बदलत्या जीवनशैलीमुळे (lifestyle) आपल्या खाण्यापिण्याच्या वेळा सतत चुकतात. कामासाठी तासनतास बाहेर राहावे लागत असल्याने अनेकदा बाहेरचे अन्नपदार्थ, फास्टफुड अनेकजण खात असतात. तसेच अपूर्ण झोप, बिघडलेल्या दिनक्रमाचा सगळ्यात जास्त पोटावर परिणाम होत असतो. यातूनच मग ऍसिडिडी,(Acidity) गॅसेस होण यांसारख्या गोष्टी वारंवार जवळपास सगळ्यांच्याच बाबतीत होतात. गॅसेसवर काही घरगुती (home) टीप्स (tips) सांगणार आहोत. हे उपाय अगदी सोपे आणि सहज करता येतील असेच आहेत.
प्रत्येकाच्या घरात ओवा हा असतोच. तुम्हाला जर पोटात मुरडा अल्य़ासारखे वाटत असेल तर हातावर ओवा थोडा चोळून तुम्हाला तो खायचा आहे. ओव्याचा वास आणि दाताखाली आलेल्या ओव्याच्या रसामुळे तुम्हाला छान आराम मिळेल. ओवा ही अशी गोष्ट आहे जी तुम्ही तुमच्या सोबत सहज कुठेही जाताना बाळगु शकाल. बऱ्याचवेळा पोटाच्या विकारांसाठी काळा चहा (tea) लिंबु पिळुन घेतला जातो. त्यामुळे निश्चित फरक पडतो, मात्र जर चहात लिंबा सोबत आलेदेखील टाकल्यास त्याचा अधिक लाभ होतो. त्याच बरोबर तुम्ही नुसते आल्याचे तुकडे चोथा होईपर्यंत चघळले आणि तुम्ही त्याचा रस पिलात आणि त्यावर जर तुम्ही थोडे कोमट पाणी प्यायलात तर तुम्हाला आराम मिळू शकेल. यातून बद्धीतकोष्टतेचा त्रास देखील कमी होतो. जेवल्यानंतर अनेकांना बडीशेप खाण्याची सवय असते. खरतर ही एक चांगली सवय आहे, बडीशेप किंवा पान खाल्याने अन्नाचे चांगले पचन होते. १ कप उकळलेल्या पाण्यात १ चमचा बडीशेप मिसळून रातभर ठेवून द्या. सकाळी ते गाळून आणि त्यात एक चमचा मध मिसळून ते पाणी प्यावं. हे पाणी दिवसभरात ३ वेळा प्यायल्यानं पोट फुगणं आणि गॅसची समस्या दूर होते.
जेवणाच्या बदललेल्या वेळा यामुळे अन्नपचन होत नाही. पुर्वी लोक जेवल्यानंतर शतपावली करायचे. मात्र आता लोकांकडे वेळच नसल्याने घरी गेल्यावर जेवुन कधी झोपतो अस, झालेल असत. तेंव्हा दररोज जेवण झाल्यानंतर गुळ खाल्ल्याने अन्न पचनास आणि परिणामी संबंधित त्रासातून सुटका होते. गुळ तोंडात विरघळेपर्यंत चघळत राहावा ही प्रक्रिया जेवढी हळू होईल तेवढा त्याचा फायदा जास्त होईल. वारंवार छातीत जळजळ होणे, बद्धकोष्ठता, ऍसिडिटी हे नेहमी होणारे त्रास आहेत. त्यामुळे त्यासाठी वारंवार गोळ्या औषध घेणे योग्य नाही. तेंव्हा जर का तुम्हाला पोटात अचानक दुखायला लागत असेल. पोट साफ होत नसेल, अपचन, ऍसिडिटी होत असेल तर तुम्हाला गॅसचा त्रास आहे हे समजून घ्या, वरील उपायकरुन तुम्ही या प्रॉब्लेमला दुर घालवु शकता.
