MI vs CSK : ‘तुमच्या क्षमतेवर शंका घेणे सोपे..’; CSK विरुद्धच्या खेळीबाबत MI च्या ‘हिटमॅन’ रोहितने व्यक्त केल्या भावना 

आयपीएल २०२५ च्या ३८ व्या सामन्यात रोहित शर्माने ७६ धावांची खेळी करून मुंबईला विजय मिळवून दिला. खराब फॉर्ममधून जात असताना आलेली ही खेळी त्याचा आत्माविश्वास वाढला आहे.

रोहित शर्मा(फोटो-सोशल मीडिया)

Follow Us:

Follow Us:

MI vs CSK : बराच काळ वाईट काळातून जात असतानाही मुंबई इंडियन्सचा फलंदाज रोहित शर्माने कधीही त्याच्या क्षमतेवर शंका घेतली नाही आणि आयपीएलमध्ये चेन्नई सुपर किंग्जविरुद्धच्या त्याच्या अर्धशतकाचे वर्णन त्याने स्वतःच्या कौशल्यांवर दाखविलेल्या विश्वासाचा परिणाम म्हणून केले. सामनावीर म्हणून निवड झालेल्या रोहितने 45 चेंडूत चार चौकार आणि सहा षटकारांसह नाबाद 76 धावा केल्या. त्याच्या शानदार खेळीच्या मदतीने मुंबई इंडियन्सने नऊ विकेट्सनी सामना जिंकला. रोहितचे आयपीएलच्या चालू हंगामातील हे पहिले अर्धशतक आहे.

हेही वाचा : IPL २०२५ : ‘आता आम्ही पुढील वर्षासाठी संघ तयार करणार’ : चेन्नई सुपर किंग्जचे मुख्य प्रशिक्षक स्टीफन फ्लेमिंग यांचे मत

याआधी, तो मागील सामन्यांमध्ये फक्त 0, 8, 13, 17, 18 आणि 26 धावा करू शकला होता. बराच काळ धावा न काढल्यानंतर, तुमच्या क्षमतेवर शंका घेणे सोपे आहे. माझ्यासाठी चांगला सराव करणे आणि चेंडू चांगला मारणे महत्वाचे होते. जेव्हा तुमची मानसिकता स्पष्ट असते तेव्हा अशा गोष्टी घडू शकतात. मी मोठा स्कोअर केल्यापासून बराच काळ लोटला आहे पण जर तुम्ही स्वतःवर शंका घेऊ लागलात तर तुम्ही स्वतःवर दबाव आणता. तुम्हाला कसे खेळायचे आहे यामध्ये संतुलन राखणे महत्वाचे आहे. आज मला चेंडू मारायचा होता पण नियंत्रणात राहणे देखील महत्वाचे आहे.

जर चेंडू माझ्या आवाक्यात असेल तर मी नेहमीसारखाच शॉट खेळण्याचा प्रयत्न करत होतो. ते सातत्याने होत नव्हते, पण मला कधीही स्वतःवर शंका नव्हती. रोहितने त्याचे बरेच क्रिकेट वानखेडे स्टेडियमवर खेळले आहे, ज्याचा एक स्टैंड त्याच्या सन्मानार्थ बांधला जात आहे. हा एक मोठा सन्मान आहे. मी लहान असताना इथे सामने पाहण्यासाठी येत असे. एकेकाळी आम्हाला इथे येण्याची परवानगी नव्हती. मी या मैदानावर खेळत मोठा झालो, आता हे स्टँड आहे, हा एक मोठा सन्मान असल्याचे त्याने सांगितले.

हेही वाचा : IPL २०२५ : प्लेऑफची लढाई होणार रोमांचक, पहिल्यांदाच एखाद्या फ्रँचायझी विजेती होण्याची शक्यताच जास्त..

आम्ही रोहितला आक्रमक खेळण्यास प्रोत्साहित केले

आक्रमक फलंदाजीमुळे विकेट गमावल्याबद्दल रोहित शर्मावर टीका झाली असेल, परंतु मुंबई इंडियन्सचे मुख्य प्रशिक्षक महेला जयवर्धने म्हणाले की, त्याच्या संघाने माजी कर्णधाराला हा दृष्टिकोन कायम ठेवण्यास प्रोत्साहित केले. चेन्नई सुपर किंग्जविरुद्ध 76 धावांची सामना जिंकणारी खेळी करून रोहितने फॉर्ममध्ये पुनरागमन केले. जेव्हा तो अशा आक्रमकपणे फलंदाजी करतो तेव्हा आपल्या सर्वांना माहित आहे की तो एका क्षणात सामना उलटू शकतो.

यामुळे एक लय निर्माण होते जी नंतरच्या फलंदाजांवर देखील परिणाम करते. त्यामुळे, त्याच्या अशा वृत्तीने मी खूप खूश आहे. रोहितने कधीही त्याचा दृष्टिकोन बदलला नाही. तो अपयशी ठरत असला तरी पहिल्या सामन्यापासूनच त्याचे हेतू स्पष्ट होते. त्यामुळे तो संघाच्या गरजेनुसार खेळण्याचा प्रयत्न करत होता आणि तो ते करू इच्छित होता हे आमच्यासाठी चांगले आहे. आम्ही त्यांना तसे करण्यास प्रोत्साहित केले.

Web Title: Mi vs csk mis hitmat rohit expresses his feelings about the innings against csk

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com