Tea-Time Snacks : विकतची कशाला? तुम्ही घरीच बनवू शकता मार्केट स्टाईल ‘खारी’, रेसिपी आहे फार सोपी

Khari Recipe : तुम्ही चहासोबत बेकरी स्टाईल खारी तर अनेकदा खाल्ली असेल. पण तुम्हाला माहिती आहे का? हा पदार्थ तुम्ही घरीदेखील अगदी सोप्या पद्धतीने तयार करु शकत. ही रेसिपी फाॅलो करुन घरीच महिनाभर साठवता येईल इतकी खुशखुशीत खारी बनवू शकता.

(फोटो सौजन्य: Pinterest)

Follow Us:

Follow Us:

• भारतीय घरांमध्ये चहासोबत खारी हा स्नॅक्सचा प्रकार फार लोकप्रिय आहे.
• खारी हा पदार्थ तुम्ही घरीदेखील तयार करु शकता.
• यासाठी सोपी पद्धत फाॅलो करावी लागेल.

Weekend Special : संध्याकाळचा नाश्ता होऊन जाऊद्या मजेदार, घरी बनवा ‘चिकन पाणिनी’, एकदा खाल तर पुन्हा बनवाल

साहित्य

• २ कप मैदा
• १ कप थंड बटर
• १/२ टीस्पून मीठ
• १ टीस्पून साखर
• आवश्यकतेनुसार थंड पाणी
• वरून लावण्यासाठी थोडे दूध
• आवडीनुसार जिरे किंवा ओवा

• एका मोठ्या भांड्यात मैदा, मीठ आणि साखर एकत्र करून त्यात थंड बटर घालून हलक्या हाताने मिसळा.
• थंड पाणी थोडे-थोडे घालत घट्टसर पीठ मळा. पीठ जास्त मऊ होऊ देऊ नका. ते ३० मिनिटे फ्रिजमध्ये ठेवा.
• पीठ लाटून त्यावर हलकेसे बटर लावा, दुमडून पुन्हा लाटा. ही प्रक्रिया ४–५ वेळा करा, त्यामुळे खारीला सुंदर थर तयार होतील.
• शेवटच्या वेळी पीठ अर्धा सेंटीमीटर जाडीचे लाटून चौकोनी किंवा डायमंड आकारात कापा.
• सर्व तुकडे बेकिंग ट्रेवर ठेवा. वरून दूध लावा आणि आवडीनुसार जिरे किंवा ओवा भुरभुरा.
• आधीच २०० अंश सेल्सिअस तापमानावर गरम केलेल्या ओव्हनमध्ये १८–२२ मिनिटे किंवा खारी सोनेरी आणि फुलून येईपर्यंत बेक करा.
• तयार खारी पूर्णपणे थंड झाल्यावर हवाबंद डब्यात भरून ठेवा आणि गरमागरम चहासोबत कुरकुरीत खारीचा आनंद घ्या.

टिप्स

• बटर नेहमी थंड वापरल्यास खारी अधिक पापुद्रेदार बनते.
• पीठ जास्त मळू नका, अन्यथा खारी कठीण होऊ शकते.
• बेक झाल्यानंतर खारी पूर्ण थंड झाल्यावरच डब्यात भरावी, त्यामुळे तिचा कुरकुरीतपणा टिकून राहतो.
• मसाला खारीसाठी वरून काळी मिरी पावडर, चाट मसाला किंवा सुक्या हर्ब्सही वापरू शकता.

Web Title: How to make bakery style khari at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com