काही पाण्यावर तरंगतात तर काही झाडावर लटकतात, भारतातील काही अनोखे हॉटेल्स जिथे राहणे कोणत्या ॲडवेंचरहून कमी नाही

देशात अनेक मोठी आणि आलिशान हॉटेल्स आहेत जिथे तुम्हाला शाही थाट अनुभवता येईल. मात्र देशात अशीही काही हॉटेल्स आहोत जिथे राहणे कोणत्या साहसाहुन कमी नाही, इथे तुम्हाला पर्यटनाचा अद्भुत अनुभव घेता येईल.

(फोटो सौजन्य – Pinterest)

Follow Us:

Follow Us:

जगात अशी अनेक ठिकाणे आहेत जी आपल्या सौंदर्यमूळे फार चर्चित आहेत. मात्र आज आम्ही तुम्हाला कोणत्या ठिकाणाविषयी माहिती सांगत नसून आज आम्ही तुम्हाला या लेखात देशातील काही अनोख्या हॉटेल्सविषयी माहिती सांगत आहोत जिथले सौंदर्य आणि अद्भुत अनुभव तुम्हाला इतर कुठेही घेता येणार नाही. कुठेही फिरायला जायचे म्हटले की, आपण राहण्याच्या व्यवस्थेचा प्रथम विचार करतो. कोणतेही हॉटेल जर केवळ स्वच्छता, खाण्यापिण्यासाठीच नव्हे तर त्याच्या विशिष्टतेसाठी देखील प्रसिद्ध असेल तर ते सहलीचे आकर्षण आणखीन वाढते.

रहस्यमयी वातावरण, प्राचीन लेण्या; महाभारताशी संबंध अन् पांडव फॉल्सना कधी भेट दिलीत का?

पाण्यात तरंगतात हॉटेल

उत्तराखंडमधील टिहरी येथे बांधलेली फ्लोटिंग हॉटेल्स झोपड्यांच्या आकारात बांधले गेले आहेत. परंतु येथील सुविधा तुम्हाला एका आलिशान हॉटेलची अनुभूती देतील. या झोपड्या तलावाच्या मध्यभागी बांधल्या आहेत आणि येथे तुम्हाला वाय-फाय, टेलिव्हिजन, एअर कंडिशनिंग सारख्या सुविधा उपलब्ध आहेत.

• डल सरोवरावर बांधलेला हाऊसबोट्सवर तरंगणारे हे हॉटेल एक अद्वितीय अनुभव असून येथे तुम्ही एक उत्तम वेळ घालवू शकता. हे हॉटेल एखाद्या राजवाड्यासारखे बांधलेले आहे, जे काश्मीरच्या संस्कृती आणि परंपरेची झलक देते
• त्रिवेंद्रममधील एका रिसॉर्टमध्ये १२ तरंगत्या कॉटेज आहेत. या कॉटेजमध्ये स्थानिक वास्तुकलेचे प्रतिबिंब दिसते आणि त्यांच्यावर गवताचे छत आहे
• कोलकातामधील हुगळी नदीच्या काठावर जहाजाच्या थीमवर एक हॉटेल बांधण्यात आले आहे. येथून तुम्हाला हावडाचे सुंदर दृश्य पाहता येते.

इथे घेता येईल वाइल्डलाइफ दृश्यांचा आनंद

• मध्य प्रदेशातील बांधवगड जंगलात अनेक वृक्ष-घरे आहेत, जिथे बाल्कनीत बसून वन्यजीवांचा आनंद घेता येतो. निसर्गाशी सुसंगत राहून आणि त्याच्या जवळ राहून जगण्याच्या उद्देशाने हे बांधले आहे. या ट्री-हाऊसमध्ये तुम्हाला सर्व प्रकारच्या सुविधा पुरवल्या जातात
• केरळमधील वायनाडच्या घनदाट जंगलात एक सुंदर रिसॉर्ट देखील आहे. येथे सुमारे चार झाडांवर बांधलेली घरे आहेत, जी नैसर्गिकरित्या तयार केली आहेत, कालिकत विमानतळ किंवा रेल्वे स्टेशनवरून येथे सहज जाता येते
• राजस्थानची राजधानी जयपूरच्या सायरी व्हॅलीमध्ये बांधलेले हे रिसॉर्ट जगातील सर्वात मोठ्या ट्री हाऊसपैकी एक आहे. या रिसॉर्टवरून तुम्हाला अरवली पर्वतरांगांचे सुंदर दृश्यांचा आनंद घेता येतो

या पर्वतांना आजही मानले जाते देवाचे घर, इथे आहे अद्भुत शक्तींचे वास्तव; दर्शनासाठी कठीण मार्गही पार करतात भाविक

जंगलात बनले आहे हॉटेल

राजस्थानमध्ये असेच आणखी एक अनोखे हॉटेल आहे, जे जगातील ५० अनोख्या हॉटेल्सच्या यादीत समाविष्ट आहे. या हॉटेलची खास गोष्ट म्हणजे ते शहरात बांधलेले नाही तर पाली जिल्ह्यातील जंगलाच्या मध्यभागी आहे. येथील स्थानिक लोक या हॉटेलमधील पाहुण्यांना दूध, भाज्या इत्यादी पोहोचवतात. यामुळे पाहुण्यांना स्थानिक लोकांसह जंगलाला भेट देण्याची संधी मिळते.

Web Title: Some float on water and some hang from trees some unique hotels in india where staying so adventures

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com