहेत. शासनाने यावर त्वरीत तोडगा काढवा माझी विनंती आहे. गॅस मिळाला नाहीत तर मेस व्यवसाय़ीक मेस बंद करणार आहे. आम्ही जायच कुठे आता पंचाईत झाली.

सगळं संपणार! पुण्यात हॉटेल्स, मेसचे लॉकडाउन? विद्यार्थी अन् कामगार ‘गॅस’वर, चिंता वाढली

आमच्या कडे आजच्या पुरते गॅस शिल्लक आहेत आणि उध्या पासून अम्ही काम बंद ठेवणार आहोत. जो व्यक्ती आम्हाल गॅस ची सुविधा देईल त्याच्या लग्नात अम्ही. जेवण बणवण्याचे कामकरू नाही मिळाला तर बंद ठेऊ.

-नरपत महाराज केटरिंग व्यवसायीक

माझ्या कडे पाच सहा लग्नाच्या तारखा आल्या होत्या पण इराण-इज्रायल आणि अमेरिका यांच्यात वाढलेल्या तणावाच्या पार्श्वभूमीवर गॅसची टंचाई आहे. मी त्या कुटूंबाला सांगितले की लग्न पुढे ढकला किंवा माझ्या साठी गॅस  उपल्बध करून द्या, त्यानंतरच आम्ही सांगू शकतो.

– पुमचंद महाराज केटरिंग व्यवसायीक