थंडीत लहान मुलांच्या नाश्त्यासाठी बनवा नाचणीचे हॉट चॉकलेट! शरीरातील सर्वच हाडे होतील मजबूत, नोट करा रेसिपी

नाचणी शरीरासाठी अतिशय गुणकारी आहे. सकाळच्या नाश्त्यात किंवा आहारात नाचणीपासून बनवलेल्या पदार्थांचे सेवन करावे. चला तर जाणून घेऊया नाचणी हॉट चॉकलेट बनवण्याची सोपी रेसिपी.

थंडीत लहान मुलांच्या नाश्त्यासाठी बनवा नाचणीचे हॉट चॉकलेट!

Follow Us:

Follow Us:

राज्यासह संपूर्ण देशभरात थंडीचे वारे वाहू लागले आहेत. थंडगार वातावरणात शरीराला उष्णतेची आवश्यकता असते. कारण वातावरणात निर्माण झालेल्या गारव्याचा परिणाम आरोग्यावर लगेच दिसून येतो. त्यामुळे थंडीच्या दिवसांमध्ये कायमच उष्ण पदार्थांचे सेवन करण्याचा सल्ला दिला जातो. आहारात शरीरास सहज पचन होतील अशाच पदार्थांचे सेवन करावे. लहान मुलांना सकाळच्या नाश्त्यात कायमच बिस्कीट किंवा ब्रेड बटर खाण्यास दिले जाते. पण वारंवार मैदा वापरून बनवलेल्या पदार्थांचे सेवन केल्यास शरीराची पचनक्रिया बिघडते आणि लहान मुलांना पचनाच्या समस्या उद्भवतात. म्हणूनच आज आम्ही तुम्हाला लहान मुलांच्या नाश्त्यासाठी नाचणीचे हॉट चॉकलेट बनवण्याची सोपी रेसिपी सांगणार आहोत. नाचणी आरोग्यासाठी अतिशय गुणकारी आहे. नाचणीच्या सेवनामुळे शरीराला भरमसाट फायदे होतात. यामध्ये असलेल्या गुणकारी घटकांमुळे शरीरातील कॅल्शियमची कमतरता भरून निघते. बाजारात उपलब्ध असलेल्या चॉकलेटमध्ये कायमच साखर आणि हानिकारक रसायनांचा वापर केला जातो. त्यामुळे सोप्या पद्धतीमध्ये घरी बनवलेल्या नाचणी हॉट चॉकलेटचे सेवन करावे. चला तर जाणून घेऊया सोपी रेसिपी.(फोटो सौजन्य – istock)

जेवणासाठी करा चमचमीत बेत! हिरव्यागार मेथीच्या भाजीपासून बनवा लसूणी मेथी, लहान मुलांसह मोठेसुद्धा खातील आवडीने

साहित्य:

• नाचणीचे पीठ
• पाणी
• सुका मेवा
• दूध
• गुळाची पावडर
• कोको पावडर
• पाणी

कृती:

• नाचणीचे हॉट चॉकलेट बनवण्यासाठी सर्वप्रथम, टोपात पाणी घेऊन त्यात नाचणीचे पीठ, कोको पावडर आणि वाटीभर दूध घालून व्यवस्थित मिक्स करून घ्या.
• तयार केलेल्या मिश्रणात गुठळ्या अजिबात ठेवू नये. यामुळे पदार्थाची चव अजिबात चांगली लागणार नाही.
• टोपात दूध गरम करण्यासाठी ठेवा. दूध व्यवस्थित गरम झाल्यानंतर त्यात तयार केलेले नाचणीचे पीठ मिक्स करून घ्या.
• तयार केलेले नाचणीचे मिश्रण चमच्याने सतत मिक्स करत राहा. यामुळे पिठात गुठळ्या राहणार नाहीत.
• नाचणीचे मिश्रण घट्ट झाल्यानंतर गॅस बंद करून घ्या. कॉफीच्या मगमध्ये हॉट चॉकलेट ओतून वरून त्यात नाचणीचे तयार केलेले मिश्रण ओतून घ्या.
• सजवण्यासाठी सुका मेवा घालून लहान मुलांना खाण्यास द्या. तयार आहे सोप्या पद्धतीमध्ये बनवलेले नाचणीचे हॉट चॉकलेट.

Web Title: Make ragi hot chocolate for childrens breakfast in winter all the bones in the body will become strong

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com