Himesh Reshammiya Birthday: गायकाला संगीत क्षेत्रात बनवायचे नव्हते करिअर? वाढदिवशी जाणून घेऊयात खास रंजक गोष्टी

प्रसिद्ध गायक, संगीतकार, अभिनेता आणि निर्माता हिमेश रेशमिया आज २३ जुलै रोजी त्याचा वाढदिवस ५१ वा वाढदिवस साजरा करत आहेत. त्याच्या खास दिवशी हिमेशशी संबंधित काही रंजक किस्से जाणून घेऊयात.

Himesh Reshammiya (फोटो सौजन्य -Instagram)

Follow Us:

Follow Us:

हिमेश रेशमिया हे संगीत क्षेत्रातील एक प्रसिद्ध नाव आहे. त्याने अभिनयाच्या जगातही आपले नशीब आजमावले आहे. तसेच, हा ट्रेंड टीव्हीच्या जगापासून सुरू झाला. हिमेशने गायलेली ‘आशिक बनाया आपने’ आणि ‘झलक दिखला जा’ सारखी अनेक गाणी लोकांमध्ये लोकप्रिय झाली. तसेच, त्याला ‘नाकाच्या आवाजात गाणारा गायक’ असे संबोधून त्याची खिल्लीही उडवली गेली. परंतु, लोकांच्या कमेंट्सचा त्याच्यावर परिणाम झाला नाही, उलट त्याने त्याला आपली ताकद बनवली. आज संगीत जगात हिमेश रेशमियाने वर्चस्व मिळवले आहे. त्याच्या वाढदिवसानिमित्त त्याच्याशी संबंधित काही किस्से आपण जाणून घेणार आहोत.

टीव्ही प्रॉडक्शनने कारकिर्दीला केली सुरुवात
हिमेश रेशमियाचा जन्म २३ जुलै १९७३ रोजी गुजराती संगीतकार विपिन रेशमिया आणि मधु रेशमिया यांच्या घरी झाला. संगीत आणि त्याच्याशी संबंधित गोष्टी सुरुवातीपासूनच हिमेशभोवती होत्या. शालेय शिक्षण पूर्ण होताच हिमेशने टीव्ही प्रॉडक्शनमध्ये काम करण्यास सुरुवात केली. त्याने अनेक टीव्ही मालिका तयार केल्या. आणि तसेच संगीत क्षेत्रात देखील स्वतःचे करिअर सुरु ठेवले.

‘तू दुधासारखी गोरी नाहीस…’, वाणी कपूरला स्वतःच्या रंगाची वाटली लाज; निर्मात्यांकडून मिळाला टोमणा

वडिलांची इच्छा पूर्ण करण्यासाठी संगीतात करिअर केले
बॉलीवूडला अनेक सुपरहिट गाणी देणाऱ्या हिमेशने प्रत्यक्षात गायक बनायचे नव्हते, परंतु वडिलांची इच्छा पूर्ण करण्यासाठी त्याने संगीत क्षेत्रात आपले करिअर बनवले. हिमेशचा पहिला अल्बम ‘आपका सुरुर’ हा अजूनही भारतीय संगीत उद्योगाच्या इतिहासातील सर्वाधिक विक्री होणारा अल्बम आहे. हिमेशचे वडील विपिन रेशमिया यांनी ‘इंसाफ की जंग’ या बॉलीवूड चित्रपटाची निर्मिती देखील केली. ०५ मे १९४० रोजी राजुला येथे जन्मलेल्या विपिन यांचे १८ सप्टेंबर २०२४ रोजी निधन झाले.

सलमान खानने दिली पहिली संधी
हिमेश रेशमियाला बॉलीवूडचा भाईजान सलमान खानकडून पहिली मोठी संधी मिळाली. तो चित्रपट होता ‘प्यार किया तो डरना क्या’. खरंतर, हिमेशच्या वडिलांनी सलमान खानला एका चित्रपटासाठी साइन केले होते. तो चित्रपट बनला नाही. पण, दरम्यान, हिमेशला ब्रेक मिळाला. सलमान खानला हिमेश रेशमियाचे संगीत आवडले आणि त्याने प्रभावित होऊन त्याने हिमेशला ‘प्यार किया तो डरना क्या’ चित्रपटातील एक गाणे दिले. ‘प्यार किया तो डरना क्या’ चित्रपटाचे शीर्षक गीत खूप लोकप्रिय झाले हे ज्ञात आहे. २००३ मध्ये ‘तेरे नाम’ चित्रपटातून हिमेशला संगीत दिग्दर्शक म्हणून यश मिळाले. योगायोगाने, हा देखील सलमान खानचा चित्रपट होता.

चाहत्यानंतर आता श्रद्धा कपूरला ‘Saiyaara’ चं लागलं वेड, म्हणाली ‘आणखी ५ वेळा बघेल..’

हिमेश रेशमियाचे वैयक्तिक आयुष्य
हिमेश रेशमियाचे लग्न कोमलशी झाले होते. पण, दोघांनीही परस्पर संमतीने त्यांचे २२ वर्षांचे नाते संपवले आणि घटस्फोट घेतला. कोमल आणि हिमेशचे १९९५ मध्ये लग्न झाले आणि २०१७ मध्ये त्यांचा घटस्फोट झाला. यानंतर, हिमेशने २०१८ मध्ये सोनिया कपूरशी दुसरे लग्न केले, जी एक अभिनेत्री आहे.या दोघांचे वैयक्तिक आयुष्य सुखात सुरु आहे.

Web Title: Himesh reshammiya birthday know about interesting facts of famous singer music director songwriter actor life

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com