रशियाचे MI-18T हेलिकॉप्टर 22 जणांसह बेपत्ता; शोध मोहिम सुरू

रशियात एक हेलिकॉप्टर 22 जणांसह उड्डाण केल्यानंतर अचानक बेपत्ता झाल्याची माहिती समोर आली आहे. याबाबत माहिती देताना स्थानिक माध्यामांनी शनिवारी याची माहिती दिली. हे हेलिकॉप्टर टेक ऑफ केल्यानंतर लगेचच रडारवरून गायब झाल्याचे सांगण्यात येत आहे.

फोटो सौजन्य: iStock

Follow Us:

Follow Us:

मास्को: रशियात एक हेलिकॉप्टर 22 जणांसह उड्डाण केल्यानंतर अचानक बेपत्ता झाल्याची माहिती समोर आली आहे. याबाबत माहिती देताना स्थानिक माध्यामांनी शनिवारी याची माहिती दिली. हेलिकॉप्टरमध्ये 19 प्रवाशांशिवाय इतर 3 क्रू मेंबर्स होते. हे हेलिकॉप्टर टेक ऑफ केल्यानंतर लगेचच रडारवरून गायब झाल्याचे सांगण्यात येत आहे. मीडिया रिपोर्ट्सनुसार, हेलिकॉप्टर सुदूर पूर्वेकडील कामचटका प्रदेशातील वचकाझेट्स ज्वालामुखीजवळ उड्डाण करत असताना बेपत्ता झाले. हेलिकॉप्टरचा शोध घेण्यासाठी शोधमोहीम सुरू करण्यात आली आहे.

MI-18T हेलिकॉप्टर बेपत्ता 

रशियन वृत्तसंस्थेने दिलेल्या माहितीनुसार, विटिया-एरो एअरलाईनचे MI-18T हे हेलिकॉप्टर सकाळी 7.15 वाजता उड्डाण केले होते. यामध्ये क्रू मेंबर्ससह एकूण 19 प्रवासी होते. विमानाने झेप घेतल्यानंतर काही वेळातच संपर्क तुटला. आपात्काली सेवांनुसार, MI-8T टेकऑफनंतर काही वेळातच रडारवरून गायब झाले.मात्र संपर्क तुटण्यापर्वी क्रू मेंबर्स ने कोणतीही समस्या नोंदवली नव्हती. मीडिया रिपोर्ट्स असेही सूचित करतात की कामचटका हायड्रोमेटिओलॉजिकल सेंटरने निकोलायव्हका विमानतळाच्या परिसरात कमी दृश्यमानता नोंदवली, जिथे हेलिकॉप्टरशी संपर्क तुटला होता.

Reuters reports, “A Russian helicopter with three crew members and 19 passengers on board has gone missing in the far eastern peninsula of Kamchatka (Russia), Interfax news agency reported on Saturday, citing preliminary data from the federal air transport agency. The Mi-8T…

— ANI (@ANI) August 31, 2024

बचाव कार्य सुरू 

सध्या रहस्यमयीरित्या बेपत्ता झालेल्या हेलिकॉप्टरचा शोध सुरू आहे. यासाठी आणखी एक विमान पाठवण्यात आले आहे. मात्र अद्याप कोणतीही माहिती हाती लागलेली नाही. यासाठी एक समिती स्खापन करण्यात आली आहे. या समितीने वाहतूक सुरक्षा नियमांचे उल्लंघन आणि हवाई वाहतुकीच्या संचालनाशी संबंधित फौजदारी संहितेच्या कलम 263 अंतर्गत घटनेची चौकशी सुरू केली आहे. बचाव कार्यासाठी वोलिन आणि निकोलायव्हकाच्या वस्तीत बचाव पथकेही तैनात करण्यात आली आहेत.

50 पेक्षा जास्त देशांनी वापरले 

Mi-8T हे ट्विन-इंजिन हेलिकॉप्टर आहे जे 1960 मध्ये डिझाइन केले गेले होते. हे रशिया आणि शेजारच्या देशांमध्ये मोठ्या प्रमाणावर वापरले जाते, जेथे त्याच्याशी संबंधित अपघात अनेकदा होतात. MI-8T हे हेलिकॉप्टर जगातील सर्वाधिक वापरल्या जाणाऱ्या हेलिकॉप्टरपैकी एक आहे. 1967 मध्ये रशियन सैन्याने ते पहिल्यांदा वापरले. या हेलिकॉप्टरी 17 हजारांहून अधिक युनिट्स बनवली आहेत. आत्तपर्यंत 50 पेक्षा जास्त देशांनी याचा वपर केला आहे. यापूर्वी देखील MI-8T अनेक अपघातांना बळी पडले आहे.

Web Title: Russian mi 18t helicopter goes missing with 22 on board nrss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com