Top Marathi News Today Live : अमेरिका-इराण या देशांत लवकरच सुरु होणार संवाद; पाकिस्तानचे संरक्षणमंत्री आसिफ यांचा दावा

14 Apr 2026 01:01 PM (IST)

शेअर मार्केटमधील गुंतवणूक पडली महागात

शेअर मार्केटमध्ये गुंतवणूक केल्यास जादा नफा मिळवून देण्याची बतावणी करीत सायबर चोरट्यांनी तरूणाची १७ लाख २३ रूपयांची फसवणूक केली आहे. ही घटना २ डिसेंबर ते २६ जानेवारी २०२६ कालावधीत खराडीत घडली आहे. याप्रकरणी ३२ वर्षीय तरूणाने खराडी पोलिस ठाण्यात तक्रार दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल झाला आहे. पोलिसांच्या माहितीनुसार, तक्रारदार तरूण खराडीत राहायला असून, २ डिसेंबरला सायबर चोरट्यांनी त्यांना व्हॉटसअ‍ॅपद्वारे लिंक पाठवली. ग्रुपमध्ये अ‍ॅड करून घेत त्यांना अ‍ॅप डाउनलोड करण्यास भाग पाडले. त्यानंतर त्याद्वारे नफा दर्शवून सायबर चोरट्यांनी संबंधित तरूणाला गुंतवणूक करण्यास सांगितले. तब्बल १७ लाख २३ हजार रूपयांची गुंतवणूक केल्यानंतरही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी वरिष्ठ निरीक्षक संजय चव्हाण तपास करीत आहेत.

14 Apr 2026 12:45 PM (IST)

पिंपरीत नवनियुक्त आयुक्तांचा ‘दणका’

पिंपरी-चिंचवड महापालिकेचे नवनियुक्त आयुक्त डॉ. विजय सूर्यवंशी यांनी पदभार स्वीकारताच प्रशासकीय बेशिस्तीला चाप लावण्यास सुरुवात केली आहे. शहरातील फोफावलेल्या अनधिकृत बांधकामांना जबाबदार धरून त्यांनी शुक्रवारी (ता. १०) एका कनिष्ठ अभियंत्यासह दोन कर्मचाऱ्यांना थेट निलंबित केले आहे. या धडाकेबाज कारवाईमुळे साडेतीन वर्षांनंतर महापालिका वर्तुळात मोठी खळबळ उडाली असून, भ्रष्ट कारभाराला अभय देणाऱ्यांचे धाबे दणाणले आहेत.

14 Apr 2026 12:30 PM (IST)

रांजणगाव महागणपती मंदिर साडेतीन महिन्यांसाठी बंद

अष्टविनायकांपैकी एक असलेल्या श्री क्षेत्र रांजणगाव गणपती येथील श्री महागणपती मंदिरात व्यापक जतन व दुरुस्तीच्या कामांना सुरुवात होत असून, बुधवार (दि. १५ एप्रिल) ते ३१ जुलै या कालावधीत सुमारे साडेतीन महिने मंदिर भाविकांसाठी पूर्णतः बंद ठेवण्याचा निर्णय घेण्यात आला आहे. महाराष्ट्रातील सात मंदिरांच्या विकास आराखड्याअंतर्गत हा प्रकल्प राबविण्यात येत असून, या कालावधीत मंदिराच्या मुख्य गाभाऱ्याची संरचना, सभामंडप तसेच परिसरातील पायाभूत सुविधांची दुरुस्ती व सुशोभीकरणाची कामे हाती घेतली जाणार आहेत. या संदर्भातील माहिती पुरातत्व विभागाचे सहाय्यक संचालक डॉ. विलास वहाणे यांनी सोमवारी (दि.१३) मंदिर सभागृहात आयोजित पत्रकार परिषदेत दिली.

14 Apr 2026 12:15 PM (IST)

पुणेकरांनो लक्ष द्या! 'या' दिवशी पाणीपुरवठा दिवसभर राहणार बंद

पुणे महापालिकेच्या विविध जलशुद्धीकरण केंद्रे व पंपिंग स्टेशन येथे तातडीच्या दुरुस्ती आणि देखभाल कामांमुळे गुरुवारी (दि. १६) शहरातील बहुतांश भागात पूर्ण दिवस पाणीपुरवठा बंद ठेवण्यात येणार आहे. बुधवार रात्री १२ वाजल्यापासून ते गुरुवार रात्री १२ वाजेपर्यंत पाणीपुरवठा बंद राहणार असून, शुक्रवारी कमी दाबाने पाणीपुरवठा होणार असल्याची माहिती महापालिकेच्या पाणीपुरवठा विभागाने दिली आहे.

14 Apr 2026 11:55 AM (IST)

कर्मचाऱ्यांच्या हिंसक आंदोलनांनंतर आली सरकारला जाग! नोएडामध्ये किमान वेतनात २१% वाढ जाहीर

कमी वेतनाच्या मुद्दयावरुन नोएडामध्ये कर्मचाऱ्यांचा संयम सुटला आणि भयानक आंदोलन सुरु झालं. आठवड्याच्या पहिल्याच दिवशी नोएडा (Noida News) सेक्टर 60 मध्ये कर्मचाऱ्यांच्या घोषणााबाजीने परिसर दणाणून गेला होता. वेतनवाढीसाठी हजारो कर्मचारी रस्त्यावर उतरुन आपल्या हक्कासाठी आवाज उठवू लागले. या आंदोलनाला हिंसक वळण लागलं आणि आंदोलन चिघलळं, नोएडामध्ये वेतनवाढी झालेल्या तीव्र आंदोलन आणि जाळपोळनंतर सरकारला जाग आली. या कर्मचाऱ्यांसाठी योगी सरकारकडून (Yogi Adityanath) मोठी घोषणा करण्यात केली.

14 Apr 2026 11:45 AM (IST)

Hormuz वर F-35, MV-22 आणि USS त्रिपोलीच्या घिरट्या, सौदी अरेबिया सावध; Trump सह चर्चेसाठी विनवणी

अमेरिकन वृत्तपत्र ‘द वॉल स्ट्रीट जर्नल’नुसार, सौदी अरेबिया अमेरिकेवर होर्मुझच्या सामुद्रधुनीतील नौदल नाकेबंदी तात्काळ उठवण्यासाठी आणि वाटाघाटीच्या टेबलावर परत येण्यासाठी दबाव टाकत आहे. सौदी अरेबिया आणि इतर आखाती देशांना भीती आहे की, जर अमेरिकेने नाकेबंदी सुरू ठेवली, तर इराण त्यांचे पर्यायी मार्ग रोखून प्रत्युत्तर देऊ शकतो. अशी परिस्थिती त्यांच्या अर्थव्यवस्थेसाठी मोठा धक्का असेल. होर्मुझ संकट असूनही, त्यांचे तेल इतर मार्गांनी वाहत होते, परंतु ट्रम्प यांच्या या निर्णयामुळे ते मार्गही धोक्यात येतील.

14 Apr 2026 11:35 AM (IST)

नेटवर्क स्ट्रेंथपासून आयफोन हिडन फीचर्सपर्यंत… केवळ एक कोड डायल करा आणि मिळवा संपूर्ण माहिती

टेक जायंट अ‍ॅपलच्या मालकीच्या डिव्हाईसमधील सॉफ्टवेयर यूजर्सना अधिक चांगली सुरक्षितता आणि चांगला अनुभव ऑफर करण्यासाठी ओळखले जातात. आयफोनमध्ये यूजर्सना केवळ एका मेन्यू सेटिंगमध्ये अनेक हिडन फीचर्स ऑफर केले जातात. हे फीचर्स एक्सेस करण्यासाठी यूजर्सना काही कोड्सचा वापर करावा लागतो. तंत्रज्ञानाच्या भाषेत या कोड्सना USSD (अनस्ट्रक्चर्ड सप्लिमेंटरी सर्विस डेटा) असं म्हटलं जाते.

14 Apr 2026 11:25 AM (IST)

राज्यघटनेतून समतेचा दीप प्रज्वलित करणारे Dr. Babasaheb Ambedkar यांची जयंती

भारतीय लोकशाहीच्या पायाभरणीतील तेजस्वी शिल्पकार डॉ. बाबासाहेब आंबेडकर (Dr. Babasaheb Ambedkar) यांची आज जयंती. त्यांचे कार्य आजही प्रत्येक भारतीयाच्या मनात अभिमानाची ज्योत प्रज्वलित करत आहे. अन्याय, अस्पृश्यता आणि विषमतेच्या अंधःकारातून समाजाला प्रकाशाच्या दिशेने नेण्यासाठी त्यांनी आयुष्याचा प्रत्येक क्षण अर्पण केला.

14 Apr 2026 11:20 AM (IST)

तारीख निश्चित…ईराणने मान्य केली सर्वात मोठी अट! अमेरिकेची Peace Talk बाबत नवी घोषणा

पाकिस्तानमध्ये अमेरिका आणि इराण यांच्यातील चर्चेची पहिली फेरी अयशस्वी ठरली आहे, परंतु आता लवकरच चर्चेची दुसरी फेरी सुरू होण्याची शक्यता वर्तवली जात आहे. अमेरिकेचे अध्यक्ष डोनाल्ड ट्रम्प यांनी म्हटले आहे की, इराण चर्चेसाठी उत्सुक असून त्यांनी अमेरिकेला पुन्हा एकदा वाटाघाटी करण्याची विनंती करणारा संदेश पाठवला आहे. उपाध्यक्ष जे.डी. व्हान्स यांनीही म्हटले आहे की, इस्लामाबादमध्ये इराणसोबत करार करण्याच्या दिशेने काही प्रगती झाली आहे. अमेरिकेच्या नेत्यांच्या या विधानांवरून असे सूचित होते की, इराणसोबत अमेरिकेची चर्चा लवकरच सुरू होऊ शकते.

14 Apr 2026 11:15 AM (IST)

वैष्णो देवीच्या पायथ्याशी घडला चमत्कार, ५ वर्षांपूर्वी हरवलेला भाऊ दिसला भिक मागताना… बहिणीच्या डोळ्यात आले अश्रू; Video Viral

एक नवीन व्हिडिओ इंटरनेटवर खूप जास्त शेअर केला जात आहे ज्यात वैष्णो देवीच्या पायथ्याशी भाविकासोबत अनोखा चमत्कार घडून आल्याचे दिसून आले. घडलं असं की, ५ वर्षांपूर्वी एका कुटुंबातील तरुण अचानक गायब झाला होता. अशात वैष्णो देवीच्या मंदिरात बहिणीची त्याच्या भावासोबत अनोखी भेट झाली. हरवलेल्या आपल्या भावाला पाहून बहिण भावूक झाली आणि हे दृष्य आता सोशल मिडियावर चांगलेच शेअर केले जात आहे.

14 Apr 2026 11:05 AM (IST)

मित्राला पासवर्ड पाठवून 24 वर्षीय विद्यार्थिनीची आत्महत्या; मित्राने 40 कॉल केले मात्र…

नैनीतालमध्ये 24 वर्षीय विद्यार्थिनी दिव्या आर्याने आत्महत्या केली. मृत्यूपूर्वी तिने मित्राला मोबाईलचा पासवर्ड पाठवला. मित्राने 40 कॉल केले तरी प्रतिसाद न मिळाल्याने घरी गेल्यावर ती गळफास घेतल्याचे आढळले.

14 Apr 2026 10:45 AM (IST)

मित्राला पासवर्ड पाठवून 24 वर्षीय विद्यार्थिनीची आत्महत्या

उत्तराखंड येथून एक धक्कादायक घटना समोर आली आहे. नैनिताल जिल्ह्यात एमबीपीजी कॉलेजच्या 24 वर्षीय विद्यार्थीनीने आत्महत्या केल्याचे समोर आले आहे. तिने आत्महत्या करण्यापूर्वी आपल्या मित्राला मोबाईलचा पासवर्ड पाठवला. तरुणाने लागोपाठ ४० कॉल केले आहे. पण तिने कॉल रिसिव्ह केले नाहीत. तरुण तिच्या घरी गेला असता तरुणाने मृतदेह लटकलेल्या अवस्थेत आढळली. ही घटना काठगोदाम पोलीस स्टेशनच्या हद्दीतील चांदमारी परिसरात घडली.

14 Apr 2026 10:35 AM (IST)

वैष्णो देवीच्या पायथ्याशी घडला चमत्कार, ५ वर्षांपूर्वी हरवलेला भाऊ भिक मागताना दिसला ...

नक्की प्रकरण काय आहे हे जाणून घेण्यासाठी आपल्याला याविषयी सविस्तर जाणून घ्यावे लागले. सुमारे पाच वर्षांपूर्वी एका कुटुंबाचा लाडका मुलगा अचानक गायब झाला होता. कुटुंबाने खूप प्रयत्न केले पण पोलिसांच्या शोधमोहिमेतही त्याचा काही थानपत्ता लागला नाही. हळूहळू वर्षे सरत गेली आणि लोकांना वाटले की. कदाचित तो पुन्हा कधीच परत येणार नाही. पण म्हणतात ना, जेव्हा सर्व दार बंद होतात तेव्हा देवाचे दार उघडे होते. बहिणीच्या प्रेमाने अखेर पाच वर्षांनंतर देवीच्याच दारी तिच्या भावाची भेट करुन दिली. सांगितले जात आहे की, जेव्हा बहिण वैष्णो देवीच्या मंदिरात दर्शनासाठी गेली होती तेव्हा तिथे तिला तिचा अचानक गायब झालेला भाऊ भेटला. पायऱ्या चढत मंदिरात जात असताना वाटेतच तिची भावासोबत भेट झाली. त्याचे कपडे फाटलेले होते आणि तो बिकट परिस्थितीत असल्याचे दिसले. आपल्या असहाय्य भावाला ओळखताच बहिणीला अश्रू अनावर झाले. त्यांनी एकमेकांना मिठी मारली. हा सर्व प्रकार पाहून आजूबाजूचे लोकही थक्क झाले. ही घटना आता सोशल मिडियावर वेगाने व्हायरल होत असून लोक याला आदिशक्तीचा चमत्कार मानत आहे.

14 Apr 2026 10:15 AM (IST)

चिमुकल्या पक्ष्यांना आवडला समुद्रकिनारा! लाटांच्या हुलकावणी देत लुटली मजा, Video Viral

इंटरनेटवर वेगाने व्हायरल होत असलेल्या या व्हिडिओमध्ये तुम्ही पाहू शकता यात दिसते की, शांत समुद्रकिनाऱ्यावरील एक मनमोहक दृष्य आपल्या नजरेस पडेल. निळेशार पाणी त्यात उसळत्या लाटा आणि लोकांची नसलेली गर्दी यामुळे पक्षाच्या आनंदाकडे लगेच लक्ष जाते. आपल्याला यात दिसते की, एक लहान पक्षी पाण्याच्या दिशेने पळत जातो आणि लाटा ओसंडून किनाऱ्यावर येऊ लागल्या की तो परत पळत पळत पुन्हा किनाऱ्यावर येतो. असे तो बऱ्याचदा करतो जणू लाटांसोबत त्याची पकडा पकडीच सुरु आहे. हे असं करताना व्हिडिओत दोन चिमुकले पक्षी दिसून येतात. समुद्रकिनारा आणि लाटांची ते मजा घेत असतात. व्हिडिओ आपल्याला शिकवतो की, आपण कितीही लहान असलो तरी निसर्गातील प्रत्येक गोष्टीचा आपण आनंद आपल्या पद्धतीने घेऊ शकतो. आपण आजवर पक्षांना फक्त आकाशात उडताना पाहिलं होतं पण त्यांना असं समुद्रावर मजा करताना क्वचितच कुणी पाहिलं असावं.

14 Apr 2026 10:05 AM (IST)

दादरमध्ये थरार! जुन्या वैमनस्यातून पत्नीसमोरच तरुणाची हत्या

मुंबई येथून एक धक्कादायक घटना समोर आली आहे. एका तरुणाची पूर्ववैमनस्यातून पत्नीच्या देखत बेदम मारहाण करण्यात आल्याचे समोर आले आहे. यात तरुणाचा मृत्यू झाला. या घटनेने परिसरात खळबळ उडाली आहे. ही घटना मुंबईतील दादर परिसरात रविवारी रात्री नऊच्या सुमारास घडली. मृत्यू झालेल्या व्यक्तीचे नाव अंकुश आंबोरकर (वय ४०) असे आहे. पोलिसांनी या प्रकरणी आतापर्यंत सहा जणांना अटक करण्यात आली आहे.

14 Apr 2026 09:58 AM (IST)

Free Fire Max: नवा स्टेप अप ईव्हेंट लाईव्ह!

फ्री फायर मॅक्समध्ये स्टेप अप ईव्हेंट सुरु झाला आहे. या ईव्हेंटमध्ये प्लेअर्सना क्वॅक शोडाउन ग्लू वॉल स्किन मोफत मिळवण्याची संधी मिळणार आहे. या ईव्हेंटमध्ये प्लेअर्सना केवळ 1 ग्लू वॉल स्किन नाही तर 4 नव्या ग्लू वॉल स्किन क्लेम करण्याची संधी मिळणार आहे. खरं तर गेम डेवलपर कंपनी हे ग्लू वॉल स्किन स्टेप अप ईव्हेंटमध्ये ग्रँड प्राईज स्वरुपात क्लेम करण्याची संधी मिळणार आहे. ग्लू वॉलव्यतिरिक्त प्लेअर्सना या ईव्हेंटमध्ये इन-गेम रिवॉर्ड्स मोफत क्लेम करण्याची संधी मिळणार आहे.

14 Apr 2026 09:57 AM (IST)

शेतकऱ्यांची चिंता आता वाढणार; हवामान विभागाकडून महत्त्वपूर्ण अंदाज जारी

यंदाच्या वर्षी देशात सामान्यपेक्षा कमी पाऊस पडेल. सरासरीच्या ९२ टक्के पर्जन्य राहण्याचा अंदाज हवामान विभागाकडून वर्तविण्यात आला आहे. हवामान विभागाकडून सोमवारी नैऋत्य मान्सूनचा पहिला अधिकृत अंदाज जाहीर करण्यात आला. पृथ्वी विज्ञान मंत्रालयाचे सचिव डॉ. एम. रविचंद्रन आणि हवामान विभागाचे महासंचालक डॉ. एम. मोहापात्रा यांच्या उपस्थित पत्रपरिषद पार पडली. यावेळी रविचंद्रन यांनी हा अंदाज जाहीर केला.

14 Apr 2026 09:50 AM (IST)

फॅट बर्न करण्यासाठी प्रभावी ठरेल ताक!

राज्यासह संपूर्ण देशभरात तापमानामध्ये मोठी वाढ झाली आहे. कडक उन्हात कुठेही जाऊन आल्यानंतर अंगाची काहिली होते. याशिवाय शरीरातील पाण्याची पातळी कमी झाल्यामुळे खूप जास्त थकवा आणि अशक्तपणा जाणवू लागतो. त्यामुळे उन्हापासून शरीराचे रक्षण करण्यासाठी आहारात वेगवेगळ्या थंड पेयांचे सेवन केले जाते. त्यात आवर्जून प्यायले जाणारे पेय म्हणजे ताक. दुपारच्या जेवणात वाटीभर दही आणि एक ग्लासभर ताक प्यायल्यास शरीराला भरमसाट फायदे होतात. ताक प्यायल्यामुळे शरीरात वाढलेली ऍसिडिटी कमी होते, पचनक्रिया सुधारते, याशिवाय शरीराला गारवा सुद्धा मिळतो.

14 Apr 2026 09:40 AM (IST)

हेलिकॉप्टरने फक्त इतक्या रुपयांत पोहचू शकता बाबा केदारनाथ यांच्या दरबारी

माहितीनुसार, १९ एप्रिल रोजी यमुनोत्री आणि गंगोत्री या मंदिरांचे दरवाजे उघडले जातील. यानंतर २२ एप्रिल रोजी केदारनाथ मंदिराचे दरवाजे आणि २३ एप्रिल रोजी बद्रिनाथ मंदिराचे दरवाजे भाविकांसाठी उघडले जातील. शिखांचे पवित्र तीर्थक्षेत्र असलेल्या हेमकुंड साहिबचे दरवाजे २३ मे रोजी उघडले जातील.

हेलिकाॅप्टरने जाण्यासाठी किती पैसे आकारले जातील?

• सिरसी मार्ग : अंदाजे ₹६,३९०
• फाटा मार्ग : अंदाजे ₹१०,१६४
• गुप्तकाशी मार्ग : अंदाजे ₹१२,७६२

14 Apr 2026 09:30 AM (IST)

24 कॅरेटच्या दरात पुन्हा घसरण, चांदीचे भाव स्थिर

भारतात 14 एप्रिल रोजी 24 कॅरेट सोन्याच्या प्रति ग्रॅमचा दर 15,245 रुपये, 22 कॅरेट सोन्याच्या प्रति ग्रॅमचा दर 13,974 रुपये आणि 18 कॅरेट सोन्याच्या प्रति ग्रॅमचा दर 11,433 रुपये आहे. भारतात 14 एप्रिल रोजी 22 कॅरेट सोन्याच्या प्रति 10 ग्रॅमचा दर 1,39,740 रुपये, 24 कॅरेट सोन्याच्या प्रति 10 ग्रॅमचा दर 1,52,450 रुपये आणि 18 कॅरेट सोन्याच्या प्रति 10 ग्रॅमचा दर 1,14,330 रुपये आहे. भारतात 14 एप्रिल रोजी चांदीचा भाव प्रति ग्रॅम 259.90 रुपये आणि प्रति किलोग्रॅम 2,59,900 रुपये आहे.

14 Apr 2026 09:15 AM (IST)

सुनेत्रा पवार मुख्यमंत्री होणार? खासदारांच्या वक्तव्याने चर्चांना उधाण

मुंबई : दिवंगत नेते अजित पवार यांच्या निधनामुळे बारामती विधानसभा मतदारसंघाची पोटनिवडणूक होत आहे. यामध्ये सुनेत्रा पवार बिनविरोध निवडून येणार आहेत. जोरदार राजकारण झाल्यानंतर काँग्रेसने अर्ज मागे घेतला. त्यामुळे सुनेत्रा पवारांविरोधात कोणताही प्रबळ नेता नसल्याने त्या निवडणूक जिंकणार असल्याचे जवळपास निश्चित झाले आहे. अजित पवारांनंतर सुनेत्रा पवार यांनी राज्याची व पक्षाची सुत्रे हाती घेत उपमुख्यमंत्री पद स्वीकारले. मात्र त्या लवकर मुख्यमंत्री होतील अशी चर्चा राजकीय वर्तुळामध्ये (Maharashtra Politics) रंगली आहे.

14 Apr 2026 09:05 AM (IST)

लग्नाचे आमिष दाखवून तरुणीवर वारंवार अत्याचार

इन्स्टाग्रामवर स्वतःची खरी ओळख लपवून लग्नाचे आमिष दाखवत २९ वर्षीय तरुणीवर लैंगिक अत्याचार केल्याचा धक्कादायक प्रकार समोर आला आहे. इतकेच नाहीतर या आरोपीने स्वत:चे खरे नाव लपवून पीडितेशी जवळीक साधल्याचे उघड झाले आहे. या घटनेमुळे परिसरात ‘लव्ह जिहाद’चा प्रकार असल्याची चर्चा असून संतापाची लाट उसळली आहे.

14 Apr 2026 08:55 AM (IST)

अमेरिका-इराण या देशांत लवकरच सुरु होणार संवाद : पाकिस्तानचे संरक्षणमंत्री आसिफ

गेल्या काही दिवसांपासून इराणवर अमेरिका आणि इस्त्रायल या दोन्ही देशांकडून हल्ले केले जात आहेत. इराणकडूनही या हल्ल्यांना जोरदार प्रत्युत्तर देण्यात येत आहे.  या देशांत युद्ध सुरु आहे. यामुळे अनेक अडचणींना सामोरे जावे लागत आहे. त्यातच पाकिस्तानात झालेली चर्चा फिस्कटली. त्यानंतर आता पुन्हा अशाप्रकारची चर्चा होईल, अशी शक्यता पाकिस्तानचे संरक्षणमंत्री ख्वाजा आसिफ यांनी व्यक्त केली. इराण-अमेरिका चर्चेची पुढील फेरी लवकरच सुरू होण्याची शक्यता आहे, असे त्यांनी म्हटले आहे.

14 Apr 2026 08:45 AM (IST)

19 वर्षीय युवकावर तब्बल 180 मुलींच्या लैंगिक शोषणाचा आरोप

अमरावतीच्या परतवाडा- अचलपूर या जुळ्या शहरातून एक धक्कादायक घटना समोर आली आहे. एका १९ वर्षीय तरुणावर तब्बल १८० मुलींच्या लैंगिक शोषणाचा आरोप करण्यात आल्याचे समोर आले आहे. एवढेच नाही तर त्याने 350 हून अधिक अश्लील व्हिडिओ व्हायरल केले आहे. भाजप आमदार प्रवीण तायडे यांनी या प्रकरणी तक्रार दाखल केली असून पोलिसांनी POCSO आणि BNS 294 अंतर्गत गुन्हा नोंदवला आहे. या घटनेमुळे अमरावती जिल्ह्यात खळबळ उडाली असून संताप व्यक्त करण्यात येत आहे.