फोटो सौजन्य - सोशल मिडिया
भारताच्या संघाला ऑस्ट्रेलिया विरुद्ध झालेल्या मालिकेच्या पहिल्या सामन्यामध्ये पराभवाचा सामना करावा लागलाय. त्याचबरोबर सामना पुर्ण 100 ओव्हरचा न झाल्यामुळे देखील आता ऑस्ट्रेलियाने आता मालिकेमध्ये आघाडी घेतली आहे. या सामन्यामध्ये भारताचे दिग्गज खेळाडू आणि रोहित शर्मा आणि विराट कोहली या दोघांचे संघामध्ये पुनरागमन झाले होते. पण ते या सामन्यामध्ये फार काही चांगली कामगिरी करु शकले नाही त्यानंतर सोशल मिडियावर त्याच्या कामगिरीबद्दल मोठी चर्चा सुरु आहे.
माजी कर्णधार रोहित शर्मा आणि विराट कोहली यांनी रविवारी (१९ ऑक्टोबर) पर्थ येथे ऑस्ट्रेलियाविरुद्ध जवळजवळ सात महिन्यांत भारतासाठी पहिला सामना खेळला. पण त्यांची कामगिरी अपेक्षेपेक्षा कमी होती. रोहितने फक्त ८ धावा केल्या आणि कोहली शून्यावर बाद झाला. भारतीय चाहत्यांना या दिग्गज जोडीकडून खूप आशा होत्या, परंतु दोघेही लयीत नसल्याचे दिसून आले. या पराभवानंतरही, माजी कर्णधार आणि दिग्गज फलंदाज सुनील गावस्कर यांनी त्यांना पाठिंबा दिला आहे. पुढील दोन सामन्यांमध्ये त्यांना दमदार कामगिरीची अपेक्षा आहे असे ते म्हणाले.
इंडिया टुडेशी बोलताना गावस्कर म्हणाले की ते ऑस्ट्रेलियाच्या सर्वात उसळत्या खेळपट्ट्यांपैकी एकावर खेळत आहेत. आणि ते सोपे नाही, विशेषतः ज्यांनी काही महिन्यांपासून आंतरराष्ट्रीय क्रिकेट खेळलेले नाही त्यांच्यासाठी. शुभमन गिल आणि श्रेयस अय्यर सारख्या नियमित खेळाडूंनाही संघर्ष करावा लागला.
गावस्कर पुढे म्हणाले, भारत अजूनही एक खूप मजबूत संघ आहे. त्यांनी चॅम्पियन्स ट्रॉफीसारखे मोठे सामने जिंकले आहेत. रोहित आणि कोहली यांनी पुढील दोन डावांमध्ये मोठे धावा केल्या तर आश्चर्य वाटणार नाही. ते जितके जास्त खेळतील, नेटमध्ये वेळ घालवतील आणि थ्रोडाऊन करतील, ते २२ ऐवजी २० यार्डवरून असले तरी, ते लवकरच त्यांची लय परत मिळवतील. आणि एकदा त्यांनी धावा करायला सुरुवात केली की, भारत ३०० किंवा त्याहून अधिक धावा करेल हे निश्चित आहे.
भारताच्या संघाला या मालिकेमध्ये टिकून राहण्यासाठी पुढील सामना जिंकणे गरजेचे आहे. भारताच्या संघाचा या मालिकेचा पुढील सामना हा 23 ऑक्टोबर रोजी खेळवला जाणार आहे. या सामना टीम इंडियासाठी महत्वाचा असणार आहे. या सामन्यामध्ये क्रिकेट चाहत्यांना विराट कोहली आणि रोहित शर्मा यांच्याकडून मोठ्या खेळीची अपेक्षा आहे.
