फोटो सौजन्य - Social Media
याउलट, MS जनरल सर्जरी ही केवळ 6.6 टक्के म्हणजे फक्त ९९ विद्यार्थ्यांनी स्वीकारली. हे प्रमाण मागील काही वर्षांच्या तुलनेत सर्वाधिक घट दर्शवणारे आहे आणि या परिस्थितीने वैद्यकीय क्षेत्रात चिंता वाढवली आहे. तज्ज्ञांच्या मते, शस्त्रक्रिया ही अत्यंत कौशल्य, अभ्यास, सराव आणि जबाबदारीची मागणी करणारी शाखा असल्याने विद्यार्थ्यांचा कल इतर सुरक्षित पर्यायांकडे वळत चालला आहे.
दीर्घकालीन प्रशिक्षण, सततची तणावपूर्ण परिस्थिती, रुग्णांकडून येणारा असंतोष, कोणतीही छोटीशी चूक महागात पडण्याची भीती, तसेच कायदेशीर खटल्यांचे वाढते प्रमाण हे घटक विद्यार्थ्यांना सर्जरीपासून दूर नेत आहेत. याउलट, रेडिओलॉजी ही शाखा अत्याधुनिक तंत्रज्ञानाशी जोडलेली असून कामाचे तास निश्चित, ताण कमी आणि जीवनशैली अधिक संतुलित असल्याने विद्यार्थी त्याला प्राधान्य देत आहेत. सुपर स्पेशालिटी हॉस्पिटलमध्ये रेडिओलॉजिस्टसाठी नेहमीच मोठी मागणी असते, तसेच या शाखेत वेगाने करिअर स्थिरता मिळते, हे देखील एक आकर्षण आहे. वरिष्ठ डॉक्टरदेखील आजच्या पिढीला रेडिओलॉजी किंवा मेडिसिनला प्राधान्य द्यावे असा सल्ला देताना दिसतात.
एम्सच्या सर्जरी विभागाचे तज्ज्ञ डॉ. नरेश कुमार यांनी स्पष्ट केले की दहा वर्षांपूर्वी शस्त्रक्रिया ही सर्जनशीलता, कौशल्य आणि प्रतिष्ठेची शाखा मानली जात होती. मात्र आता परिस्थिती बदलली असून, भविष्यात हा ट्रेंड कायम राहिला तर चांगले सर्जन मिळणे कठीण होईल, अशी भीती त्यांनी व्यक्त केली. रुग्णदेखील आज किरकोळ शस्त्रक्रियेपासून दूर राहण्याचा प्रयत्न करतात, तसेच अनेक वेळा गुंतागुंतीच्या प्रकरणात डॉक्टरांवरच दोष टाकला जातो. या सर्व घटकांमुळे विद्यार्थ्यांमध्ये भीती आणि असुरक्षिततेची भावना वाढताना दिसते. परिणामतः शस्त्रक्रियेत प्रवेश घेणाऱ्यांची संख्या सातत्याने घटत आहे.
वैद्यकीय क्षेत्रात तज्ज्ञ सर्जनांची गरज मोठी असल्याने ही प्रवृत्ती भविष्यात गंभीर आव्हान निर्माण करू शकते. ऐनवेळी अनुभवी शल्यचिकित्सक उपलब्ध न राहण्याची शक्यता आरोग्यसेवेवरच ताण आणू शकते. त्यामुळे या शाखेकडे विद्यार्थ्यांचा कल वाढावा यासाठी वैद्यकीय व्यवस्थेने प्रशिक्षण, कामाचे वातावरण आणि कायदेशीर सुरक्षा या सर्वच पातळ्यांवर सकारात्मक बदल करण्याची गरज आहे.
