गुरुवार, 22 ऑक्टोबर 2026
फोटो सौजन्य - सोशल मिडिया
पाकिस्तानने अफगाणिस्तानवर हल्ला केला आणि यामध्ये अनेकांना स्वत:हाचा जीव गमवावा लागला आहे. या हल्ल्यामध्ये तीन अफगाणी खेळाडूंचा देखील जीव गेला आहे. पाकिस्तानच्या हवाई हल्ल्यात ३ अफगाणिस्तानी क्रिकेटपटूंचा दुर्दैवी मृत्यू झाल्यानंतर, अफगाणिस्तान क्रिकेट बोर्डाने नोव्हेंबरमध्ये होणाऱ्या तिरंगी मालिकेतून माघार घेण्याचा निर्णय घेतला होता. ही तिरंगी मालिका पाकिस्तानमध्ये खेळवली जाणार आहे, ज्यामध्ये यजमान पाकिस्तान व्यतिरिक्त श्रीलंकेचा संघही समाविष्ट आहे.
अफगाणिस्तानने माघार घेतल्यानंतर, पाकिस्तानने एका दिवसात तिरंगी मालिकेत तिसऱ्या नवीन संघाचा समावेश केला आहे आणि त्याची घोषणाही केली आहे. १७ ते २९ नोव्हेंबर दरम्यान पाकिस्तानमध्ये होणाऱ्या तीन देशांच्या टी-२० आंतरराष्ट्रीय स्पर्धेत झिम्बाब्वे अफगाणिस्तानची जागा घेईल. पीसीबीने शनिवारी ही माहिती दिली. आदल्या दिवशी, अफगाणिस्तानने पाकिस्तानी हवाई हल्ल्यात त्यांच्या तीन क्रिकेटपटूंचा मृत्यू झाल्याचे कारण देत, या स्पर्धेसाठी त्यांचा संघ पाकिस्तानला पाठवणार नाही अशी घोषणा केली होती.
रावळपिंडीमध्ये सुरू होणाऱ्या या स्पर्धेत श्रीलंका हा तिसरा संघ आहे. झिम्बाब्वेच्या सहभागाची घोषणा करताना, पाकिस्तान क्रिकेट बोर्डाने (पीसीबी) फक्त एवढेच म्हटले की ‘अफगाणिस्तानने स्पर्धेत सहभागी होण्यास असमर्थता व्यक्त केली आहे.’ “१७ ते २९ नोव्हेंबर दरम्यान रावळपिंडी आणि लाहोर येथे होणाऱ्या श्रीलंकेचाही समावेश असलेल्या टी-२० आंतरराष्ट्रीय तिरंगी मालिकेत सहभागी होण्यासाठी झिम्बाब्वे क्रिकेटने पाकिस्तान क्रिकेट बोर्डाचे आमंत्रण स्वीकारले आहे,” असे पीसीबीने म्हटले आहे.
१७ नोव्हेंबर रोजी रावळपिंडी क्रिकेट स्टेडियमवर यजमान पाकिस्तान विरुद्ध झिम्बाब्वे यांच्यात तिरंगी मालिका सुरू होईल. दुसरा सामना १९ नोव्हेंबर रोजी त्याच मैदानावर खेळला जाईल, जिथे श्रीलंका झिम्बाब्वेशी सामना करेल. रावळपिंडीतील दोन सामन्यांनंतर, सामने लाहोरमधील गद्दाफी स्टेडियममध्ये खेळवले जातील, जिथे २९ नोव्हेंबर रोजी होणाऱ्या अंतिम सामन्यासह उर्वरित पाच सामने होतील.
17 नोव्हेंबर – पाकिस्तान विरुद्ध झिम्बाब्वे, रावळपिंडी क्रिकेट स्टेडियम, रावळपिंडी
नोव्हेंबर १९ – श्रीलंका विरुद्ध झिम्बाब्वे, रावळपिंडी क्रिकेट स्टेडियम, रावळपिंडी
२२ नोव्हेंबर – पाकिस्तान विरुद्ध श्रीलंका, गद्दाफी स्टेडियम, लाहोर
२३ नोव्हेंबर – पाकिस्तान विरुद्ध झिम्बाब्वे, गद्दाफी स्टेडियम, लाहोर
२५ नोव्हेंबर – श्रीलंका विरुद्ध झिम्बाब्वे, गद्दाफी स्टेडियम, लाहोर
२७ नोव्हेंबर – पाकिस्तान विरुद्ध श्रीलंका, गद्दाफी स्टेडियम, लाहोर
२९ नोव्हेंबर – अंतिम सामना, गद्दाफी स्टेडियम, लाहोर
