सकाळी उठताच गटागट हिरव्या पानांच्या या ड्रिंकचे सेवन करा, त्वचेपासून कोड्यापर्यंत सर्व समस्या होतील दूर, डॉक्टरांचा स्वस्त उपाय

Morning Drink : हिवाळ्यात कोरडी त्वचा, कोंडा आणि केस गळणे या समस्या वाढतात. अशावेळी रासायनिक प्रोडक्ट्सऐवजी डॉक्टरांनी सुचवलेले हे घरगुती, नैसर्गिक पेय त्वचा आणि केसांसाठी खूप फायदेशीर ठरू शकते.

(फोटो सौजन्य – Instagram, istock)

Follow Us:

Follow Us:

• डॉक्टर डॉ. शिल्पा अरोरा यांनी तीन घटकांचा वापर करून एक नैसर्गिक ड्रिंक तयार करण्याचा सल्ला दिला आहे.
• हे पेय शरीरातील पोषकतत्त्वांची कमतरता भरून काढते, ज्यामुळे त्वचेच्या आणि केसांच्या समस्या कमी होतात.
• घरच्या घरी सहज तयार होणारे हे ड्रिंक पूर्णपणे नैसर्गिक, सुरक्षित आणि खर्चिक नसून ते आपल्या शरीराला अनेक फायदे मिळवून देते.

‘म्युकस फिशिंग सिंड्रोम’ म्हणजे नेमकं काय? डोळ्यांच्या आरोग्याला धोका निर्माण झाल्यास दृष्टीवर होऊ शकतो परिणाम

सोशल मीडिया प्लॅटफॉर्म इंस्टाग्रामवर डॉक्टर डॉ. शिल्पा अरोरा यांनी एका पेयाचे सेवन करण्याचा सल्ला केला आहे. हे पेय दररोज प्यायल्याने त्वचा आणि केसांच्या समस्या कमी होतात शिवाय यात सुधारही दिसून येतो. अनेक उपाय करूनही जर तुमच्या केसांमध्ये आणि त्वचेवर सुधारणा होत नसेल तर यामागे शरीरात पोषकतत्वांचा अभाव हे कारण कारणीभूत ठरत असते. आपण जे काही खातो त्याचा आपल्या शरीरावर परिणाम होत असतो अशात चांगला आहार शरीरात नेहमी चांगले बदल घडवून आणतो हे लक्षात ठेवा. डॉक्टरांनी शेअर केलेल्या या पेयाचे सेवन करून तुम्ही तुमच्या शरीराला पोषकतत्वांचा साठा पुरवू शकता ज्यामुळे आरोग्य सुधारण्यास मदत होईल. यातील प्रत्येक घटक आरोग्य सुधारण्यास आणि समस्यांना दूर करण्यास तुमची मदत करेल. चला तर मग घरच्या घरी हे पेय कसे तयार करायचे ते जाणून घेऊया.

 

View this post on Instagram

 

A post shared by Shilpa Arora (@dr.shilpaarora)

ड्रिंक तयार करण्यासाठी लागणारे साहित्य

• आवळा
• आलं
• कढीपत्ता

• हे पेय तयार करण्यासाठी सर्वप्रथम आवळा धुवून चिरून घ्या.
• नंतर, १-२ इंच आले सोलून चिरून घ्या.
• आत मिक्सरच्या भांड्यात आल्याचे तुकडे, आवळ्याचे तुकडे आणि काही कढीपत्त्याची पाने घाला.
• यात हलकं पाणी घालून याचा मिक्सरमध्ये ज्यूस तयार करा.
• आता हे ज्यूस बर्फाच्या ट्रेमध्ये टाकून फ्रीझ करा.
• रोज सकाळी उठल्यावर एक ते दोन या ज्यूसचे आईस क्युब्स पाण्यात मिसळा आणि याचे सेवन करा.

फायदे

• डॉ. शिल्पा यांनी त्यांच्या व्हिडिओमध्ये स्पष्ट केले की आवळ्यामध्ये व्हिटॅमिन सीचे प्रमाण चांगले असते, जे त्वचेला नैसर्गिक चमक देते. ते मुरुमे, डाग आणि अकाली वृद्धत्वाची चिन्हे कमी करते. याव्यतिरिक्त, हे पेय केसांची मुळे मजबूत करते, केस गळणे कमी करते आणि अकाली केस पांढरे होण्याची समस्याही टाळते.
• आल्यामध्ये अँटीऑक्सिडंट आणि दाहक-विरोधी गुणधर्म असतात. ते त्वचेची जळजळ कमी करण्यास मदत करतात. यामुळे रक्तभिसरण सुरळीत होते आणि केसांना नैसर्गिक चमक मिळते. कोंडा कमी करण्यासाठीही आल्याची फार मदत होते.
• कढीपत्त्यामध्ये लोह, जीवनसत्त्वे अ, ब आणि क यांचे प्रमाण लक्षणीय असते. हे पोषक घटक निरोगी आणि स्वच्छ त्वचेसाठी फायद्याचे ठरतात. याचे सेवन शरीरातील विषारी घटक बाहेर काढतात ज्यामुळे त्वचेला उजळपणा मिळतो. याव्यतिरिक्त, कढीपत्त्यामुळे केस मुळांपासून मजबूत होतात, केस गळणे कमी होते आणि केसांची नैसर्गिक चमक टिकून राहते.

Web Title: Doctor shilpa arora suggested morning drink to get rid from hair and skin problems lifestyle news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com