ICC Test Ranking मध्ये शतकवीर पंतचा डंका! कसोटी कारकीर्दीत केली सर्वोत्तम कामगिरी, इंग्लंडच्या बेन डकेटचीही मोठी उडी.. 

आयसीसीकडून कसोटी क्रमवारी जाहीर करण्यात आली आहे. या क्रमवारीत इंग्लंडविरुद्ध दोन्ही डावात शतक झळकवणाऱ्या भारताच्या यष्टीरक्षक फलंदाज ऋषभ पंतने मोठी झेप घेऊन ७ वे स्थान पटकावले आहे.

ऋषभ पंत(फोटो-सोशल मीडिया)

Follow Us:

Follow Us:

ICC Test Ranking : नुकतीच भारत आणि इंग्लंड या दोन संघात पाच सामन्यांच्या कसोटी मालिकेला सुरवात झाली असून लीड्स येथील पहिल्या कसोटी सामन्यात इंग्लंडने भारताचा ५ विकेट्सने पराभव केला आहे. या विजयासह इंग्लंडने अँडरसन-तेंडुलकर ट्रॉफीमध्ये १-० अशी आघाडी घेतली आहे. अशातच आयसीसीने कसोटी क्रमवारी जाहीर केली आहे. या क्रमवारीत इंग्लंडविरुद्ध दोन्ही डावात शतक झळकवणाऱ्या भारताच्या यष्टीरक्षक फलंदाज ऋषभ पंतने मोठी झेप घेतली आहे.

भारताचा यष्टीरक्षक-फलंदाज ऋषभ पंत बुधवारी जाहीर झालेल्या आयसीसी कसोटी फलंदाजांच्या ताज्या क्रमवारीत कारकिर्दीतील सर्वोत्तम सातव्या स्थानावर पोहोचला, त्याचे कारण इंग्लंडविरुद्ध लीड्स येथे झालेल्या मालिकेतील पहिल्या कसोटीत दोन शतके झळकावणे हे आहे. पहिल्या कसोटीत पाच विकेट्सने पराभव करताना पहिल्या डावात शतक झळकावणारा, भारताचा नवा कसोटी कर्णधार शुभमन गिल देखील पाच स्थानांनी प्रगती करत २० व्या स्थानावर आहे. भारताने इंग्लंडला ३७१ धावांचे कठीण लक्ष्य दिले होते, जे यजमानांनी पाच विकेट्स गमावून साध्य केले.

हेही वाचा : Suryakumar Yadav चा हॉस्पिटलमधील फोटो व्हायरल…अचानक काय झाले? आता मोठ्या सिरीजमधून होणार बाहेर

एकाच कसोटीत दोन शतके झळकावणारा दुसरा यष्टीरक्षक ठरलेल्या पंतला एका स्थानाची प्रगती झाली आहे. पंतच्या आधी, झिम्बाब्वेचा अँडी फ्लॉवर हा एकाच कसोटीत दोन शतके झळकावण्याचा पराक्रम करणारा एकमेव यष्टीरक्षक होता. पंतने लीड्स कसोटीत १३४ आणि ११८ धावा केल्या. कसोटी गोलंदाजांच्या क्रमवारीत फारसा बदल झालेला नाही. पहिल्या कसोटीच्या पहिल्या डावात पाच विकेट घेत भारताचा वेगवान गोलंदाज जसप्रीत बुमराह अव्वल स्थानावर कायम आहे. इंग्लंडच्या विजयादरम्यान ६२ आणि १४९ धावा काढून सामनावीर ठरलेला बेन डकेट पाच स्थानांनी झेप घेऊन क्रमवारीत आठव्या स्थानावर पोहोचला आहे. डकेटचे सहकारी ऑली पोप (तीन स्थानांनी १९व्या स्थानावर) आणि जेमी स्मिथ (आठ स्थानांनी २७व्या स्थानावर) यांनीही क्रमवारीत प्रगती केली आहे.

हेही वाचा : IND vs ENG : इंग्लंडच्या Harry Brook चा लाजिरवाणा विक्रम! कसोटी क्रिकेटच्या इतिहासात पहिल्यांदाच घडला ‘हा’ प्रकार..

रूट अव्वल तर हॅरी ब्रुक दुसऱ्या स्थानी इंग्लंडचा अनुभवी फलंदाज जो रूट हा जगातील अव्वल क्रमांकाचा कसोटी फलंदाज आहे तर त्याचा सहकारी हॅरी ब्रूक दुसऱ्या स्थानावर आहे. पहिल्या कसोटीत फलंदाजी आणि चेंडूने प्रभावी कामगिरी करणारा इंग्लंडचा कर्णधार बेन स्टोक्स कसोटी अष्टपैलू खेळाडूंच्या यादीत तीन स्थानांनी झेप घेऊन पाचव्या स्थानावर पोहोचला आहे. गॉलमध्ये श्रीलंका आणि बांगलादेश यांच्यात झालेल्या पहिल्या कसोटीत १६३ धावा काढणारा मुशफिकुर रहीम ११ स्थानांनी झेप घेऊन २८ व्या स्थानावर पोहोचला आहे. बांगलादेशचा नझमुल हुसेन शांतो. दोन्ही डावांमध्ये शतके ठोकून, २१ स्थानांनी प्रगती करत २९व्या स्थानावर पोहोचला आहे.

Web Title: Centurion pants shock in icc test rankings reaches 7th best position in test career

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com